Hosea 13:15 - Nobonob Baibel

¹⁵ Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.

Hosea 13:15 Referans Kwoze

Esekiel 19:12

Muɗi amu enanag anam dayom, amge laa ag oppoɗilag be amelag kokoɗ eppe, ag hiɗan, wanppa buɗieg ukkom. Ag buɗieg ukka dayeye, kaɗag gakkaɗaknab uɗia he, bunaɗom. Ge, danab ag meu oh aoeg, ulah he, eppeg bunaɗeg, aab ewom.

Esekiel 17:10

Antte! Muɗi hiɗak anam dayeb, laa muɗi amu awa, baula ebakku, am muɗi am ena, elele bekkute? Ulah gakkaɗak uɗieb, muɗi am bunaɗa auta autanab iite aoma? Eppomppanab, appa am iite bunaɗma?’ ” Yawe Nug anam atte.

Jeremaia 4:11

Amu uug amu beebeb, Yawe Nug Jerusalem danab ah, Juda danab ah ele amelagppa inam akku. “Danab, nuhikkud daup ele uɗitteb amu, ag am ulah gakkaɗaknab atu taɗakppanu dahilad danab ah daattebppa uɗitte bia uɗitteb, amge ulah amuam danab ah ahilag uɗat hekkulagnu ehanadkkunu ii uɗitte.

Genesis 49:22

Josep, nuhignu amu, nug am muɗi grep laa meu otte, nug amubia. Ao, nug muɗi grep, le qeppuɗia betteppa dayaya, ebekkud elab ukkaeg, meu huana otte bia.

Genesis 41:52

Nug wau nug nid danab gehanu menue amu, Josep aum. “Kayak Nug wan imuppa anukka uug nau doomi ele amu, Nug ippa ehaniɗe, da gemu nid aɗit ele,” awa aum. Nug anam aum amunu, nug nid onig Epraim ataɗom.

Nahum 2:9

Ag anam hebeppeg, kekeɗ aab eɗidppig ele ag ekkulag. “Silwa huanaknab daatte amunu, ig aotu! Ao, gol ele huanaknab daatte amunu, ig aotu! En naɗi bodok iitta daatte. Ge, en imuam ebqaknu elele iitta,” enana akkulag.

Hosea 10:1

Israel danab ah ag am en kuɗum ele daappig. Ao, ag am grep muɗi ena meu huana oa daatte, ag amubia daappig. Ag keeke kuɗum ele tuɗidna aon daan; ag keeke amu kayak laa madappig. Ag ee huanak aonna, ag men doɗo ele huanak aona; ag men doɗo amuppa men gappi, amuam kayak hambuppuak ahilkad amu, ahilag neekkak ena daaglagnu hena bappaidppig.

Hosea 9:11

Israel dilag binag amahlak oppiaawak ele, am ai laa hagagaɗa gotte bia gokku; ag nid ii menuadmana, nid ag laulkadppa ii daamna, ag nidnu oolag ii noma.

Hosea 4:19

Am ag anam hetteb amunu, ag geha kilibob ɠagattag keeke diia, laih gotte, amubia ag nauhkkulag. Ao, ag kayak hambuppuak dottolkad dilagnu mana mettak hetteb amunu, ag uɗa nak aoglag.” Yawe Nug anam atte.

Daniel 11:8

Nug anam ha, nug ahilkad kayak dottolkad gol, silwa eleppa hak amu, nug amu akka, nug ahilkad en, gol, silwappa hak ele akka, keeke amu oh diia, Isip gokku. Nug anam ha mala, maɗ nakok kuɗum nug wan yawalti uɗitteppanu daatte, nug amu dilag king baneb ele ii goma.

Jeremaia 51:36

Anam amunu, Yawe Nug atte. “Ag Juda, ag antteg! Babilon ahilagnu eheɗ heppig amunu, da ag Juda, da ag ehanadkkul. Da Babilon uug naunab madakkul. Da heppi, Babilon dilag le okkai am qaɗaiedakku. Ao, da heppi, le Babilon ag appa le lanaknu aotteb amu, le amu ele qaɗaiettaglag.

