Hosea 1:7 - Nobonob Baibel

⁷ Amge da, da Yawe, ahilag Kayak, da geha oo gai-iitta doya oo metta ehanittak kobol Juda danab ah dilagppa hekkul. Da dakka geha ahilkad kekeɗ eppelagppanu eɗuen diiadkkul. Da amuam latppa, o qep elabppa, o banppa, o hosppa, o bannu karisppa ii hepa. Iitta. Da dakkaib, da hekkul,” awa aum.

Hosea 1:7 Referans Kwoze

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

2 King 19:35

Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Hosea 11:12

Israel danab ah ag hanhan buppuiɗtteb. Ge, Israel danab ah ag hanhan nai genab iitta da amelppa maditteb. Amge Juda danab ah ag Yawe ele ɠagattag daatteb. Ao, ag tuɗidna, oo metta ii uuak kobol dim lamidna, Kayak Oppiaawak Ele oɗe dim lamidtteb.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Aisaia 49:6

Amu gemu Yawe Nug inam atte. “Na dahil maɗi nid daanna, na Israel diippe, ag eɗun, dahilppa uɗiglag, amuam uɗat nakokib. Ao, na huu imu da gumatte, ehanatti ii padal meppig ele diippe, ag eɗun, dahilppa uɗiglag, amuam uɗat nakokib. Anam amu, da na uɗat okkai laa ele hekkutnu, da uɗat amu nahipnu uumi daatte. ‘Da na iitta aɗi, ag gatatuppa daatteb, na ag ele ehanadppe, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku,’ ” awa atte.

Sam 33:16

King laa nug daup huanak eletai, amge daup amu ag akka ag king amu ehanidppeg, padal ii memanu elele iitta. Ban danab laa ɠagattagnabtai, nug nukka dabmak awa, ɠagattag nuhigppa, nugakka ehanitta, ena daakkunu elele iitta.

1 Samuel 17:47

Laa ele, danab oh ippa daatteb amu, geha ag Yawe Nug danab ah nuhikkud ehanadkkunu amu, Nug qep elab, ban ele ii dabmette dooglag. Nuhig neekkakppa amu, qep elab, ban ele am keeke hamu; keeke okkai iitta. Aɗinu? Nug ban gumatte amunu, Nug gemu ig ehanikkeb, ig geha ag eɗadkkunig,” awa aum.

2 King 19:29

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Jeremaia 25:5

Propet amu ag appig. ‘Ag anen anen ag ahilag eheɗ hak digdig hetteb, ag kobol eheɗ digdig dim lamidtteb ele, ag amu tuɗidna hemananu oolag eɗueb, ag hak amu, kobol amu ele ii hekkulag dayeb amu, ag wan imuppa, Yawe Nug ag, amu ag mamelkad aɗi dilag hanhan daakkunu mattom amu, ag aguppa tuɗidna daaglag.

Jeremaia 25:6

Ag kayak laa noolagppa dup nona, aib binalag meppig. Ag aib amu waalagppa daanna, ag oɗelag dim lamidppig. Ag kayak dottolag eppelagppa aib heppeg, da oppoɗil beum. Ag kobol nau amu oh ii hekkulag dayeb amu, da eheɗ laa ii hadapa.’ Yawenu propet ag anam amelagppa appig.

Jeremaia 33:26

da Jakop buɗub geɗatten, da dahil maɗi nid Dawit buɗub laa nug Abraham, Aisak, amu Jakop ele buɗulkad gumadkkunu ele ii tituanpa. Amge anam iitta. Da nai amu qakkami, ɗo ele amu memi amunu, da gumadkkunu tituankkul. Aɗinu da amu hekkul? Da Israel, Juda ele dilah danab ah dilag ool gai-iitta doye, ool matten ehanadppi, ag eɗun, wan imuppa uɗin, enaib daaglag.”

Hosea 1:8

Dimppa Gomer nug Lo Ruhamah huh aɗitta amu, nug eɗua oo ele daya, nid danab laa menuom.

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Eksodas 14:30

Amu Yawe Nug deɗ amuppa Israel, Isip eppelagppanu eɗua diie, Israel ag Isip danab mauhadppig amu, langppa niiegeg anadppig.

2 King 6:18

Anam amu, Aram ag Elisa aoglagnu uɗieg, Elisa nug ahilagnu Yawe unuqitta, inam aum. “O Yawe, na heppe, danab uɗippig umu ag amelag gatatu maneb, geha ag neegkkulagnu elele iitta daaglagnu oɗ medattem,” awa unuqittom. Awa anam oɗ me, aria Elisa oɗ meum bia, Yawe he, Aram amelag gatatu manom.

2 King 19:34

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.’ Yawe Nug anam atte,” awa aum.

Sam 44:7

O Kayak, naib na hee, ig kekeɗ ihinkad eɗadttem. Ao, naib na hee, laa ag ihinignu nau ninig ele dootteb ag nena qena, uɗa nak aotteb.