Ikki Danab 19:1 - Nobonob Baibel

¹ Amu haen amuppa Israel ag ahilag king laa iitta. Amu haen amuppa ele, danab laa nug Lewi buɗubppan mana mettak danab iitta, nug amu oolagppanu, nug Epraim wanppa, qauko qauko daattebppa, aben laih umanab appa dayom. Anam daya amu, deɗ laa nug uɗia, ah laa, Juda ted, Betlehem appanu, nug ah laa, nug wau amge waunab iitta daakkunu awa, omala aabppa ukkom.

Ikki Danab 19:1 Referans Kwoze

Ikki Danab 18:1

Haen amuppa Israel danab ah ag ahilag king laa iitta. Amu Israel dilag huu okkai Dan, amuppan laala ag Josua laikkud ele ag wan Dan buɗub daakkunu panin madappigppa daaglagnu, ag aulag dayeb, bekkalkad aɗi mattaglagnu aben ii anidppig amunu, ag wan adekku aon daaglagnu, ag amu mattin daappig.

Ikki Danab 17:8

nug aab amuppanu aha, Epraim wanppa, qauko qauko daattebppan uɗiom. Nug aben ena laa antta, amuppa daakkunu mattia oiyom. Nug wan amu obata ugakka, nug ukka, Maika laugppa teum.

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Ikki Danab 21:25

Haen amuppa Israel appa king laa iitta amunu, danab oh ag akka anen anen, ag kobol attem am ena dabmeppig amu, ag anamib heppig.

Ikki Danab 17:6

Haen amuppa Israel appa king laa iitta amunu, danab oh ag akka anen anen, ag kobol attem am ena dabmeppig amu, ag anamib heppig.

Josua 24:33

Amu dimppa amu Aron bekka Eleasar nug mauhe, ag nug Gibea appa boumppig. Aben amuam Epraim wanppa, qauko qauko daattebppa dayom. Ag nug bekka Pinias wan amu matu mettaeg, ag Eleasar appa boumppig.

Josua 24:30

Nug mauhe amu, ag nug wan nuhigppa, amuam nug augppa aab Timnat Sera, appa boumppig. Aab amuam Epraim wanppa, laih Gas qaukoppanu yawalti uɗitteppanu, qauko qauko daattebppa appa dayom.

Daniel 5:3

Nug maatte gona, Jerusalem appanu Kayaknu mettid lagppan kap golppa hak, silwappa hak ele akkan uɗippig amu, ag kap amu akkan uɗieg, king, nuhikkud danab okkai, nug wauud, nug wauud amge wauudnab iitta ele, ag oh kap amuppa le lappig.

Esta 2:14

Aria, tueb, nuhig deɗ mak amuppa, laa ag nug omalna, king nukka dayomppa appa goppig, buttua amu, ag nug omalna, king wauud daattappigppa, lag laa amuppa goppig. Appa amu nug danab laa onig Sasgasnu dabmettakppa daakkunu dayom. Danab amu nug am kingnu danab, hipab qak ele laa. Nug king wauud amge wauudnab iitta gumadttom. Ah makkun nug haen oh appaib daakkunu meppig, Nug king toppa eɗua gokkunu iitta, me king nug nuhignu oo ena doya, onigppa eeb amu, ag nug omalppeg, nuhigppa ukka daakkunu dayom.

2 Stori 11:21

Rehoboam nug wauud 18 ele, amu ah laa nug wauud amge wauudnab iitta, am 60. Amu Rehoboam nug ah amu oh dilag oo mauhom, amge nug Apsalom aɗeg Makahnu oo huana mauhom. Amu Rehoboam nug bekkod 28, aɗekkud am 60.

1 King 11:3

Solomon nug ah wauud 700 diiowa, nug 300 laa, ag am nug wauud amge nug wauudnab iitta, nug ag ele diiom. Ah 700 amu, ag oh am ah okkai. Aria, ah amu ag ⌊ahilkad kayak hambuppuak ele akkan uɗin⌋ heeg, ⌊nug amu binalag meum. Binalag maama⌋, nug Yawe, nuhig Kayak, nug Nug oo ohppa ii dim lamittom.

