Ikki Danab 10:4 - Nobonob Baibel

⁴ Nug bekkod 30 ele. Nug bekkod ag donki 30, amuppa godappig, amu ag aab 30 Gileat wanppa mameg meppig. Gemu ⌊nai imu yaak haenppa⌋ ele, aab amunu amu, danab ag, “Jairnu aab,” aon atteb.

Ikki Danab 10:4 Referans Kwoze

Namba 32:41

Jair, Manase buɗub laa, nug Gileat ooppan aab naunauppan danab lamatte ahaeg, nug aab amu onilag Jair Aab ataɗattom

Ikki Danab 12:14

Nug am bekkod 40 ele, alakkud danab 30 ele. Bekkod amu, alakkud amu ele ag donki 70ppa oippig. Nug Israel dilag epeɗiak danab maɗ eblaih ewam ele dayom.

Ikki Danab 5:10

Ag laa, ag donki enanag gomelkadppa oitteb, ag laa ag lamen kobol ele duqan, amuppa daatteb, amu ag laa ag ib man baelagppaib oitteb ele amu, ag oh ag laa le moɗppa daan ahi edatteb ele, ag ahilag ahi nai doon dabmetteg! Ag Yawe Nug kobol genab tutukku ha, kekeɗ eɗattomnu edatteb. Ao, ag Israel dilag daup Yawenu daatteb amu, ag daup amu kobol genab tutukku ele dim lamidna, kekeɗ eɗadppignu edatteb. Gemu, Israel danab ah, ag Yawenu danab ah amu, ag eɗun, aab ahilkadppa maɗoɗ ele daatteb.

Duteronomi 3:14

Jair, nug Manase buɗub, nug wagai ma, Argob wan atu oh Basan appanu awe ukka, Gesur danab, Maka danab ele tomppa waum. Jair nug wan amu onig, am nug nukka nug onig awa, wan amunu Jairnu aab aum. Danab ag wan amunu gemu ⌊nai imu yaak haenppa⌋ ele Jairnu Aab atteb.

Ikki Danab 10:3

Tola nug mauhe amu, danab laa nug Gileat ted onig Jair, nug Israel dilag epeɗiak danab maɗ 22 dayom.

Ikki Danab 10:5

Amu Jair nug mauhe, ag Kamon appa nug boumppig.

2 Samuel 16:2

Siba nug keeke amu oh awa uɗia, Dawit uɗa te, amu Dawit nug oɗ mettom. “Imu oh am attemun?” awa oɗ mettom. Oɗ mette amu, Siba nug eɗua nob ma aum. “Donki aa king, baekkudppa ele ag ⌊haen anen anen⌋ attan tena oiglagnu, bret kunum, ad meu ele am nid bau ag lakkulagnu, amu wain am laa ag atu taɗakppa oippeg, beɗulag gai-iitta meeb, ehanittak aoglagnu daaglag amu, am amu dilag,” awa aum.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.