Hosea 12:8 - Nobonob Baibel

⁸ Israel ag enaen mena, akka binalag mena, ag atteb. “Ig am enunig okkai ele, ig keeke kuɗumnab aomut! Ig enunig naɗi ele, amge laa nug ig hipunin aɗitai hetat aomut akkunu elele iitta,” aon atteb. ⌊Amge amuam genab iitta.⌋

Hosea 12:8 Referans Kwoze

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

1 Timoti 6:5

danab ag ahilag dabmak augigiak ele, ag haen oh oolag laippu iitta ele oitteb. Doyak diig genabib amu, ag ii aɗatteb, oolagppa ele ii daatte. Ag oolagppa Kayak nainu, “Keeke uɗat iittappa, hamu awaknu ib aakku,” aon atteb.

Sekaraia 11:5

Danab ag sipsip amu ⌊sipsip mamelkad dilagppanu, enub danab laanu men doɗoppa, nuhig daakkunu⌋ daden metteb ele ag daden mewona, ag ⌊laa⌋ baalag otaɗadna ⌊latteb⌋, amge ag bu ii aotteb. ⌊Enub⌋ danab ag sipsip amu ⌊ahilag men doɗoppa aoppig amu,⌋ ag aon meeg, laa daden meeg, enub danab ag men doɗo okkai aon, ag anen anen, ‘Ig Yawe onig humatu. Da enub danab bemi daattem!’ atteb. Sipsip amunu gumak danab ele ag ena ii atognoadtteb; ag ele aqadna ⌊latteb⌋. ⌊Aakku ib ewam amuppa sipsip ameg amuppa daatteb, ag nauhak aotteb.⌋

Prowerb 30:20

Imuam ah ewau pakkua gappai hette, nuhig kobol iikku. Nug kobol nau ha, hamunab doya; nug, ‘Da eheɗ laa ii hemi,’ awa atte.

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Sam 49:6

Kekeɗ dahilad amu, ag ennu oolagppa genab dootteb. Ao, ag enulag okkai okkai amu ehanatteb, padal ii memana atteb.

Duteronomi 8:17

Am ag inam akkulagtai. “Ig ikka ebehinigppa, ihinig ɠagattagppa ele ig enunig ele daattem,” aon akkulagtai.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Luk 16:13

Maɗi nid laa nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat amu enub uɗat ele oh hekkulagnu elele iitta,” awa aum.

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Luk 10:29

Nug anam aum, amge ɗo doyak danab nug nukka onig ena daakkunu ha, nug Jesus oɗ metta aum. “Am dahil mudippan laippu am aun?” oɗ mettom.

Malakai 3:13

Yawe atte. “Ag nai nau mattin yaaiɗtteb,” awa atte. Nug anam atte, amge ag Nug amegppa atteb. “Ig aɗi nai nau mattit yaaidttem?” aon atteb.

Habakuk 1:16

Kakai eeɗak danab nug uhuippa kakai aotte amunu, nug en okkai ele daatte. Ao, nug ee ena enaib amuppa awa latte. Nug uhuippa anam awa lanana dootte amunu, nug uhuinu, ‘Dahil kayak,’ anan, uhui noobppa doɗ laa mana medatte. Ao, nug uhui diig laa ele nuhignu anam dootte amunu, nug kalu danab ile muttuɗig enanag bette ele awa, uhui noobppa amu ilatte.

Jeremaia 2:23

Ag, “Kayaknu neekkakppa ig oonigppa dubuttid ii teum daatte,” atteb, amge attem hena, ag anam atteb? Ag, “Ig kayak hambuppuak Bal iɗu iɗu dim dim ii lamidmut,” atteb, amge attem hena anam maditteb? Amu oh am nai genab iitta. Ag oolnu noak onig Hinom, ag appa kayak hambuppuak noolagppa dup nona binalag iite metteb? Ag hetteb. Ag aɗi aɗi heppig dabmena autna aweg! Ag kamel balat, dawai antteb papalkkunu qaiqaɗ laih gotte laih uɗitte, ag amubia kayak hambuppuak dilag dup nona binalag mekkulagnu hetteb.

Malakai 2:17

Ag nai laa maditteb, amuppa ag heeg, Yawe Nug bahi yom. Ag anam hetteb, amge ag oɗ metteb. “Ig attem heut, Yawe Nug bahi yom?” oɗ mettan atteb. Eheɗ anak ahilag am inam. “Yawe Nug nuhig neekkakppa, laa ag eheɗ hetteb, ag am danab ah ena daatteb; Nug ahilagnu ena dootte,” aon atteb. Ag amu atteb, o ag imu atteb. “Kayak Nug nai doya mala hettoɗia epeɗia elele mettak kobol ii dim lamidtte,” aon atteb. ⌊Ag hambuppuak amu oh mattiegeg, Yawe Nug ahilag anak amunu bahi yaatte.⌋

Esekiel 28:5

Na keeke daden ma me, laa uɗia daden mekkunu uɗat doon autna aona, kobol amu na dim lamidna hena, en huanaknab aome. Na en okkainab aon aɗattem amunu, na nakka na nahipnu enanagnab doon, na dada danab daattem,’ ” awa atte.

Hosea 4:8

Haen danab ah ag hipunin hetteb amu, ag hipunin heppignu mana mettak hetteb. Ag anam heegeg amu, mana mettak danab ag ahilag ee amuppanu aɗadna diitteb. Ag ee aɗadkkulagnu daatteb amunu, danab ag nau heeg, ag gamalag ahatte!

Hosea 13:6

Amge Israel dilagnu amu, da hei, ag Kanan wan aon daanna, ag ee kuɗum ele daan, ag laeg oolag aɗom; ag oolag aɗe, ag dada danab beppig. Ag anam bena, ag dahilnu daulag atiom.

Hosea 14:1

O Israel, ag eɗun, Yawe, ahilag Kayak, ag Nug waappa dayeg! Aɗinu? Ag hipunin heppig, amuppa ag nena qeppig.

Prowerb 11:1

Danab nug doyaya, keekenu uug anidkkunu skel uɗat pehettak ii hettep-ppa mette amu, Yawe Nug amunu ooppa uuaknab dootte; amge danab nug uug doyaknu keeke pehettak skelppa uɗat mattak amu, Yawe Nug amunu ooppa enanagnab dootte.

Jeremaia 5:27

Danab nug ai uhuippa awa, ai lakka maatte, ambak daatte, amubia danab amu laulkadppa en huanak daatte, amge ag keeke amu aoglagnu amu, ag kobol hambuppuakppa hena aoppig. Ag keeke kuɗum amu anamppa aoppig amunu, ag enub danab, ɠagattag ele daatteb.

Amos 8:5

Ag akka ag inam atteb. “Kalam baunu qagmak gamag ahak ele imu paha iitta meeb, ig gota, ig ee daden maknu abenppa laa daden mekkulagnu ee mekkunignu oonig hette,” aon atteb. Ao, ag, “Ig Sabat imu iitta meeb, ig gota wit dadennu mekkunignu oonig daatte,” aon atteb. Ag maket henana, ag doonna skel eheɗppa uɗat heeg, keeke danab aotteb ele am happiak, elele ii aon, men doɗo amunu awaknu ele, eleleppa ii aotteb. Iitta. Ag men doɗo attan tak mattan aotteb.