Hosea 14:8 - Nobonob Baibel

⁸ O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

Hosea 14:8 Referans Kwoze

Job 34:32

nug tuɗitta, ‘Ippuniɗppe, da keeke gemu ii anidttem anttoya, da eheɗ aɗi laala ii doyeye hemi amu, da baula ii hepa,’ akku dayeb, ⌊diig amunu Kayak Nug danab amu keeke laala aokkunu oɗe dim lamidkkuoitte? Iitta.⌋

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Luk 15:20

Aria nug anam ana, nug aha ukkom, amge nug ugakka, uma uppa piɗe uɗieye, mameg nug antta, nuhignu oo bodoetta le mak doya aut autanab awa, qaiqaɗ ukka bekka aɗa ootuqittom.

Aisaia 55:13

Ahilag wanppa, wan laih laihppa, ad naunau qaun ele beppigppa amu, ad pain, ag aguppa bekkulag. Ao, wan laih laihppa, keeke qaun ele beppigppa amu, ad mirtel, ag aguppa bekkulag. Ag bena, Yawe Nug heumnu at daanna, anamib daaglag. Laa nug heeb iitta ii mema.

Aisaia 41:19

Atu taɗakppa da heppi, ad digdig, amuam ad sida, ad akasia, ad mirtel am ad olip ele, ad amu ana bekkulag. Ao, wan meu waknu nakokib elele, appa da heppi, ad digdig, amuam ad pain, ad saiprus, ad fir ele, ad amu aakku bekkulag.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Aisaia 60:13

Danab ag Lebanon binag aon uɗin, ag mattaglag. Amuam ad pain, ad fir, ad saiprus ele. Ag ad amu dahil lag neekkak enanag daakkunu aon uɗiglag. Ag aon uɗin, dahil lag, da aguppa daattem ele amu, da heppi, laa ag ad amuppa heppeg, dahil mettid lag am neekkaknu enanag daakku.

Job 33:27

Danab Kayak bu amu mettom ele amu, nug eɗua, ena daya, nug laikkud amelagppa atte. ‘Da hipunin hemi. Da aɗi kobol am tutukku doomi, amge da uuen, eheɗ hein, da nob nau awen mauhkkulnu daami, amge Kayak ehaniɗe, da ii mauhmi.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Esekiel 17:23

Ge, da geha ad sida eppeg, Israelnu qauko attan appa ebakkul. Da anam eppen malappi, ad amu eppeg benana, meulkad ele okkulag. Am ad enanag daakku. Ai iɗu iɗunu ag ad amu attan teɗ maadkkulag. Ao, ag ebekkud oolagppa appa ena, elele daaglag.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.