Hosea 7:15 - Nobonob Baibel

¹⁵ Da ag attem hekkulagnu ippuanatte, ɠagattag aqami me, ag gemu dahilnu eheɗ hena dimeɗatteb.

Hosea 7:15 Referans Kwoze

Nahum 1:9

Yawenu kekeɗ ag aɗi dabmak eheɗ aon, nuhigppa eheɗ hekkulagnu dabmetteb ele amu, Nug heeb, dabmak amuam iitta ma autanab aokku. Ao, Yawe nug heeb, ag daanna, baula anam hekkulagnu dabmekkulagnu iinab daama.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Hibru 12:5

Ag oolag ɠagattag qedakkunu Kayak Nug nai laa aum amu ag nai amu ag daulag atiomtai? Nug nai amuppa ahilagnu am Nug bekkod doyaya aum. Nai amuam inam. “O nid dahil, Naɗi Nug na ena bekkutnu tolitta bu nitteb amu, na amunu keeke hamu bia aib doome. Ge, Nug na ena bekkutnu daut bateb amu, na oot bai aib noum.

2 Korint 10:5

Ig a ona a doak nau kobol, amu kobol laa oh ele ag Kayak oɗe ii dim lamidtteb amu, ig kobol amu oh loppaɗttem. Amu ig dabmak oh maniguadta, dabmak oh amu Kristusnu dabmak aakkuib dim lamidkkunu hettem.

Rom 1:21

Amu ag Kayak dooppig, amge ag Nug am genab Kayak oolagppa genab ii doonna, ag Nug binag amahlak oppiaawak ii mettana, ag nug amegppa, “Ena heme,” aon ii appig. Iitta. Dabmak ahilag eɗua, dabmak tutukku iitta be, ag oolag ootot aqe, gatatu manom.

Aposel 4:25

Amu anukka na he, nahip Ouɗi Nug nai nahip imu ig alanig Dawit, nug am maɗi nid nahip amu, nug amegppa a doya, nug aum. ‘Aɗinu wanppan wan anen anennu danab ah ag oppoɗi bak doon ahatteb? Ao, aɗinu wanppan huu ag maittak meu ena ii oma ele dim lamidna, ahilag haen aakku kakidtteb?

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Prowerb 3:11

O Nid dahil, Yawe Nug na ena bekkutnu tolitta, bu nitteb amu, na amunu ootppa uuaknab aib doome. Ge, Nug na ena bekkutnu daut bateb amu, na nuhignu aib eheɗ doome. Aɗinu? Yawe Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, danab nug bekkanu enanagnab dootte ele, nug nug ena bekkunu tolitta bu medatte, amubia Yawe Nug danab amunu hette.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Sam 62:3

Ag dahilad kekeɗ, ag da banel uɗitteb; amu haen gane laa ele ukkeb, ag amu uuglag? Da am danab dakka laippuib, amge ag kekeɗ dahilad ag am kuɗum, ag ohnab ag da iuglagnu hetteb. Da am gilil beɗak bia, o da aɗ oɗaɗittak daatte bia daattem, aakkuib.

Sam 2:1

Aɗinu wanppan wan anen anennu danab ah ag dabmak eheɗ aon ahatteb? Ao, aɗinu wanppan huu ag maittak meu ena ii oma ele dim lamidna, ahilag haen aakku kakidtteb?

Job 5:17

Kayak Nug danab auntai laa tolitta bu medatte ele, danab amu nug itittak ena awom daatte. Anam amunu, na Laa Nukka Ɠagattag Oh Ele Nug na tolitta bu medatte, na amunu ena iinab doyak aib doome.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

2 King 13:5

Aakku Yawe Nug danab laa Israel ehanatta, nug Aram eppelagppanu eɗua diikkunu otie, eɗua diiom amunu, Israel ag eɗun, ahilag dayak ena anukka daappig bia appalagppa daappig.

Sam 140:2

Danab ag laa guittak nau mauhnoak madatteb ele, ag oolagppa nau hekkulagnu maittak aotteb. Deɗ ohppa ag uug heeg bette.

Hosea 13:9

O Israel, ag nauhkkulag. Aɗinu? Ehanittak ahilag am daib, ⌊amge ag uuiɗppig⌋.