Hosea 9:17 - Nobonob Baibel

¹⁷ Israel danab ah ag Kayak dahil oɗe dim ii lamidppig amunu, geha Nug ag geɗadkku. Ag am geha qati qati oiyak danab ah bena, ag appalag diig iitta, wanppan wan laalappa anam daaglag.

Hosea 9:17 Referans Kwoze

Hosea 7:13

Israel dilagnu am gadonnab gadon. Aɗinu? Ag da uuiɗna oitteb! Israel ag nauhkkulag. Aɗinu? Ag tappe nak hena, da dim ii lamiɗtteb. Da ag qagaiettakppanu eɗua uhuqak hekkulnu hettem, amge ag hambuppun, dahilppa ehanittak aoglagnu ii hetteb.

Aposel 3:23

Am danab aun laa nug nai amu doyaknu uukku amu, nug Israel oolagppanu geɗittaknab daakku,’ awa aum.

Sekaraia 1:4

Ag mamelkad aɗi heppig bia aib heppig. Haen amuppan propet ag appig. Yawe Nukka Ɠagattag Oh Ele Nug inam atte. ‘Ag ahilag eheɗ hak digdig uun dimettan, aib baula heppig, aon appig, amge ag mamelkad aɗi ag dahil nai amu dooglagnu uuppig; ag ii dabmedappig,’ ” awa atte.

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Aisaia 48:18

Ag dahil nai, dahil ɗo ele tutukku dabmena dim lamidlob am ena, amge ag ii heppig. Ag anam helob amu, ahilag maɗoɗ am le hanhan ugakkaib daatte bia daalo. Ag helob amu, ahilag genab tutukku hak kobol am yu duban qa gotte uɗitte, ahilag genab tutukku hak kobol am anam daalo.

Amos 9:9

Yawe Nug inam ele atte. “⌊Amuam genab bekku.⌋ Aɗinu? Antte! Da haknunab nai ain heppi, ag Israel buɗub ag epeɗiak uug ele wanppan wan laa oh ele laippu aon daaglag. Epeɗiak amuam danab nug ee aeg, menetit ele qagmak laippu daamanu uɗalakppa heehe, men laippunab laa ee aeg daakku abenppa iinab daatte, amubia ag daaglag.

Hosea 4:10

Ag oh ag ee lakkulag me, ag enug aqakppaib daaglag. Ag gappai hekkulag, amge ag nid iitta daaglag. Aɗinu? Ag da, Yawe, ag da uuiɗna, kayak hambuppuak noolagppa dup nona binalag metteb. Kobol amuam ewau oolahppan laa nug ahe, laa ele gappai hettep, am amubia; amu ag Israel, ag dahilppa anam hetteb.

Aisaia 7:13

Anam a amu ⌊Aisaia⌋ nug aum. “King Dawit buɗub ag, ag gemu tutukku doyeg! Ag kobol ahilag amunu amu, danab ah ag ahilagnu bahilag yaatte amunu, gemu ag heppeg, dahil Kayak Nug ele ahilagnu bahi yaakkute?

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Sam 31:14

Amge O Yawe, da nahipnu oolppa genab doottem. Ge, da attem. “Na am dahil Kayak.”

Nehemaia 5:19

O Kayak dahil, da danab ah imu ib anamppa ehanadkkulnu aakku hemi amunu, na dahilnu dabmenana, ena aniɗkkutnu oɗ medattem.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

2 Stori 18:13

Amge Mikaia nug ehanittak anuqak danab amegppa aum. “Yawe genab bau daatte, genab amubia da dahil Kayak aɗi da amelppa atte amu, amu aakkuib da madikkulnu elele. Da keeke laanu madikkulnu elele iitta,” awa aum.

Duteronomi 32:26

Da ag matatuadppi, ag tamtam gona daalob. Ao, da heppi, ag iitta mena autna aoppeg, hab waappa amu, danab laa nug ahilagnu baula dab-ii-melo.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Pilipai 4:19

Amu Kayak dahil, Nug ag keeke laa nuhig neekkakppa ag aoglagnunab daattenu tutu meppeg antta, Nug keeke ena ena oh Kristus Jesusnu uɗatppa nuhigppa daatte amu, Nug amuppa elelenab madakku.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Jon 7:35

Anam a amu Juda ag akka akka nai mattinna appig. “Nug adeppa ukkeb, ig Nug ii anidmata? Nug Juda laala Grik wanppa daatteb, ahilagppa ukka Grik danab ippunadkkutai.

Amos 8:2

Nug ippuniɗa, da oɗ meɗom. “Amos, na aɗi anidttem?” awa oɗ meɗom. Oɗ meɗe, da ami. “Da kaleg laa, ad meu lep mak inak ele daatte anidttem,” awe ami. Da anam ai, Yawe Nug da amelppa aum. “Israel danab ah ag hipunin heegeg, ad meu lep meum, haen amuppa danab aotte, amubia ag bu awaknu haenppa aakku daatteb. Da uuadppi baula hamu ii oimna. Da bu madakkul.

Jeremaia 6:30

Gadon, Yawe Nug Juda danab ah geɗadkku amunu, laa ag ahilagnu, “Silwa laa dubuttid ele, danab silwa amuppa uɗat laa hekkunu elele iitta amunu nug geɗidkku amu, Juda danab ah ag amubia daatteb,” akkulag.

Duteronomi 4:25

⌊Amge⌋ ag appa daanna, ag nid menuadkkulag, nid ahilkad ele am ag alalkad menuadkkulag. Anam amu, ag wan amuppa kaino mekkulag. Ag kaino mewona, ag kobol diig ena iitta uɗig wak ele digmen dim lamidkkulag dayeb, ag dottolkad aɗi keeke laa iɗu bia, ag amu laa hattaglag dayeb amu, amuppa ag Yawe, ahilag Kayak, ag Nug noobppa nau hekkulag. Ag anam heppeg, Nug amunu oo nauhkku

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Jeremaia 7:13

Ag nau hak amu oh heegeg, da, Yawe, da haen kuɗum ag amelagppa ii hemananu ami, amge ag daulag human, nai ii dooppig. Da ag onilagppa emi, amge ag, ‘Ig iikku daattem,’ ii appig.

Jeremaia 7:15

Ag Juda danab ah, da heppi, ag da noolppa ii daamna. Da Israel danab ah, onig laa Epraim, da ahilagnu hemi, amubia da ag Juda, da ahilagppa anamib aakku hekkul.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.