Ikki Danab 1:4 - Nobonob Baibel

⁴ Haen Juda danab ag banelag goppig amu, Yawe Nug he, Kanan danab, amu Peres danab ele Juda eppelagppa daaegeg, Juda ag aab Besek guguittak appa kekeɗnu ban danab 10,000 aqappig.

Ikki Danab 1:4 Referans Kwoze

1 Samuel 11:8

Ag Besek appa Saul toppa qagmeeg, Saul ebaqatte, Israel danab laa oh 300,000 daaegeg, Judanu am 30,000.

1 King 22:15

Mikaia nug anam a, aa king daapiɗppa teeh, King Ahap nug Mikaia oɗ mettom. “Mikaia, ig aab Ramot, Gileat wanppanu banelag gota, aab amu ele ban hekkunigte, o iitta, ig iitai gomata?” awa oɗ mettom. Nug anam oɗ mette, Mikaia nug ⌊baag danab daugppa dootte, nug danab amu nug doyaya, nai genab ii maditte, Mikaia baag amuppa⌋ nob ma aum. “Ag aab Ramot, Gileat wanppanu banelag gona, ban hena, genabnab genab aab amu na geha aokkut. Yawe Nug geha na ehanitteb, Aram eɗadkkut,” awa aum.

1 King 22:6

Jehosapat nug anam a, aria Ahap, Israel dilag king, nug he, propet danab, ahilag ebqak am 400 anam, ag uɗieg, nug ag oɗ mattom. “Da Ramot, Gileat wanppanu, banelag ukken, aab amu eɗue aokkulte, o iitta da iitai gopa?” awa oɗ mattom. Nug ag anam oɗ matte, ag appig. “Na ahan ukke! Naɗi Nug aab amu na eppenppa mekku,” aon appig.

1 Samuel 14:10

Amge ag, ‘Aa ig daattemppa uɗieɗ!’ akkulag dayeb amu, i ag daattebppa tekkunih. Aɗinu? Ag anam appeg amu, i aakku doognih, Yawe Nug Pilistia danab amu aakku i eppenihppa ma malom. Nai amuam i anam doognihnu at ihinih daakku,” awa aum.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Duteronomi 7:2

Yawe, ahilag Kayak, haen Nug danab amu diia, ag eppelagppa meeb, ag eɗadkkulag amu, ag heppeg, ag Yawenuib nuhig pelemppa daaglagoitte! Ag aib danab amu ele layam batan daaglagnu nug tituanna, ahilagnu oolag gai-iitta doon, oolag mattan ehanadppig.

Ikki Danab 1:3

Yawe anam a amu, Juda ag lailkad, Israel dilag huu okkai Simeon dilag appig. “Ag ig ou iqappeg, ig oh Kanan danab, ag wan Josua, am laala ele om ena yaakppa ig megappig, ag amuppa daatteb amu, ig ag ele ban hetu! Ag ig ehanigppeg, ig Kanan ag wan, Josua laala ele ag megappigppa daatteb eɗattota, qinob ig ag ehanadpput, ag ig ele oh, ig Kanan ag wan Josua laala ele ag madappigppa daatteb eɗadkkunig,” aon appig. Juda danab ag anam appig amunu, Simeon danab ag ahaeg, Juda danab ele oh goppig.

Ikki Danab 1:5

Juda ag ban amu henana, ag Besek appa Adoni Besek, nuhikkud daup ele, amuam Kanan danab, Peres danab ele amu, ag nug, ag ele anadna, ag ag ele ban hena, ag eɗadna heeg, Adoni Besek, Kanan danab, Peres danab ele ag oolppig.

Sam 44:2

Ig mamenkad aɗi ii uɗippig dayeye, danab ah Kanan daappig ele ag na ii dim lamitteg ukke, haen na ig mamenkad omaladna uɗin, haen amuppa na laa ag wan anen anenppa wan imuppa daappig, na he, Israel ag danab amu lamatteg, na wan imu ig mamenkad aɗi mattame. Yo, na danab ah, ig mamenkad aɗi dilag kekeɗ, ag Kanan daappig ele amu, na hee nauheg, na hee ig mamenkad aɗi ag elele daappig.

Sam 78:55

Nug ⌊ig alankad⌋ ag noolagppan wan anen anen, amunu danab lamatte goppig. Nug anam he, Israel ag om ena yaak heeg, Kayak ib amuppa Nug huu anen anen ahilag wan, ag aulag daakkunu ag mattom. Ao, Nug ag ahilkad wan anen anen matte, danab ah Israel dilag huu okkai anen anennu amu, ag laulkadppa aakku daappig.

Ikki Danab 3:5

Yawe Nug Kanan danab amu uuatte, Israel danab ah amu, ag Kanan danab, Hit danab, Amo danab, Peres danab, Hiwi danab amu Jebus danab ele oolagppa aakku daappig.

Ikki Danab 11:32

Jepta nug anam awowa, nug nuhig ban danab diie nona, Amon ele ban heeg, Yawe ehanitte, nug ag eɗattom.