Hosea 12:11 - Nobonob Baibel

¹¹ Gileat danab ah ag am nau hak huana hettebte? Ge, appan danab ah ag kobol amu huanaknab hetteb. Danab ah ag Gilgal appa, menppa qaɗab hattak amuppa mana mettak hena, makau dawai manadttebte? Ag hetteb, amge men amu geha nena, dad okkai laa daugppa men hamu qagmak daatteb bia daaglag.

Hosea 12:11 Referans Kwoze

Hosea 8:11

Israel danab ah ag ib etta hipunin haknu ofa haknu qaɗab kuɗumnab hadappig, ⌊amge ag da ii dim lamiɗppig⌋ amunu, qaɗab amuam hipunin haknu aben bena daappig, gemu ele anam daatteb.

Hosea 6:8

Gileat, ⌊mana mettak danab kuɗum daattebppa,⌋ aab amuam nau hak danab aɗi dilag aab okkai; ag danab ah aqattegeg, tiilag ne, qaɗeppa oinna, uuadna ukkaegeg, ag baelag dottog tiig ele miag aakku daatte.

Hosea 4:15

Ag Israel, danab ah ag ewau pakkuna gappai hetteb, amubia ag da uuiɗna, kayak hambuppuak laala dilagppa dup nona binalag metteb, amge Juda danab ah, ag anam aib heppig. O Juda danab ah, ag kayak hambuppuak noolagppa dup nona binalag mekkulagnu Gilgal aib goppig. Ao, ag amu hekkulagnu Bet Awen aib goppig. Ge, ag kayak hambuppuak noolagppa dup nona binalag menana, ag ahilag nai ɠagattag qettan, ‘Yawe genab bau daatte, genab amubia da inam inam hekkul,’ aib anan heppig.

Hosea 9:15

Yawe atte. “Israel dilagnu amu, ag Gilgal appa hak nau huanak heppig amunu, appa da digmein, ahilagnu oolppa uuaknab doomi. Ge, da geha ag, ahilag hipunin amunu, da laulppanu lamadppi ahaglag. Da geha ahilagnu tuɗitten, ool ii hema; ikki danab ahilkad oh ag am nai tappe nak danab.

Hosea 10:1

Israel danab ah ag am en kuɗum ele daappig. Ao, ag am grep muɗi ena meu huana oa daatte, ag amubia daappig. Ag keeke kuɗum ele tuɗidna aon daan; ag keeke amu kayak laa madappig. Ag ee huanak aonna, ag men doɗo ele huanak aona; ag men doɗo amuppa men gappi, amuam kayak hambuppuak ahilkad amu, ahilag neekkak ena daaglagnu hena bappaidppig.

Jona 2:8

Danab ag kayak hambuppuak, am kayak hamu, kayak genab iitta, ag ag noolagppa dup nona binalag metteb ele, ag nahip oo mauhaknab kobol waappa daaglagnu aakku uutteb.

Amos 5:5

Amge ag amu hekkulagnu ag Betel appa aib mattiɗna goppig. Ag Gilgal ele aib goppig. Berseba ele aib goppig. Aɗinu? Kekeɗ ag genab uɗin, danab ah Gilgal appanu diin goppeg, Gilgal danab ah ag wan laappa diia ukka laih me dayak danab ah daaglag. Ao, kekeɗ ag ele Betel loppaɗna heppeg, nauha autanab awa daakku.” Yawe anam atte.

Amos 4:4

Amu Yawe Nug atte. “Ag ahan, Betel gona, hipunin heig! Ao, ag ahan, Gilgal gona, hipunin baubau tuɗidna heig! Ag buttua oh ahilag mana mettak aon uɗin, qaɗabppa manatteg! Ge, ag maɗ ewam ewamppa ahilkad keekenu obatak eblaih tanig ele ooppanu, obatak laippu aon uɗin, Lewi buɗub matteg!

Jeremaia 10:15

Ag am keeke diig iitta, keeke hamu. Danab aon aon aqaglagnu keeke. Ahilag bu awak haenppa, Yawe Nug kayak hambuppuak dottolkad amu hettoɗiatteb, ag oh padal mekkulag.

Jeremaia 10:8

Amu oh ag kayak hambuppuak dottolkad adppa hak, ag amuppa ippunittak aotteb amunu, ag am kaaka. Ag dabmak tutukku iitta ele.

Jeremaia 2:28

Ag Juda, ag amu hetteb, amge ag dahilppa aib uɗippig! Ag Juda ag aab gane ele daatteb amu, ag kayak hambuppuaknu ebqak anamib ele amunu, uug haenppa, ag gona, kayak dottolkad hoyadppig amu noolagppa ukkeg! Kayak amu ag ahan uɗin ehanadppeppeg, ag aib padal meppig.’ ” Yawe Nug anam atte.

Jeremaia 2:20

Amu Yawe Nug atte. “Anukkanab ag dahil nai, dahil ɗo ele dimettan autna aoppig; ag makau, o danab, nug muɗi o aɗi keekeppa qakkak daatte ele, nug keeke amu he nauhtte, amubia ag heppig. Ag amu henana, ag da amelppa appig. ‘Ig na waatppa iinab daamta,’ aon appig. Ge, ag amu henana, ag qauko nakok ohppa, ad okkai eppelkad bahia ukkak ele oh waalkadppa ele, ag kobol nau heppig; ag ib baag ah danab eeɗadtte, nug ele niitteb, kobol nuhig amubia ag heppig.

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

Hosea 10:2

Israel danab ah ag hambuppuak danab ah daatteb; ag eheɗ hetteb amunu, ag bu aoglagoitte; Yawe Nug geha kayak hambuppuak dilag qaɗab loppaɗatta; Nug men gappi ahilag ele maduduɗeb nekkulag.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

2 King 17:13

Yawe Nug Juda, Israel ele, ag nau aomnanu nai, nuhikkud propet oh oɗelagppa mattom. Nug ag oɗelagppa, Juda, Israel ele dilagppa inam aum. “Ag oolag eɗueb, ahilag kobol nau am uueg! Ag dahil haknunab nai, am ɗo nai ele, da ag mamelkad aɗi dim lamidkkulagnunab mattoya, dahilad maɗi nid, propet, da ag oɗelagppa ele ag amelagppa mehuqmi amu, ag amu dim lamitteg!” awa aum.

Esekiel 17:2

“Danab bekka, na keeke danab ag dootteb ii dootteb ele ouaqata ippunittak nai imu, am dottognu naippa keeke ippunigtte amu, na nai imu Israel danab ah amelagppa anan,