Hosea 9:15 - Nobonob Baibel

¹⁵ Yawe atte. “Israel dilagnu amu, ag Gilgal appa hak nau huanak heppig amunu, appa da digmein, ahilagnu oolppa uuaknab doomi. Ge, da geha ag, ahilag hipunin amunu, da laulppanu lamadppi ahaglag. Da geha ahilagnu tuɗitten, ool ii hema; ikki danab ahilkad oh ag am nai tappe nak danab.

Hosea 9:15 Referans Kwoze

Hosea 12:11

Gileat danab ah ag am nau hak huana hettebte? Ge, appan danab ah ag kobol amu huanaknab hetteb. Danab ah ag Gilgal appa, menppa qaɗab hattak amuppa mana mettak hena, makau dawai manadttebte? Ag hetteb, amge men amu geha nena, dad okkai laa daugppa men hamu qagmak daatteb bia daaglag.

Hosea 4:15

Ag Israel, danab ah ag ewau pakkuna gappai hetteb, amubia ag da uuiɗna, kayak hambuppuak laala dilagppa dup nona binalag metteb, amge Juda danab ah, ag anam aib heppig. O Juda danab ah, ag kayak hambuppuak noolagppa dup nona binalag mekkulagnu Gilgal aib goppig. Ao, ag amu hekkulagnu Bet Awen aib goppig. Ge, ag kayak hambuppuak noolagppa dup nona binalag menana, ag ahilag nai ɠagattag qettan, ‘Yawe genab bau daatte, genab amubia da inam inam hekkul,’ aib anan heppig.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Amos 5:5

Amge ag amu hekkulagnu ag Betel appa aib mattiɗna goppig. Ag Gilgal ele aib goppig. Berseba ele aib goppig. Aɗinu? Kekeɗ ag genab uɗin, danab ah Gilgal appanu diin goppeg, Gilgal danab ah ag wan laappa diia ukka laih me dayak danab ah daaglag. Ao, kekeɗ ag ele Betel loppaɗna heppeg, nauha autanab awa daakku.” Yawe anam atte.

1 Samuel 7:16

Samuel nug aab onig Rama, appa dayom, amge maɗ oh nug Ramanu aha, Betel ukka, nakok dayowa aha, Gilgal ukka, nakok dayowa aha, Mispa ukka, nakok dayowa, appanu aha eɗua Rama gottom. Nug ukka, aab amu ohppa daya oiyaya, nug Israel dilag nai babaittom.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Amos 5:27

amunu, da heppi, kekeɗ ag uɗin, ag eɗadna diiadppeg, ag Damaskus eɗitta wanak, appa diia ukka laih me dayak danab ah daaglagnu gokkulag.” Yawe, Nug onig laa am Kayak Nukka Ɠagattag Oh Ele, Nug anam awa atte.

Amos 4:4

Amu Yawe Nug atte. “Ag ahan, Betel gona, hipunin heig! Ao, ag ahan, Gilgal gona, hipunin baubau tuɗidna heig! Ag buttua oh ahilag mana mettak aon uɗin, qaɗabppa manatteg! Ge, ag maɗ ewam ewamppa ahilkad keekenu obatak eblaih tanig ele ooppanu, obatak laippu aon uɗin, Lewi buɗub matteg!

Hosea 9:17

Israel danab ah ag Kayak dahil oɗe dim ii lamidppig amunu, geha Nug ag geɗadkku. Ag am geha qati qati oiyak danab ah bena, ag appalag diig iitta, wanppan wan laalappa anam daaglag.

Hosea 9:3

Ag geha Yawenu wanppa ii daamna. Geha Israel danab ah ag Isip eɗun gokkulag. Ao, ag geha Asiria gona, appa ag ee ii lanaknu epeɗiak daatte lakkulag.

Hosea 7:2

Anam, amge Israel danab ah ag da neekkatte dayeye, ahilag eheɗ haknu oh dabmein daattem amu, ag amu ii dootteb. Ag haen oh hipunin heegeg tonadtteb; haen oh hipunin amu da noolppa dayeye, da anadttem.

Hosea 4:9

Anam amu, da danab ah laa oh bu madakkul, amubia da mana mettak danab bu madakkul. Ao, da geha mana mettak danab, amu danab ah ele, da ag oh ahilag hak nau amunu bu madakkul. Ge, da geha ag aɗi heppignu nob madakkul.

