Hosea 4:4 - Nobonob Baibel

⁴ Amge laa nug layagnu, ‘Uug beumnu aab am, nug beɗuppa daatte,’ aib aum! Ge, laa nug laa dilagnu, ‘Ag beɗulagppa aab daatte anidttem,’ aib aum. Ag mana mettak danab, da ag naippa yaaladttem.

Hosea 4:4 Referans Kwoze

Duteronomi 17:12

Ag aun laa nug enaen ma, nug epeɗiak danab, o mana mettak danab ag Yawe, ahilag Kayak, ag Nug noobppa nuhig ɗo maɗoɗnu uɗat hetteb ele amu, nug amu dilagnu ag am keeke hamunab dookku amu, ag nug qeppeg mauhkkuoitte. Kobol nau ag Israel, ag oolagppa daamanu, ag heppeg, aib dayom!

Amos 5:13

Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Hosea 4:17

Israel danab ah, ag kayak hambuppuak dottolkad noolagppa dup nona binalag mekkulagnu oolag okkai daatte; ag gumadna, aib goppig!

Amos 6:10

Amu tiilag laippu aɗit laa aa uɗiya, gaɗalag aoya gokkulahnu uɗiya heyaya, laa nug laa, “Gaɗa laa anidmete?” oɗ metteb, laa nug amegppa, “Iitta,” akku. Nug anam ab amu, laa oɗ meum ele nug akku. “I Yawe onig diiɗa iinab akkunihoitte amunu, na nai laa aib mattime!” awa akku.

Esekiel 3:26

Israel danab ah ag nai tappe nak danab ah amunu, ⌊da ag bu okkainab madakkul. Amuam⌋ da heppi, na oɗen qamuttak daan, na nai mattinna, Israel danab ah daulag batakkutnu elele iitta daakkut.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.