Hosea 9:10 - Nobonob Baibel

¹⁰ Yawe atte. “O Israel, digmakppa haen da ag anadmi, da ag atu taɗakppa grep meu anttak bia, enanag anadmi! Ao, haen da ag mamelkad aɗi anadmi, ag ad fig meu tatam oɗutte, amubia da enanag anadmi! Amge haen ag Peor appa teppig amu, ag keeke danab ag eppelagppa hoyadppig ele, keeke uɗa nak ele, am kayak hambuppuak Bal aakku, ag akka ag da gumiɗna daamnanu awaidna, keeke amunu daaglagnu, ag akka ag nuhig tituanak daaglagnu anana, ag nug noobppa dup nona binag meppig. Ag amu hena, keeke uɗig wak ele eppegppa hoiyak, ag amunu oolag mauhe, ag keeke amubia beppig.

Hosea 9:10 Referans Kwoze

Hosea 4:14

Amge ahilkad danab ag ele nau anamib aakku hetteb. Ag ib baag ah ele niitteb. Ao, ag ib baag ah, ag kayak hambuppuak dilag mettid lag nakokppa ag ahilag uɗat amu hettebppa appa, ag ag mana mettak hena, ag ele niitteb. Anam amunu da geha ag dahilad danab ah, da ag aɗelkad, ag eɗun, ib baag ah bena oitteb amu, diig amunu da ag aɗelkad bu ii madapa. Ao, da geha ag dahilad danab ah, ag ahipalkad ele, ag eɗun, ewau pakkua gappai hak kobol hetteb amu, diig amunu da ag ahipalkad bu ii madapa. ⌊Dabmeig!⌋ Ag danab ah ag diignu doyak tutukku iitta ele daatteb amu, ag nauhkkulag.

Jeremaia 11:13

O Juda danab ah, ag kayak hambuppuak kuɗumnab noolagppa dup nona binalag metteb. Ag ahilag wanppa aab gane daatteb, ag kayak hambuppuak ebqak amubia noolagppa dup nona binalag metteb. Laa amu, kayak hambuppuak laa onig Bal, kayak amu dim lamattaknu ɗo am uɗa nak ele, ag kayak amu noobppa dup nona binag mekkulagnu ag nuhig qaɗab kuɗum bappaidppig. Jerusalem aabppa ib gane daatte, ebqak amubia ag nuhig qaɗab bappaidppig.” Yawe Nug anam awa atte.

Maika 7:1

Da oolppa uug naunab, guittak bia, doottem! Aɗinu? Da am danab aam haenppan ad fig meu aotte bia daattem. Da ad fig meu tatam oɗutte laa awatte lalomnu ool okkai daatte, amge gemu meu amu laa ii daatte amunu, da ii lattem. Ao, da am uɗat nid grep meu laippu laippu uuppig daaegeg aotte bia daattem. Da grep meu aɗa auta awak laa awe lalomnu ool daatte, amge meu amu laa ii daatte amunu, da ii lattem.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Esekiel 20:8

Da anam ami, amge ag dahil nai tappaeg neum. Ag dahil nai dooglagnu uuppig. Ag dottolkad uɗig wak ele, ag dottolkad amu binalag mekkulagnu oolag okkai daatte amu, ag dottolkad amu ii akkaeg goppig. Ag Isip dilag kayak hambuppuak dottolkad binalag mekkulagnu ii dimadppig. Ag amu heppig amunu, da oppoɗil be, bu okkainab madakkulnu ami. Ao, da ool nauhehe, da ahilag hak naunu nob naunab madakkulnu ami.

Amos 4:5

Ag ena heme anaknu ofa hekkulagnu bret yis ele aon uɗin, maneg! Yo, ag akka ag ɗo hamu mettaknu ofa laala ele henan, danab ah laa amelagppa ag akka binalag mena, ag appeg doyeg! Ge, ag Israel danab ah, ag akka ag amunu binalag meig! Aɗinu? Ag amu hekkulagnu oolag huana daatte.” Naɗi Yawe Nug anam atte.

Hosea 11:1

Yawe Nug atte. “Haen Israel danab ah ag nid nakok daatteb bia daappig, da ahilagnu ool mauhom. Ao, da ool mauhom, da Israel dilagnu, ‘Nid danab dahil,’ doomi amunu, da nug Isip uua dokkunu onigppa emi.

