Hosea 12:4 - Nobonob Baibel

⁴ Am genab, nug engel ele wagai mak heya, wagai maknu ii uuom; nug gaya, itittak ena aokkunu ɠagattag oɗ mettom. Betel appa amu nug Kayak ele nug uɗa teya, appa Kayak nug ele nai madipiɗ.

Hosea 12:4 Referans Kwoze

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Genesis 35:15

Gokkaɗowa, nug aben amu, appa Kayak nug amegppa nai mattiom amu, nug aben amu onig Betel ataɗom.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

1 Tesalonaika 4:17

Kayak Nug heeb, ag eɗun hippaidppeg, ig laa oh bau daagnig amu, ig ag ele oh lombigppa teta, appa Naɗi Jesus ele nug uɗa teta tamanit, Nug ele hanhan daagnig.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Sam 66:6

Kayak he, ib qaɗaiettak laa le naɗi gamagppa ba dayeye, ig alankad ag baelagppa le amu laih laih gilil bia dayeye, ag le mataɗna, laih wappig. Kayak Nug anam heum amunu, ig nuhignu oonig gamag okkai aheb, binag humatu!

Genesis 48:15

Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Genesis 32:29

Nug anam a amu, Jakop nug danab amu amegppa aum. “Na onin appe, da dookkulnu oɗ medattem,” awa aum. Anam aum, amge danab amu nug aum. “Aɗinu, na da onilnu oɗ mettem?” Nug anam awowa, aa daapiɗppa nug Jakop itittom.

Genesis 32:24

Nug anam ha, nug nukka ag haen tutu dayaknu aab kalak daappigppa appa dayom. Dayeye amu, danab laa be, nug ele nug ehalak heeheh ukke, wakkaɗom.

Genesis 32:26

Maɗog apiɗitte, danab amu nug aum. “Wakkaɗom amunu, paɗailppe da gokkul!” awa aum. Nug anam a amu, Jakop nug aum. “Da na ii paɗaidpa! Tatam na itittak ena meɗappe, na paɗaidppi gokkut,” awa aum.

Genesis 25:26

Aria, gehanu nug anig menuewe, nug Esau baeg bittub aɗaɗa neum amunu, ag nug onig Jakop ataɗppig. Haen aa dopiɗ amu, Aisak nug maɗ 60 ele dayom.

Genesis 32:25

Aa anam nug ehalak heyaya, laa nug Jakop eɗidkkunu elele iitta doyom amunu, nug Jakop maɗog aɗe, Jakop maɗog apiɗittom.