Ikki Danab 1:21 - Nobonob Baibel

²¹ Kalep nug ag lamattom, amge Israel dilag huu okkai Benyamin, ag Jebus danab ⌊ag eɗun gona Jerusalem daappig ele⌋ ag amu, ag ii eɗadppig. Benyamin danab ag Jebus danab ii eɗadppig amunu, Jebus danab ag Jerusalem appa, Benyamin danab oolagppa aakku daappig. Ag haen amuppa anam hena daaegeg uɗie, gemu ⌊nai imu yaak haenppa⌋ ele, ag aakku daatteb.

Ikki Danab 1:21 Referans Kwoze

Josua 15:63

Wan, aab ele amu aakku, Josua, nuhig ehanittak ele ag Israel dilag huu okkai Juda madappig. Amge Juda ag Jebus danab Jerusalem daappig ele amu, ag danab amu lamadkkulagnu elele iitta amunu, Jebus danab ag aguppa daaeg uɗie, gemu ⌊nai imu yaak haenppa⌋ ele, ag aguppa daatteb.

Ikki Danab 1:8

⌊Amge amu ii nak,⌋ Juda danab, ag Jerusalem banelag gona, ban hena aoppig. Ag danab ah oh appa daappig ele amu aqan, aab okkai amu manaeg ewom.

Ikki Danab 1:22

Juda, Simeon ele aa anam hepiɗ, amu Josep buɗub ag Betel aab banelag ukkaeg, Yawe Nug ag ele daappig.

1 King 9:21

Am anukka Israel ag danab ameg amu heeg, ag Yawenuib nuhig pelemppa daappig, amge ag ohnab heppeg, Yawenuib nuhig pelemppa daaglagnu elele iitta daan, ohnab heeg, Yawenuib, pelemppa ii daappig; aakku gemu laa amu, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag maɗi nid daan, uɗat aakku hetteb.

1 Stori 11:4

Am haen amuppa danab ah ag Jerusalemnu, “Jebus,” adappig. Amu Dawit nug, nuhikkud daup ele ag ahan, appa banelag goppig. Ag ahan ukkaeg, Jebus danab appa daappig ele ag

Sam 106:34

Yawe Nug Israel ag danab ag aabaab Kanan wanppa daappig hadappeg nauhkkulagnu, haknunab nai aum, amge ag anam ii heppig.

Ikki Danab 1:27

Amu Israel dilag huu okkai Manase ag danab ah Betsan, Tanak, Dor, Ibleam, Megido, amu aab naunau aab amu taliliattak daappig ii lamatteg, Kanan danab amu ag ahilag wan ii uun oolna goppig. Kanan danab ag aguppa daaglagnu dabmak aoeg ɠagattag eppe heppig amunu, Manase danab ah ag ii lamadppig.

1 Stori 1:14

Jebus danab, Amo danab, Girgas danab,

1 Stori 8:28

Danab amu ag baelkadppa dilag ikki daappig, amu ag buɗulkad onilkad bukppa yaappig, yaak amuppa ag buɗulkad oolagppanu ag danab okkai daappig. Danab amu ag Jerusalem daappig.

2 Stori 8:8

Am anukka Israel ag danab ameg amu aqappig, amge ag ohnab ii aqappig, aakku gemu laa ii aqappig ele, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag begbeg maɗi nid daan, uɗat aakku hetteb.