Hosea 9:11 - Nobonob Baibel

¹¹ Israel dilag binag amahlak oppiaawak ele, am ai laa hagagaɗa gotte bia gokku; ag nid ii menuadmana, nid ag laulkadppa ii daamna, ag nidnu oolag ii noma.

Hosea 9:11 Referans Kwoze

Hosea 10:5

Am danab ah Samaria daatteb ele ag kekeɗ uɗin, makau gaiɗ dottog golppa hak, Bet Awen appa daatte amu, ag uɗin, dottog amu ahilag wanppanu aon gomananu baɗan daatteb. Amge kekeɗ ag uɗin anam hekkulag amunu, kayak hambuppuak amu dilag mana mettak danab, danab ah laa ag dottog amu dim lamidtteb ele, ag geha nuhignu oolag dookku. Ge, danab ah oh ag dottog amu, nuhig neekkak enanagnab ele, ag amunu gamag ahak okkai dooppig, gemu ele hetteb amu, haen kekeɗ ag appalagppa maon gobeppeg, ag diig amunu geha oo doyak aoglag.

Hosea 9:14

O Yawe, nahipad danab ah dilagnu amu, da ahilagnu aɗi na oɗ medakkul? ⌊Uug naunab nau nid dilagppa bemanu amu,⌋ da ah ag nid ii menuadmananu, huh leppulkad ele iitta daaglagnu, da amunu oɗ medakkul.

Hosea 4:7

Mana mettak danab kuɗumnab bekkulagnu benana, ag hipunin huanaknab ebqak amubia dahilppa ele tuɗidna heegeg uɗie, gemu ele hetteb. Anam amunu, da heppi, ag binalag am eɗua, uɗa nak nau guittak ele daakku.

Duteronomi 28:18

Ag nid kuɗum iitta, amu ahilkad dad ele nauhak daaglagnu, ag eheɗ laa awaknu anak amu waappa daaglag. Ahilag makau, sipsip ele ii menuglagnu, ag eheɗ laa awaknu anak amu waappa daaglag.

Luk 23:29

Ag doyeg, dimppa haen nau laa uɗieb amu, danab ag akkulag. ‘Ah ag nid iitta, ah ag nid ii menuppig, ah ag deɗ laa nid huh ii madappig ele amu, ag itittak ena aoppig daatteb,’ aon akkulag.

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Eklisiastis 6:3

Danab laa nug haen elabnab wanppa oikkutai, nid 100 menuadkkutai, amge nug bau dayak nuhignu ena dookkunu elele ii daatte dayeb, nug mauheb, ag kobol enappa ii boumkkulag dayeb amu, dahil dabmakppa nid laa anig ooppa mauhe, anig menue dotte, amuam kobol amu eɗidtte; am kobol ena.

Sam 58:8

Na heppe, ag am demdem mauhna, wanppa beɗan iitta metteb bia mauhna, iitta mekkulagnu oɗ medattem. Ao, na heppe, nid nakok laa anig ooppa niiaya mauha, nug aam ii anttom bia, ag anam daaglagnu unuqidttem.

Job 18:5

Danab laa nug lamnu ewak iwale qauhtte, amubia nau hak danab nug iitta mette. Ao, laa lam qauhe ii eotte, amubia nau hak danab nug iitta mette.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.

Duteronomi 28:57

nug nid yuɗ bau menua amu, nug nid amunu lo, nid amu ele ahilagppanu lokkumkku. Aɗinu? Kekeɗ ag aab amu oo mattan aqadkkulagnu maadna daaglag, nug aɗitai laa awa lakkunu iitta amunu, uug nau amuppa nug nukka nug lokkumakppa lakku.

Genesis 49:22

Josep, nuhignu amu, nug am muɗi grep laa meu otte, nug amubia. Ao, nug muɗi grep, le qeppuɗia betteppa dayaya, ebekkud elab ukkaeg, meu huana otte bia.

Genesis 41:52

Nug wau nug nid danab gehanu menue amu, Josep aum. “Kayak Nug wan imuppa anukka uug nau doomi ele amu, Nug ippa ehaniɗe, da gemu nid aɗit ele,” awa aum. Nug anam aum amunu, nug nid onig Epraim ataɗom.

Aisaia 17:3

Geha aab ɠagattag aɗ ele Israel wanppa appa iitta mekkulag; Aram huu ag baula wan ahilag ii gumamna. Amu Israel danab ah ag binalag iitta mekku, amubia Aram danab ah oɗo yaak daaglag, ag binalag iitta ele daaglag.” Yawe Nukka Ɠagattag Oh Ele, Nug anam atte.

Hosea 5:9

O Israel danab ah, da keeke laa ag oolagppa genabnab bekkunu ai dootteb; amuam ahilag bu awak deɗ uɗieb amu, ahilag wan am nauhakib daakku.

2 Samuel 6:23

Amu Saul aɗeg Mikal nug haen amu ii nak nug nid laa ii menuom, amu dimppa ele ii menuewe ukke, mauhom.