Hosea 10:10 - Nobonob Baibel

¹⁰ Da bu madakkul doottem; Ao, da geha heppi, ban danab, wanppan wan laalappanu ag banelag uɗiglag. Ge, Israel ag ahilag hipunin kuɗumnab ele, amu ag amunu bu mattaglagnu uɗiglag.

Hosea 10:10 Referans Kwoze

Esekiel 5:13

Ag bu anamib aakku aoppeg ukkeb, ag ahilag hipuninnu nob elele aoglag. Ag aoppeg, dahil oo nauhak am aakku iitta mekku. Ao, dahil oppoɗi bak am oug mekku. Ge, da baula nob madakkulnu uukkul. Da bu anam madappi, oppoɗi bak dahil oug meeb, ag da Yawe, da yag-nab-bak doyen, bu anam madakkulnu ami amu, ag amu dooglag.

Hosea 4:9

Anam amu, da danab ah laa oh bu madakkul, amubia da mana mettak danab bu madakkul. Ao, da geha mana mettak danab, amu danab ah ele, da ag oh ahilag hak nau amunu bu madakkul. Ge, da geha ag aɗi heppignu nob madakkul.

Jeremaia 16:16

Amge gemu Yawe Nug inam atte. “Amuam butti, haen adekkuppa da anam hekkul, amge gemu amu, da kakai eeɗak danab nug kakai eeɗadtte, amubia da heppi, kekeɗ kuɗum ag uɗin, Juda danab ah diippeg, ag eppelagppa daaglag. Amu dimppa hikan danab doɗ mattia antta aotte, amubia da heppi, kekeɗ kuɗum ag uɗin qauko okkai ohppa, qauko nakok ohppa, men oɗeppa ele Juda danab ah mattialadnana anadna diippeg, ag eppelagppa daaglag.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Hosea 8:10

Israel danab ah ag ehanittak aoglagnu wanppan wan laalappa goppig, diig amunu haen elab iitta da ag diie, king ɠagattag okkainab ele amu, da ag nug waappa maadkkul. Nug geha eheɗ hattebeb, ag digmena, kuɗum gemu daatteb bia ii daamna.

Hosea 8:1

Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Esekiel 23:46

Amunu Naɗi Yawe Nug inam atte. “Ag laa ag heppeg, danab kuɗum ag oppoɗi bak doon, ah aɗit amu gumatna gona hatappeg, aa baɗak eheɗ nau doopeɗ, ahilah keeke ele aweg!

Esekiel 23:9

Oholah nug Isip appa digma anam heehe ukke, dimppa nug Asiria danab ele niiglagnu oo hak nau doyom amunu, ag ⌊nug eheɗ hettaglagnu⌋ da nug Asiria danab eppelagppa memi.

Esekiel 16:42

Da amu oh hein malappi, oppoɗi bak dahil am bodoetteb, da nahipnu oo nauhak laa, oo nauhak amuam dahil dooi laa aomanuppa bette, oo nauhak amu be doomi, oo nauhak amu ele iitta mekku. Iitta meeb amu, da oolppa maɗoɗ dookkul, da oo nauhak baula ii doopa.

Esekiel 16:37

Na amu oh heme amunu da, Yawe, da danab oh na ag ele niippig, laa na ahilagnu oot mauhom, laa na ahilagnu nau ninig ele doome amu, da danab amu oh qagmaadppi, ag uɗin daappeg, da heppi, laa ag lamen nahip oh uɗappeg ukkeb, na ag noolagppa bam iitta, beɗun hamu daappe, ag na neekkidkkulag.

Jeremaia 21:4

‘Yawe, Israel dilag Kayak, Nug atte. “Ag Juda, ag gemu Babilon ele ban hetteb. Ag aab okkaippa daatteb. Babilon ag aab dimittim ag oo mattan aqadkkulagnu maadna daatteb. Ag Israel ag ban hekkulagnu lat, lat doɗo, ban haknu keeke laala ele eppelagppa daatteb, amge da heppi, ⌊Babilon dilag daup ag keeke amu ag eppelagppanu aɗualadna,⌋ ag amuppa ag Juda aqaglag. Amu da heppi, Babilon dilag daup ag aab okkai imu ooppa uɗiglag.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Aisaia 1:24

Jerusalem, nahipad ikki danab ag anam hetteb amunu, Naɗi, Nug Yawe Nukka Ɠagattag Oh Ele, Nug Israel dilag Kayak Ɠagattag Okkai Ele, Nug ahilagnu inam atte. “Da geha dahilad kekeɗ bu eheɗ madakkul. Da geha ag eheɗ heppignu nob tutukku madakkul.

Duteronomi 28:63

⌊Ag Nug dim lamittegeg,⌋ Yawe Nug ena doya ehanatte, ag ena daan, kuɗum appatppig, amubia ag Nug dim ii lamidkkulag, ag ena daamnanu, Yawe Nug ag hatteb, padal mena, iitta mekkulagnu ena dookku. Nug heeb, ag auhppeppeg ukkeb, wan ag nona aon daaglagnu daatte ele, ag amuppa ii daamna.

Hosea 10:9

Yawe atte. “O Israel danab ah, anukka Gibea appa ag hipunin naunab laa heppig; ag amu heeg uɗie uɗie, gemu ag tuɗidna hipunin henan daatteb. Gibea appa danab eheɗ heeg, Israel laa oh ag ahan, ban heeg, Gibea aɗi ag iite nauhppig? ⌊Amu Israel danab ah ag gemu eheɗ henan daatteb amu, ag ele bu iite aoglag?⌋

1 King 12:28

King Jeroboam nug anam dabmewowa, nug nuhig dabmak amunu nug nuhikkud doyak danab oɗ maatte, ag ahilag ulum nai aeg doyowa, nug golppa makau gaiɗ aɗit dottolah haatowa, nug nuhikkud danab ah amelagppa inam aum. “Ag haen oh Yawe noobppa dup nona binag mekkulagnu Jerusalem gotteb amu, ag uɗat okkai hetteb. Amge gemu ag baula appa ii gomana. Antteg! Imu am, ag Israel, ag ahilag kayak. Aa ag Isipnu diiya, omaladya uɗipiɗ. ⌊Amunu kayak aɗit imu ag noolahppa dup nona binalah meig!⌋” awa aum.

Job 39:10

Na wagai mena, wan buuaknu keekenu muɗi nuhigppa qagappe, nug eeɗebeb, wan buukkutte? Ge, nug na dim lamitta, wan buuaknu keeke eeɗebeb, wan buukkute?

Hosea 4:19

Am ag anam hetteb amunu, ag geha kilibob ɠagattag keeke diia, laih gotte, amubia ag nauhkkulag. Ao, ag kayak hambuppuak dottolkad dilagnu mana mettak hetteb amunu, ag uɗa nak aoglag.” Yawe Nug anam atte.