2 Samuel 20:3

Am King Dawit nug eɗua, nuhig lag enanagnab, Jerusalem dayom amu, nug appa ta, nug wauud amge wauudnab iitta eblaih tanig ele, nug ag daanna, nuhig lag enanagnab, amunu keeke ele atognoadkkulagnu uuatte daappig amu, nug ag lag laappa, ag lag amu uun oiglagnu elele iitta, nug ag appa maatte, piɗe anam daappig. Dawit nug ag ele baula ii niippig, amge nug he, ag ee keeke, elele daappig, keeke laanu tutu ii daappig. Ag ah qab bia anam daaeg ukke, mauhppig.

2 Samuel 19:5

Dawit nug anam heehe, Joap nug lag Dawit dayom amuppa ukka ta, nug Dawit amegppa aum. “Gemu na he, nahipad daup ag uɗa nak eheɗ dootteb. Danab amu ag aakku na, na begapad, na aɗenad, nahipad ah, amu na waatad amge waatadnab iitta ele kekeɗ eppelagppanu diiatte, ag ii mauhppig.

2 Samuel 16:22

Ahitopel nug anam a, Apsalom nug ena doya, nug he, ag peh lag king laug attan, koɗokko uɗem ukkakppa heppig. Ag anam heeg, appa Israel oh noolagppa Apsalom nug mameg wauud amge wauudnab iitta ele niippig.

2 Samuel 5:13

Amu Dawit nug Hebron uua, Jerusalem ta dayaya, nug wauud laala, aria wauud amge wauudnab iitta laala ele diie, ag Dawit bekkod, aɗekkud laala ele menuadppig.

2 Samuel 3:7

Amu Saul qappu laa, nug am nug wau amge waunab iitta, nug onig Rispa, nug Aia aɗeg; amu deɗ laa Isboset nug Apner amegppa aum. “Aɗinu na da mamel wau amge waunab iitta ele niipiɗ,” awa aum.

Ikki Danab 17:1

Danab onig Maika, nug Epraim wanppa, qauko qauko daatteppa daattom.

Genesis 35:19

Aakku Rahel mauhe, ag nug Eprat ukkaknu ib daugppa boumppig. Eprat onig laa am Betlehem.

Genesis 25:6

nug ele bekkod laa, ag anilti am nug wauuɗ amge wauuɗnab iitta amu, nug aa bekkalti keeke ahilkad daakkunu hamu mattom. Matta malowa amu, nug ag nug bekka Aisak uuidna gokkulagnu a, ag laih kaɗag uɗitteppanu gona, wan amuppa daanna oippig.

Genesis 22:24

Nahor wau amge waunab iitta, am onig Reumah, amu nug bekkod waɗele menuattom. Ag onilag Teba, Gaham, Tahas, Maka ele.

Ikki Danab 17:7

Deɗ laa amu, Lewi buɗubppan mana mettak danab iitta, ag oolagppan nid bau laa nug Israel dilag huu okkai Juda, appa, Betlehem aabppa, appa Juda oolagppa daya,

Ikki Danab 19:2

Omala ukkom, amge ah amu nug gamunu oo aeg be, nug eɗua Betlehem, mameg laugppa ukkom. Betlehem amu Juda wanppa daatte. Nug anam he, kalam waɗele ukke amu,

Ikki Danab 19:16

Anam dayom, amge haen nakokib ukke, dimppa danab kaino laa nug nuhig dad okkai uɗatppanu laugppa uɗiom. Nug Epraim wanppa, qauko qauko daattebppan danab, amge nug ukka, Gibea, Benyamin danab ag appa daappig amu, nug appa dayom.

Ikki Danab 3:27

Haen nug ukka, Epraim wanppa, qauko qauko daattebppa ta amu, nug Israel danab ag oh qagmena, bannu gokkulagnu trampet iwalom. Nug trampet amu iwale, gumidna ukkaeg, nug Israel dilag bannu huu laa qauko nakok amuppanu omalatta noum.

Ikki Danab 12:8

Jepta mauhe, Ibsan nug Israel dilag epeɗiak danab beum. Nug am Betlehem ted.

Ikki Danab 18:13

Appanu ag ahan, Epraim wanppa qauko qauko daattebppa tena, ag Maika laugppa wappig.

1 King 4:8

Gawana amu ag onilag am: Benhur, nug am Epraim wanppa, qauko qauko daatteb, nug wan amu gumom.