Jeremaia 20:5

Amu da heppi, Babilon dilag king nug Jerusalemnu en oh, amuam men doɗo, gol, silwa, stoappan keeke, amu Juda dilag kingnu en oh ele, nug amu oh aokku. Nug awowa, nug awa, Babilon gokku.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 17:13

Huu laa wan laalappanu amu, ag uɗinna, oqotti naɗi, yu dubannu oqotti naɗi bia hekkulag, amge Kayak Nug alatteb, ag eɗun oolna, laih umanab gokkulag. Nug ag lamatteb, ulah qaukoppa ee aeg dappunkkeg mawa gotte, amubia ag ele eɗun oolkkulag. Ao, ulah gappud iwale gotte, amubia ag ele eɗun oolkkulag.

Aisaia 14:21

King, nug mamekkud aɗi ele, ag kobol naunab kuɗum heeg amu, king bekkod ⌊ag kobol nau amu ooppa nona, tuɗitteg ukka, okkai bekkunu daatteb amunu, anam ii bemanu⌋ ag aqappeg mauhkkulagnu aben babaitteg! Nug bekkod aɗi ag ahan daanna, wan aon appatna, danab ah kuɗum bena, aab okkai kuɗum heppeg bena, ⌊baula kobol naunab kuɗum ii hemananu,⌋ ag mauheg!

Sam 109:13

Da na heppe, nug buɗub ag mauhna malaglagnu oɗ medattem. Ag mauhppeg, ag dimulagppa menuak laippu laa doppeg, danab ah amu, ag oolagppa danab amu buɗub laippu laa bau ii daamanu unuqidttem.

Sam 1:4

Amge nau hak danab amu, ag anam iitta. Ag am ee aeg dappunkkeg ulah iwalatta diia, umanab gotte bia daatteb.

Job 18:16

Nau hak danab nug am ad laa, diɗi beɗom bia daatte. Ao, nug ad ebekkud bunaɗom, nug amubia daatte.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.

Genesis 48:19

Josep anam aum, amge Jakop nug nai nuhignu dab-ii-metta, nug aum. “O bekkal, nug nid danab naanaeg amu, da doottem. Geha nug buɗub ele elab bekku, amge nug dimugppa amu, nug buɗub ag laanu buɗub eɗadna, appatna elabnab bekkulag,” awa aum.

Genesis 41:6

Antte amu, ikki eblaih aɗit ele laa ele beppig, amge ikki amuam aelkad kuɗum iitta, ulah kaɗag gakkaɗak ele aqeeqe, aelkad teppu ele iitta daappig.

Aisaia 27:8

Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

Jeremaia 4:12

Iitta! Ulah amuam ulah ɠagattagnab, danab ah aqadtte. Ulah amuppa da ag Juda danab ah bu madakkul.

Jeremaia 51:1

Yawe Nug inam atte. “Da heppi, huu laa, ag keeke heeg nauhtte ele, ag ahan, Babilon wan, wan amunu danab ah ele ban hekkulag.

Hosea 2:3

Am nug nau hak amu ii uukku dayeb amu, da geha nug bu naunab medakkul. Da heppi, nug bam iitta daakku. Ao, da heppi, nug anig ooppanu bam iitta doum bia daakku. Da heppi, nug atu taɗak bia daakku. Ge, da heppi, nug atu, le iitta, qaɗaietta auta autanab aotte, nug amubia daakku. Da heppi, nug le baag eheɗ diieb mauhkku.

Jona 4:8

Dimppa aam be, Kayak he, ulah gakkaɗak ele, kaɗag uɗitteppanu amu, ulah amu uɗie, aam Jona ikki qe, ameg qittine, Yawe heeb, nug mauhkkunu unuqitta, “Da mauhkkul am ena. Ge, da ii mauhkkul amu eheɗ,” awa aum.

Genesis 41:23

Antte amu, ikki eblaih aɗit ele laa ele beppig anidmi, amge ikki amuam aelkad kuɗum iitta, ulah kaɗag gakkaɗak ele aqeeqe, aelkad teppu ele iitta daappig.