Hosea 2:15 - Nobonob Baibel

¹⁵ Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Hosea 2:15 Referans Kwoze

Esekiel 28:26

Da amu heppi, Israel danab ah ahilag wanppa baɗak iittappa daaglag. Ag appa lag buun, grep dad ele eppaglag. Da danab ah ag Israel taliliadna daanna, Israel dilagnu ena iinab dootteb amu, da eheɗ hatten, bu matten malappi, dimppa Israel danab ah ag enaib daaglag. Da amu heppi amu, ag dooglag, da am Yawe, ahilag Kayak.” Yawe Nug anam atte.

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Hosea 11:1

Yawe Nug atte. “Haen Israel danab ah ag nid nakok daatteb bia daappig, da ahilagnu ool mauhom. Ao, da ool mauhom, da Israel dilagnu, ‘Nid danab dahil,’ doomi amunu, da nug Isip uua dokkunu onigppa emi.

Josua 7:26

Ag amu hewona, ag men kuɗumnab, Aakan mauha niiom abenppa qagmeppig, amu qagmak amu daye ukke, gemu ⌊nai imu yaak haenppa⌋ ele daatte. Ag amu oh hena malaeg, Yawe Nug oo nauhak huanaknab doyom amu, Nug baula ii doyom. Amu aben amunu ag Akornu oolnu noak aon adappig.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Jon 10:9

Da am od daattem. Laa nug dahilppa doa, aɗ ooppa nokku amu, nug Padal ii maknu ehanittak awa daakku. Nug ooppa doa, eɗua dimittim ukka, ee antta lakku.

Amos 9:14

Da heppi, dahilad danab ah ag wan laalappa gona, diia ukka laih me dayak danab ah daaglag amu, ag eɗun, ahilag wanppa uɗin daaglag. Ag aab okkai kekeɗ loppaɗppeg nauhak daaglag bappaidna, aguppa daaglag. Ag grep dad eppan, ag wain aon lakkulag. Ag dad eppan, ee appanu aon lakkulag.

Esekiel 16:60

Na anam heme, amge haen na ah bau daame, haen amuppa da hei, i nug tituanɗa nai qakkamuɗ amu, da ihinih nug tituana nai qakkak amu daul ii atima. Da amu daul ii atieb, da heppi, i baula nug tituanɗa nai qakkanih, amu nai qakkak amuam hanhan daakku.

Esekiel 16:22

Na kobol digdig, da kobol amunu oolppa uuaknab doottem amu, na kobol amu oh henana, na ib baag ah ele daan, kobol nau amu ele henana, na yuɗ daanna, na bam iitta, beɗun miag dayeye, na tiin laanna niin, buɗibɗib oinna daame amu, na amunu nakok laa ii dabmeme. Iitta,” awa atte.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Aisaia 65:21

Dahilad danab ah ag laulkad buuadna, ag aguppa daaglag. Ge! Dahilad danab ah ag grep eppalattona, ag amunu meu lakkulag.

Sekaraia 9:12

O Israel danab ah, ag diia ukka laih me dayak danab ah daatteb, ag ena bekkulagnu dabmak aɗan oiglagnu elele amunu, ag eɗun, ahilag aab aɗ ɠagattagnab ele, ag amuppa uɗieg! Da ag amelagppa attem. Ag uug maoppig, amge da geha heppi, ag bu laippu aoppig dayeb amu, ag keeke ena aɗit aoglag. O ag bu aɗit aoppig dayeb amu, ag keeke ena waɗele aoglag. Da heppi, ag anam anamib aoglag.

Gayak Nai 3:21

Dahilnu anam daatte, amge da keeke laa dabmein; da keeke ena bekkunu dabmak aɗa oiyaknu doottem.

Jeremaia 32:15

Aɗinu na anam hekkut? Yawe Nukka Ɠagattag Oh Ele, Israel dilag Kayak, Nug amunu inam atte. ‘Butti aɗi, Israel danab ag wan imuppa daan, lag, wan, grep dad ele meppeg, laa ag daden mekkulag,’ awa atte.” Da Baruk amegppa anam ami.

Sam 106:12

Yawe Nug anam he dimppa, nuhig danab ah ag Nug nuhig nai hekkunu anan qakkom, ag amunu oolagppa genab doona, ag humittak ahi edappig.

Namba 21:17

Yawe anam he, aria Israel ag ahi imu edappig: “Le moɗppa amu, Nug ig le mekkom. Ig ahi edatu!

Hosea 12:9

Yawe atte. “Da am Yawe, da ag Israel, da ahilag Kayak. Da ag Isipnu diien, omalatti beppig, amge da geha heppi, ag eɗun, anukka ag daadppig bia, ag pehppa baula daaglag.

Aisaia 65:10

Danab ah dahilad ag da dim lamiɗkkulagnu oolag hette amu, da ahilagnu dabmein heppi, dahil wan ooppa laih onig Saron am sipsip dilag ee lanak aben enanag daakku. Ao, Akornu oolnu noak aben amuppa makau ag wana, hik aon daaglagnu aben daakku.

Hosea 2:12

Nug laa ag nug ele niippig, ag nug nob mettanna, grep dad, ad fignu dad ele medappignu aum, amu diig amunu da geha nuhig grep dad, ad fignu dad ele heppi nauhkkulag. Ao, da geha heppi, muɗi qaun ele huananab teguadkkulag, doɗ dakkuɗ aakkuib ag meulkad lakkulag.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Jeremaia 2:1

Deɗ laa Yawe Nug nuhig nai imu da, Jeremaia, Nug da meɗom.

Jeremaia 3:4

Ag anam hetteb, amge ag da amelppa atteb. ‘O ig mamenig, ig nid nakok daautut, na ig lainignab daame.

Jeremaia 29:11

Aɗinu da, Yawe, da anam hekkul? Da ag Juda, da ahilagnu maittak ena laa ele aɗe daattem. Maittak amuam, da heppi, ag maɗoɗ ele daaglag. Da eheɗ hadakkulnu maittak aɗe ii daattem. Da ag, ag ena bena, baɗak iitta daaglagnu dabmak aɗan oiglagnu maittak aɗe daattem.

Esekiel 28:25

Amu da Naɗi Yawe, da inam attem. “Qinob dimppa Israel danab ah ag wan laalappa matatun gona daatteb amu, da ag eɗuen diiatten, ahilag wanppa maadkkul. Da ag oolagppa dayeye, da oppiaawak daattem wanppan wan ohppan danab ah ippunadkkul. Haen amuppa Israel ag wan ahilag, da wan amu dahil maɗi nid Jakop mettami amu, ag aguppa daaglag.

Hosea 12:13

Dimppa amu, Yawe Nug he, propet laa nug Jakop buɗub, am Israel danab ah, nug ag Isipnu omalatta uɗiom. Ao, Yawe nug propet amu eppegppa Israel danab ah dabmadatta, atognoattette uɗippig.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Ikki Danab 8:34

Ag Yawe, ahilag Kayak, ag Nug ag ehanatta, ahilkad kekeɗ ag taliliattak daappig ele eppelagppanu diiom amu, ag nuhignu daulag atiom.

1 King 16:31

Nug Nebat bekka Jeroboamnu kobol awa, nug hipunin heum amubia nug heum. Nug amu heum, amge nuhig dabmakppa amuam keeke hamu, nug nuhig haknu uug ii doyom. Iitta! Nug nau hak amu nug tuɗitta, nug Saidon aab okkainu King Etbal aɗeg Jesebel awa, am nug Saidon dilag kayak hambuppuak Bal noobppa dup noa binag meum.