Hosea 13:3 - Nobonob Baibel

³ Israel danab ah ag anam hetteb amunu, ⌊ag bu aoglag.⌋ Ag buttuanu bud paha qaɗaiedatte bia iitta mekkulag. Ao, ag geha buttua baito paha qaɗaiedatte bia qettoɗkkulag. Ag geha ulah iwale, ee aeg dappunkkeg ee aeg mumuɗaknu abenppanu laih gotte, amubia ag iitta mekkulag. Ao, ag geha aab laa kahug qatia taata ukka, iitta mette bia hekkulag.

Hosea 13:3 Referans Kwoze

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Sam 1:4

Amge nau hak danab amu, ag anam iitta. Ag am ee aeg dappunkkeg ulah iwalatta diia, umanab gotte bia daatteb.

Sam 68:2

O Kayak, ulah kahug iwale gotte bia, na ag lamadppe gokkulagnu ool daatte. Yo, nau hak danab ag uppuh biig aab gakkaɗakppa gakkaɗa, le mette bia, Kayak Nug heeb, ag nauhkkulagnu ool daatte.

Daniel 2:35

Men baeg wan tabatte ye, baeg amu nauha autanab awewe, men he, aen, wan, bras, silwa, gol ele huppu nakok nakok, uug iittanab ne, ulah iwale ukke, huppu nakok laa appa ii dayom. Danab nug ee aeg mumuɗaknu haenppa he, ulah ee aeg dappunkkeg iwale gotte, amubia dottog amuppa heum. Men dottog baeg anam ye, kobol anam dottogppa beum, amge men amu okkai maama, wan atu oh tona malom.

Aisaia 17:13

Huu laa wan laalappanu amu, ag uɗinna, oqotti naɗi, yu dubannu oqotti naɗi bia hekkulag, amge Kayak Nug alatteb, ag eɗun oolna, laih umanab gokkulag. Nug ag lamatteb, ulah qaukoppa ee aeg dappunkkeg mawa gotte, amubia ag ele eɗun oolkkulag. Ao, ulah gappud iwale gotte, amubia ag ele eɗun oolkkulag.

Job 21:18

Haen kuɗum Kayak Nug he, ag ulah keeke uug iitta iwala, ye gotte bia daattebte? Iitta. Ao, haen kuɗum Kayak Nug he, ulah huana iwalala, ee aeg dappunkkeg ye gotte bia daattebte? Iitta.

Job 30:15

Baɗak eheɗ nau da toniɗom daatte. Da dakka da dahilnu ena dookkulnu ib laa iittanab iitta. Ao, da ena, baɗak ele iitta daakkulnu ib laa iitta.

Sepanaia 2:2

Ag deɗ laa, deɗ amuppa Yawe Nug danab ah bu madakku amu, ag gemu deɗ amu ii nak, ag haen imu qagmena ⌊oolag eɗueg⌋! Deɗ amuam pahanab uɗitte; ulah ee aeg dappunkkeg iwale, pahanab laih gotte bia uɗitte. Deɗ amuppa Yawe Nug danab ah bu madakku amunu, deɗ amu ii nak, haen imuppa ag qagmena, ⌊oolag eɗueg⌋! Ao, ⌊ag oolag ii eɗueb,⌋ Yawe Nug ag bu eheɗ nau madakku amunu, Nug amu hekkunu haen ii nak, haen imuppa amu, ag qagmena, ⌊oolag eɗueg⌋!

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.