Ikki Danab 19:3 - Nobonob Baibel

³ gamu nug maɗi nid laa awa, donki aɗit laa ele diia, Betlehem ukka, ah amu eɗua uɗikkunu oɗ medakkunu ukkom. Haen nug ah mameg laugppa te, ah nug omala, lag ooppa no, mameg nug gamag ahak ele danab amu nug ele laippu dayaknu ooppa eleleib doyom.

Ikki Danab 19:3 Referans Kwoze

Genesis 50:21

Anam amunu, ag aib baɗappig. Da ag, ahilkad nid naunau ele ena daaglagnu ehanadkkul,” awa aum. Nug anam ana, nug eheɗ hadakkunu ii dabmeumnu nai mattiaya, nai bodoettak ele ag amelagppa mattiom.

Genesis 34:3

Sekem anam ha amu, nug Jakop aɗeg Daina ii uuittom. Iitta! Nug nuhignu oo mauhom. Amu ele, nug Daina amegppa nai enaib madittom.

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

Jon 8:11

Anam a amu ah nug aum. “Naɗi, laippu laa anam ii heum,” awa aum. A amu Jesus aum. “Da ele na nob nau aokkutnu ii apa; na gona hipunin baula aib heme,” awa aum.))

Matyu 1:19

Daye amu Maria gamu Josep nug am genab tutukku hak danab, ⌊oo doyak ele⌋ amunu, nug heeb, danab ah dilag neekkakppa Maria uɗa nak guittak ele dookkunu uua, nug lokkumakppa Maria uukkunu dabmeum.

Hosea 2:14

Yawe Nug anam mattia, Nug tuɗitta aum. “Anam amge, da geha kobol enappa nug eɗue aokkul. Geha da nug omale ukken, atu taɗakppa nai bodoettakppa, elelenab nug amegppa nai madikkul.

Jeremaia 3:1

Amu Yawe Nug atte. “Danab ah aa ewau daattep, ah nug ⌊gappai heeb,⌋ danab nug nuhig ah amu lamitteb, ah nug ukka, danab laa awa, ⌊baula gappai heeb,⌋ danab amu ele nug ah amu lamitteb, danab nug tatam ah amu awa lamittom amu, nug eɗua, ah amu baula aokku am enate? Kobol augigiak amuppa wan am Kayaknu neekkakppa dubuttid tak ele iite daama. Anam, amge ag Juda, ag kayak hambuppuak kuɗum noolagppa dup nona binalag meegeg uɗie, gemu ele hetteb. Ag ib baag ah nug danab kuɗum ele niiglagnu hette, ag amubia hetteb. Ag anam hetteb, amge da tuɗitten, ag eɗue diiadkkulnu onilagppa ettem.

Ikki Danab 15:1

Amu dimppa, wit aeg awak haenppa, Samson nug meeme nag laa nug wau, nuhig daakkunu hamu medakkunu awa ukkom. Nug ukka, wau mameg amegppa aum. “Da ah dahilnu lag oo amuppa nokkulnu ool daatte,” awa aum, amge ah mameg nug ii uuitte noum.

Namba 22:22

⌊Amu Balam nug Kayak aɗi hekkunu aum amu ii dim lamitta, eheɗ hekkunu dabmeum⌋ amunu, nug ugekke, Kayak Nug Balamnu oo huana nauhe, Yawenu engel na, nug kekeɗab ib gamagppa dayom. Balam nug donki nuhigppa ugekke, nuhig maɗi nid aɗit laa nug ele oh goppig.

Lewitikas 20:10

Am danab laa nug ewau pakkua heeb, danab laa wau ele gappai hekkulah dayeb, ag ah danab ele oh aqatppeg mauhkkulahoitte.

Lewitikas 19:17

Na layapnu nau ninig ele aib doome. Amge na layap laa nug hipunin heebeb, na Kayak noobppa na nug ele beɗulttippa aab ele daamyanu, na genab layap daug bate!

Ikki Danab 19:2

Omala ukkom, amge ah amu nug gamunu oo aeg be, nug eɗua Betlehem, mameg laugppa ukkom. Betlehem amu Juda wanppa daatte. Nug anam he, kalam waɗele ukke amu,

Ikki Danab 19:4

Ah mameg, nid amu tana amu, nug anam ha, nug danab amu appa nakok laa ele daakkunu wagai meum amunu, nug ee, le ele lanana, deɗ ewam appa niiom.

Ikki Danab 19:26

Wagɗe buttuanab ag nug uuitteg ukkom amu, ah nug eɗua, lag gamu dayomppa appa ukkom. Ukka, nug lag odppa ukka, na qa niieye, aam ba amahalom.

Hosea 2:16

Amu deɗ laa uɗieb, nug geha dahilnu, ‘Gumitta danab uɗat ɠagattag meɗatte,’ anak uua, nug dahilnu, ‘Da gamul’, akku.