Hosea 3:4

⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

Hosea 1:9

Menue, Yawe Nug Hosea amegppa aum. “Na nug onig ‘Lo Ami’ ataɗe! Aɗinu? Gemu Israel danab ah ag dahil danab ah iitta, da am ahilag Kayak iitta.

Hosea 1:6

Amu Gomer nug baula oo ele daya, nid ah laa menuom. Menue amu, Yawe Nug Hosea amegppa aum. “Na nug onig Lo Ruhamah ataɗe! Aɗinu? Da geha Israel danab ah dilagnu oo bodoetta le mak kobol ii dim lamidpa; da genab heppi, ag bu naunab aoglag.

Esekiel 23:18

Nug ag dimattom, amge nug ib baag ah kobol ii uuom. Iitta. Nug amu tuɗitta miagib haaha, nug beɗu miagib danab ippuanattom. Nug anam he, da gahag bak bia doomi amunu, da nug dimettami; da apag dimettami, amubia da nug dimettami.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Jeremaia 11:15

Yawe Nug da amelppa anam awowa, Nug da Juda danab ah amelagppa inam akkulnu aum. “Da ag tituanadmi, amge ag dahil mettid lagppa doɗ main, meɗaglagnu daanna, ag kuɗum qagmena, eheɗ hekkulagnu lokkumakppa dabmenana maittak eheɗ aotteb. Aɗinu ag da laulppa anam henan daatteb? Ag doɗ dahilnu tituana meɗak daatteb, ag amu main meɗanna, amuppa ag eheɗ hettebnu bu ib amuppa eɗidkkulagnu elelete? Iitta! Ag ib amuppa bu ii aolob, ag oolag gamag ahalo, amge iitta,” awa aum.

Jeremaia 5:5

Imu ag am anam amunu da ukke, ahilkad ikki danab amelagppa nai madikkul. Aɗinu? Ikki danab ag, ag am danab ag Yawenu ib aakku dootteb bia doottem. Ao, ag Kayak Nug ag aɗi aɗi hekkulagnu ɗo mattom amu, ag dootteb bia doottem.” Da anam dabmemi, amge iitta. Ag ele anen anen Yawe waappa daaglagnu uuppig. Ao, ag nuhig ɗo dim lamidkkulagnu uuppig.

Jeremaia 3:8

Juda ag Israel da dimeɗona kayak hambuppuak laala dim lamadppig anidna, ag da danab nug ah nuhig ewau pakkua gappai hette, diig amunu lamidtte bia, da Israel danab ah ahilag eheɗ haknu nob nau matten lamadmi anidppig, amge Juda danab ah, ag da ippunadmi bia, da dim lamiɗkkulagnu uun henana, ii baɗappig. Iitta. Ag ele ah gamu uuitta ukke, danab laa ele oittep bia, ag da uuiɗna, kayak hambuppuak kuɗum noolagppa dup nona binalag meppig.

Sam 78:60

Nug Silo appa mettid haknu peh lag nuhig uuom. Ao, Nug peh lag nuhig, Nug peh lag amu he, ag danab ah oolagppa qappaeg daattom amu, Nug amu uuom.

Josua 10:43

Anam daye amu, Josua nug Israel ban danab ele ag eɗun, ahilag haen tutu dayaknu aab kalappigppa, Gilgal appa goppig.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Aposel 5:21

Engel anam a amu wagɗe buttuanab totol danab 12 ag ahan gona, Kayaknu mettid lag ooppa nona, danab ah amelagppa engel nai akkulagnu aum ele, ag nai amu danab ah ippunadppig. Amu totol danab 12 ag Kayaknu mettid lag ooppa daaegeg, mana mettak ikki danab amu nuhikkud ehanittak danab ele ag qagmena, Juda dilag hettoɗiak okkai onig Sanhidren, amunu danab, amu Israel dilag ikki danab oh onilagppa eeg, ag uɗieg, ag ahilag daup ag maniguittak lakka gona, totol danab 12 diin uɗiglagnu appig.

Jeremaia 12:8

Dahilad danab ah ag laion atuppa oitte bia bena daan, dahilnu kekeɗ dootteb. Laion kekeɗ antta, eheɗ gaatte, ag amubia dahilnu hetteb amunu, da ag uuadkkul.

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!