Hosea 13:11 - Nobonob Baibel

¹¹ Ag anam appig amunu, da ool nauhehe, da ag king mattami. Ge, da oppoɗil be, da ahilag king eɗue aɗidmi.

Hosea 13:11 Referans Kwoze

1 Samuel 10:19

Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

Hosea 10:3

Anam beeb, diig amunu, ag akkulag. “Ig am Yawenu ebehinig oh ii bodoetta le ii meum amunu, ihinigppa king laa iitta; amge ihinig king laa daalolob, nug ihinignu attemtai helo?” akkulag.

Prowerb 28:2

Wan laappan danab ah ag nai tappe nak danab ah daatteb dayeb amu, wan amuppa gumak danab laa ba, na qe, laa ahatte; amge wan laappan danab okkai nug doyak dabmak ena ele, diignu doyak tutukku ele amu, wan amu ɠagattag daatte.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 Samuel 12:13

Ag king gumadkkunu ippu tituanppig amunu, king ag tituanppig am iikku daatte. Ag nug king daakkunu Yawe oɗ mettaeg, Nug iikku mattom.

Hosea 10:7

Samaria danab ah, ahilag king ele geha ad eppeg nagnag laa le laappa maiya ma gotte bia, ag hena qettoɗkkulag.

1 Samuel 10:17

Aria, Saul anam he, Samuel nug Israel oh ag aab onig Mispa, appa Yawe noobppa qagmekkulagnu onilagppa e, ag doeg,

1 Samuel 15:26

Saul nug anam a, Samuel nug aum. “Da na ele ii gomaɗa. Na Yawenu nai dim lamidkkutnu uume amunu, Yawe Nug king dayaknu ehah na eppenppa, na buɗunad eppelagppa ele daakkunu uutte,” awa aum.

Hosea 3:4

⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

Hosea 8:4

Israel danab ah ag da oɗel ii aon, king tituantteb. Ao, ag da oɗel ii aon, ag anuqak danab ele otialadtteb. Ag ahilkad gol, silwa ele akkan, amuppa ag ahilkad kayak hambuppuak dottolkad hadatteb; ag amu heppigppa ag akka ahilag dayak loppaɗtteb.

1 Samuel 12:1

Amu dimppa Samuel nug Israel danab ah oh amelagppa aum. “Ag da aɗi hekkulnu appig amu, da nai ahilag doye hein, da king laa ag gumadkkunu nug abenppa mei daatte.