Hosea 1:4 - Nobonob Baibel

⁴ Aakku Yawe aum. “Nid onig Jesril ataɗe! Amunu diig am, da King Jehu, amu nug buɗuppud ele ag bu madakkulnu hettem. Aɗinu? Jehu nug danab ah kuɗum Jesril appa aqe mauhppig. Da ele geha heppi, laa ag Israel tabappeg nob, Israel am baula wanppan wan laa ii daama.

Hosea 1:4 Referans Kwoze

Hosea 1:9

Menue, Yawe Nug Hosea amegppa aum. “Na nug onig ‘Lo Ami’ ataɗe! Aɗinu? Gemu Israel danab ah ag dahil danab ah iitta, da am ahilag Kayak iitta.

Hosea 1:6

Amu Gomer nug baula oo ele daya, nid ah laa menuom. Menue amu, Yawe Nug Hosea amegppa aum. “Na nug onig Lo Ruhamah ataɗe! Aɗinu? Da geha Israel danab ah dilagnu oo bodoetta le mak kobol ii dim lamidpa; da genab heppi, ag bu naunab aoglag.

Esekiel 23:31

Na, na apan dim lamidna, nug heum bia heme amunu, da bu nug mettami amu, da na ele bu amu medakkul. Bu amuam le ninig nau ele kap-ppa daatte bia, amu laa lakkunu daatte, amge uuebeb, laa heeb am lakku. Amubia da hei, na apan nug laum, amubia da heppi, na ele lakkut,” awa atte.

Esekiel 23:10

Da ag eppelagppa memi amunu, ag lamen nuhig huana pattiɗnana aoeg, nug beɗu miag dayeye, ag nuhig nid danab, nid ah nuhig ele diin gona, ag nug qep elabppa qeeg mauhom. Nuhigppa bu mettak anam be, ah laih laihnu ag nug am nau bekkunu at daatte dabmeppig.

Jeremaia 23:2

Yawe, Nug Israel dilag Kayak, Nug anam atte amunu, Nug gumak danab ag danab ah gumadtteb, Nug ag amelagppa inam atte. “Ag danab ah dahilad tutukku dabmattaglagnu daatteb, amge ag anam ii hetteb. Iitta. Ag dahilad sipsip amu, ag lamatteg, ag pitaiettan laih laih gotteb. Ag gumattak uɗat ena ii hetteb amunu, da Yawe, da ahilag eheɗ hak anidmi. Ag kobol nau heppig amunu, nob mekkulnu amu, da ahilag eheɗ hak amu nob elelenab ag madakkul.

Jeremaia 3:8

Juda ag Israel da dimeɗona kayak hambuppuak laala dim lamadppig anidna, ag da danab nug ah nuhig ewau pakkua gappai hette, diig amunu lamidtte bia, da Israel danab ah ahilag eheɗ haknu nob nau matten lamadmi anidppig, amge Juda danab ah, ag da ippunadmi bia, da dim lamiɗkkulagnu uun henana, ii baɗappig. Iitta. Ag ele ah gamu uuitta ukke, danab laa ele oittep bia, ag da uuiɗna, kayak hambuppuak kuɗum noolagppa dup nona binalag meppig.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

2 King 10:17

Haen aa goya, Samaria teya, Jehu nug Ahap buɗub laa oh aqe mauhppig. Laippu laa ii uuom. Iitta. Yawe Nug anukka propet Elaiya oɗeppa nai aum amu, amubia nug heum.

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

Luk 1:63

Eppelagppa anam heeg amu, Sekaraia nug eppegppa yaaknu uɗug nug mettaglagnu heum. He mettaeg amu nug, “Nid onig am Jon,” yom. Anam ye amu ag ottaina dabmak kuɗum aoppig.

Luk 1:31

Doye, geha na oot ele daanna, nid danab menuna, na Nug onig Jesus ataɗkkut.

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Matyu 1:21

Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Hosea 9:17

Israel danab ah ag Kayak dahil oɗe dim ii lamidppig amunu, geha Nug ag geɗadkku. Ag am geha qati qati oiyak danab ah bena, ag appalag diig iitta, wanppan wan laalappa anam daaglag.

Hosea 2:22

Anam amu, wan nug ee, grep meu, amu olip ad ele heeb, meu okkulag. Meu obeppeg, danab ah dahilad ag eenu elelenab daaglag.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.

2 King 15:8

Usia nug Juda dilag king dayaya, nuhig king dayaknu maɗ 38ppa Jeroboam bekka Sekaraia nug Israel dilag king ba dayom. Nug king ba, nug kalam eblaih laippu eleib Samaria appa king dayom.

Jeremaia 20:3

Pasur nug anam he ukke, wagɗe deɗ amuppa nug he, ag ad maha uhuqeg, Jeremaia nug ii qakkak dayaya, nug Pasur amegppa aum. “Danab ah ag na onin Pasur dootteb, amge Yawe Nug na onin Pasur ii dootte. Iitta. Nuhig neekkakppa na onin am Mago Misabib.

Josua 19:18

Aab imu ag wan amuppa daappig; Jesril, Kesulot, Sunem,

2 King 10:1

King Ahap bekkod, ag Samaria aab okkaippa daappig, ahilag ebqak am 70. Ag anam daaegeg, Jehu nug uɗug laa yaalatta me, Samaria ukkom. Pas amuam Jesril dilag ehanittak anuqak danab ⌊oolna, Samaria goppig⌋, Israel dilag ikki danab, amu Ahap bekkod gumattak danab ele dilagppa ukkom. Nug nai uɗugppa yom am inam.

Aisaia 8:3

Am dimppa da ukkai, ⌊ah dahil, nug am⌋ propet ah amu, da nug ele niiɗa, nug oo ele daya, nid danab menuom. Menue amu, Yawe Nug da amelppa aum. “Na nid amu onig Maher Salal Has Baz ataɗe!

Amos 9:8

Antte! Ag Israel, ag hipunin heegeg, da Naɗi Yawe, da amu anidttem. Da heppi, ag padal meppeg, ahilag wan am wanppan wan laa oolagppa iinab daama, amge da Jakop buɗub ohnab heppi, iitta ii memana,” awa atte.