Jeremaia 31:2

Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Aisaia 28:4

Am inam bekku. Aab Samaria am binag amahlak oppiaawak ele, aben wan ittag enanag qauko nakok eleppa daatte, amge aab amuam ad fig meu tatam oɗutte, danab antta, paha eppeg bahia awa latte, am amubia daatte. ⌊Anam amu, geha kekeɗ ag uɗin, heppeg nauhkku.⌋

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.

1 King 16:31

Nug Nebat bekka Jeroboamnu kobol awa, nug hipunin heum amubia nug heum. Nug amu heum, amge nuhig dabmakppa amuam keeke hamu, nug nuhig haknu uug ii doyom. Iitta! Nug nau hak amu nug tuɗitta, nug Saidon aab okkainu King Etbal aɗeg Jesebel awa, am nug Saidon dilag kayak hambuppuak Bal noobppa dup noa binag meum.

Ikki Danab 6:32

Joas nug anam a, haen amuppa laa ag, “Bal nug nugakka nug atognoaɗ!” anana, ag Gideonnu, Jerubal appig. Gideon nug Balnu qaɗab loppaɗe neum amunu, ag nuhignu anam appig.

Duteronomi 32:17

Ag doɗ manadna, ouɗi nau madappig; ouɗi nau amu ag kayak iitta. Ag doɗ manadna, kayak ag ii doyadppig madappig. Kayak amu ag gemuib doyadppig, anukka ag kayak amu ii doyadppig. Kayak amuam ag mamelkad aɗi ii doyadppig.

Duteronomi 32:10

Nug ag atu taɗakppa mattialatta anattom. Yo, wan haɗaettak, amuppa ulah ɠagattag iwaltte amu, Nug appa mattialatta, anattom. Nug ag diia, ahilag guppiɗ dayaya atognoattom. Yo, Nug ag am nuhikkudnab amunu, Nug ha, ag dabmattom.

Duteronomi 4:3

Ag Yawe Nug Balpeornu ahilagppa aɗi heum amu, ag anidppig. Yawe, ahilag Kayak, Nug laa ag kayak hambuppuak Bal, Peor appanu, ag appa nug noobppa dup nona binag meppig ele amu, Nug ag oh hatte nauhppig.

Namba 15:39

Muɗi hatti naunau qakkak amu anam heppeg daappeg, ag anidna, ag Yawe, Nug ɗo oh mattom dabmekkulag. Nuhig ɗo, ag dabmenan oiglagnu diig am, ag hipunin hemananu, ag beɗulkad aɗi hekkulagnu eeɗatteb hemananu, amelagppa aɗi keeke eheɗ laa anidna, ‘Da amu helom,’ dabmemananu ele.

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

Sam 115:8

Anam amu, laa oh ag dottolkad hadatteb ele, amu laala oh ag keeke amu dilagnu oolagppa genab dootteb ele ag, ag oh geha dottolkad amu bia daaglag.

Jeremaia 3:24

Anukkanab, ig memettankad haenppanu uɗie, gemu ele kayak hambuppuak laala ag heeg, ig mamenkad dilag keeke, ihinkad keeke ele ag mattamut. Amuam keeke ig oh aognignu uɗat ɠagattag hetata aomut; ihinkad sipsip, makau ele, amu ihinkad nid danab, ihinkad nid ahin ele.

Jeremaia 24:2

Ad fig meu kaleg laappa daappig am meu enanag, ad fig meu tatam oɗutte bia, amge ad meu kaleg laappa daappig am meu naunab; danab lakkunu elele iitta.

Hosea 4:18

Israel danab ag wain ahilag laeg iitta mette me, ag tuɗidna, kayak hambuppuak laulagppa kayak hambuppuak noolagppa dup nona binalag menana, ag ib baag ah appa uɗat hetteb ele niitteb. Ge, Israel dilag ikki danab ag uɗa nak kobolnu enaib dootteb.

Namba 18:13

Wanppan ee tatam oɗutte oh ag da, Yawe, ag da meɗatteb amu, amu oh am nahip, na begapad dilag eleib. Aun aɗi ag laulkadppanu, ag da ele ouqak daagnignu elele daatteb amu, ag amu lakkulag.

2 King 17:11

Israel ag aabaabppanu mettid lag nakok ohppa ag kalu danab ile muttuɗig enanag bette, wan anen anennu danab ah, Yawe he, Israel ag lamadppig ele, Israel ag danab amu kalu ilak heppig bia heppig. Israel ag kobol nau digdig heppig, amu amuppa ag heeg, Yawe Nug oppoɗi beum.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Hosea 13:5

Da ag atu taɗakppa atognoadmi; aben amuam gakkaɗak naunab ele.