Hosea 13:14 - Nobonob Baibel

¹⁴ Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.

Hosea 13:14 Referans Kwoze

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Sam 49:15

Amge dahilnu amu, Kayak Nug moɗppa niiaknu qagaiettakppanu eɗua uhuqak ha meɗeb, da mauhak eppegppa ii daapa. Aɗinu? Nug heeb, da Nug eppegppa daakkul. Sila.

Sam 30:3

O Yawe, da mauhkkulnu heiyi, na hee, da ii mauhmi. Ao, da mauhak abenppa gokkulnu heiyi, na hee, da ii mauhmi.

Job 33:24

ehanittak laa amu nug danab amunu oo bodoette enanag maɗoɗ ele hak kobol dim lamitta, nuhigppa kobol enanag ha, Kayak amegppa akku. ‘Danab imu nug moɗppa ii nomanu, da nug ou laa elele anidmi amunu, na nug uuppe, ii mauhmanu oɗ medattem,’ awa akku. ⌊Nug anam akku amu, Kayak Nug heeb, oɗe danab amu nug aakku ena daakku.⌋

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.

Revelesen 20:13

Yo, mauhak yuppa daappig, moɗppa daappig, amu Hadesppa daappig ele, ag oh ag Kayak noobppa daaegeg, ag aɗi heppig amuppa epeɗiattom.

1 Tesalonaika 4:14

Ig Jesus Kristus mauhowa, eɗua hibaittomnu oonigppa genab doottem amunu, ig Kayak Nug heeb, laala ag Jesusnu oolagppa genab doona mauhppig amu, Jesus ag ele omalatteb uɗiglagnu ele oonigppa genab doottem.

2 Korint 5:4

Ao, ig peh lakka daatta, ig uug dootta aiqagattem, amge ig wan imuppanu beɗunig imu uut, hamu daagnignu oonig ii daatte. Iitta! Ig hab aabppanu beɗunig, wan imuppanu beɗunig qaɗeppa mepput dayebeb, wan imuppanu beɗunig, ag mauhkkulagnu daatteb ele amu, ag hab aabppanu beɗunig, ag hanhannu daatteb amu, ag oolagppa daanna eɗuna, bauklel hanhannu keeke daaglagnu oonig daatte.

Rom 11:15

Am genab, Israel dilag na qakppa wan atu ohppan danab ag Kayak ele oolag laippu daaglagnu elele daatteb amunu, dimppa Israel ag oolag eɗueb, Kayak Nug ag eɗua diieb, keeke enanagnab bekku. Amuam mauhakppanu eɗua hibaittak.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Sam 71:20

Na da uug digdig, nau ele aokkulnu aib ii ae, aakku toniɗppig, amge na da ehaniɗppe, da ena daakkul. Yo, uug okkai okkaippanu, na humiɗna awiɗppe, da eɗue ena daakkul.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Pilipai 3:21

Geha Kristus Nug ɠagattag nuhigppa keeke oh Nug waappaib maatteb daaglag ele, ɠagattag amuppa Nug heeb, ig beɗunig mauhtte imu, am Nug beɗu enanagnab binag ele bianab bekku.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Revelesen 6:8

A amu da neekke, hos laa, nuhig beɗu anttak am lanlan geɗaɗa ele, da amu anidmi. Anitti amu danab hos amu attan dayom, nug onig Mauhak. Hades nug nug gukkuitta dim lamitte dopiɗ. Aa dopiɗ, amu wanppan danab ah oh waɗele waɗele oolagppa aa qep elabppa, enugppa, oɗe danab kuɗum aqe mauhttebppa, amu doɗ dakkuɗ oɗelagppa ele hepeɗ, laippu mauhkku, ewam bau daaglagnu ɠagattag aopiɗ.

Jeremaia 20:16

Aab laala Yawe Nug amunu oo gai-iitta doya oo matta ehanittak kobol ii haaha he, aab amu ag nauhna autna aoppig amu, danab amu nug anam bia dayaɗ! Danab amu nug buttua qanak heegeg doyaya, belo haenppa nug bannu ewak ele doyaɗ!

Jeremaia 31:35

Amu Yawe Nug he, aam amunppa amahaltte, Nug a, kalam, hoɗopai ele tuqan amahaltteb. Nug he, yu duban qe, oqotti huana otte. Nug onig am Yawe Nukka Ɠagattag Oh Ele, amu Nug atte.

Esekiel 37:9

Beɗulkad ag anam aakku hena beeg amu, Yawe Nug da amelppa aum. “Na dimppa aɗi bekkunu nai ulah amegppa appe doyaɗ! Yo, danab bekka, na dimppa aɗi bekkunu nai ulah amegppa inam appe doyaɗ! Naɗi Yawe Nug atte. ‘Ulah, na aben ohppanu uɗittem, na anam uɗin, beɗulkad imu ag eɗun bau daaglagnu na ahilkadppa ouɗi iwalppe, noa heeb, beɗulag imu oh ag eɗun, bau ahan dayeg!’ ” Yawe Nug da anam akkulnu aum.

Job 41:22

Nug duug am ɠagattagnab; nug oiyeye, laa oh ag oo uug nau qak dootteb.

Sam 49:16

Danab laa ag enulag ele aon daappeg amu, na diig amunu aib dabmak huana aome. Ao, ag lag okkai okkai enanagnab hattana daappeg amu, na diig amunu aib dabmak huana aome.

Hosea 7:10

Israel danab ah ag am beɗuppa tak danab ah. Ahilag beɗuppa tak kobol am he, ag eheɗ hetteb am miag atiak daatte, amge ag Yawe, ahilag Kayak, ag eɗun, Nug waappa daaglagnu, o Nug mattin anidna dim lamidkkulagnu ii hetteb.