Ikki Danab 2:2 - Nobonob Baibel

² Am ahilagnu amu, ag danab ah wan imuppa daatteb ele, ag ag ele nug tituana nai qakkak ii hemana. Iitta. Ag amu dilag qaɗab loppaɗadkkulag,’ awe ami. Amge ag da oɗel ii dim lamidppig. Aɗinu ag anam heppig?

Ikki Danab 2:2 Referans Kwoze

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Jeremaia 2:5

Yawe Nug inam atte. “Ag mamelkad aɗi ag da Yawe, ag dahilnu eheɗ aɗi laa anidppig amunu ag da uuiɗna, umanab goppig. Ag kayak hambuppuak, danab ah ehanadkkulagnu elele iitta, ag dottolkad amu dilag dabmena dim lamidnana, ag ele hambuppuak bena, aɗi keeke genab laa hekkulagnu elele iitta daappig.

Jeremaia 2:18

Ag laa ag Isip appanu ehanittak aoglagnu hetteb, amge aɗinu?. Ag laa ag Asiria appanu ehanittak aoglagnu hetteb, amge aɗinu? Ag wan aɗit amuppanu ehanittak ii aomna.

Ikki Danab 2:20

Ag anam heppig amunu, Yawe Nug Israel dilagnu oo huana nauhom. Nug oo nauhe, Nug aum. “Danab ah imu ag nug tituana nai qakkak, da hei, da ag mamelkad aɗi ele hemut amu, ag amu tippalna, ag dahil nai ele ii doon oiyegeg uɗie, gemu ele anam hetteb amunu,

Duteronomi 7:16

Yawe, ahilag Kayak, Nug danab ah huu laalappanu diia, ag eppelagppa mekku amu, ag hadappeg nauheg! Ag aib ahilagnu oolag gai-iitta doon, oolag mattan, ehanadppeg, ag oolagppa daappig. Ag ahilkad kayak ele noolagppa dup nona binalag aib meppig. Aɗinu? Ag amu hekkulag dayeb amu, ag doɗ pelemppa teum daatte bia daaglag.

Eksodas 32:21

Moses nug anam ha mala, nug Aron amegppa aum. “Am danab ah ag nahipnu attem heeg, amu diig amunu na ag kobol eheɗ naunab amu hekkulagnu ae heppig?” awa aum.

Genesis 4:10

Nug anam awa a amu, Yawe Nug aum. “Na kobol aɗi heme? Doye! Na amap Abel nug tiig wanppa ne, amu baag da daulppa danab baag bia doottem

1 Pita 4:17

Kayak Nug danab ah epeɗiadkkunu haen digma miagnab daatte, amu Kayak nuhikkud danab tatam epeɗiadkku. Anam amu, Nug anam ihinigppa epeɗiak digmekku dayeb amu, danab ag Kayaknu Nai Ena tappaeg nette ele, ahilagppa amu attemnab daakku? Ag uug naunab aoglag.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Ikki Danab 6:8

Yawe Nug propet laa Israel dilagppa me ukka, nug aum. “Yawe, Israel dilag Kayak, Nug inam atte. ‘Da ag begbeg maɗi nid daaegeg, Isipnu diie, omalatti uuppig.

Genesis 12:18

Oɗe anam matte amu, Paro nug Abram onigppa e uɗie, nug aum. “Na aɗinu dahilnu inam heme? Aɗinu na Sarainu, ‘Ah am dahil,’ ii ame?

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.

Ikki Danab 6:10

Da ag amelagppa ami. “Da am Yawe, ahilag Kayak. Ag Amo danab, gemu ag ahilag wanppa daatteb ele amu, ag amu dilag kayak noolagppa dup noa binag mak kobol ii hekkulagoitte,” ami, amge ag da ii dooiɗppig.’ ” Propet nug Kayak nai amu, danab ah amelagppa aum.

Ikki Danab 8:27

Amu Gideon nug amu oh awa, nug gol amuppa nug lamen enanag-epod laa ha, bala metta, nug amu nug appag Opra, appa meum. Amge haen elab iitta, Israel ag Kayak ag Nug noobppa dup nona binag mekkulagnu ib ippuanattom dimettanna, ag lamen enanag-epod amu noobppa dup nona binag meppig. Keeke amuam Gideon, amu nuhigppan ele, ahilagppa pelem nau laa dayom.