Hosea 1:2 - Nobonob Baibel

² Yawe Nug digma Hosea oɗeppa nai nuhig imu Israel danab ah amelagppa mattieb dooglagnu haaha, Nug nai imu Hosea amegppa aum. “Na gona, ah laa awe! Na aoppe, nug geha nahip ah daakku, amge nug ah nau dayebeb, nuhig nid laala amu ag mamelkad laappan daaglag. Aɗinu? Kobol amuam Israel danab ah ag dahilppa ewau pakkua gappai hak kobol uɗig wak naunab heegeg uɗie, gemu ele hetteb ⌊danab ah ippunadkku⌋. Israel ag kayak hambuppuak laala noolagppa dup nona binalag meegeg uɗie, gemu ele hetteb amu, kobol amuam gappai kobol ah nahip hekku, amubia,” awa aum.

Hosea 1:2 Referans Kwoze

Hosea 3:1

Aakku Yawe nug da Hosea, da amelppa aum. “Danab laa nug na waatnu oo hette, nug nug ele oittep. Na waat nug am ah ewau pakkua gappai hette me, na nug omalna, nagatop uɗin, na nuhignu oot mauhaɗ! Da Yawe, da Israel danab ah ag kayak laala noolagppa dup nona binalag metteb, ag keeke ena ena kayak amu ahilag daakkunu hamu madatteb me, da Israel dilagnu ool mauhtte. Aakku, da hettem bia amu, na waatnu oot mauhaɗ!”

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Jeremaia 3:9

Israel danab ah ag eheɗ heppignu uug laa ii dooppig. Ag anam heegeg, wan am dubuttid tak ele daye, ag da dimeɗan, ag kayak hambuppuak dottolkad menppa hak, adppa hak ele, ag amu noolagppa dup nona binalag meppig, amuppa ag danab ah ag ewau pakkuna gappai hak kobol hetteb bia heppig.

Sam 106:39

Ahilag hak nau amuppa, ag Kayaknu neekkakppa, ag oolagppa dubuttid tak ele daappig. Ag dottog hattak dilagnu dup nona binalag meppig, amuppa ag Yawe amegppa laa nug gappai awom bia heppig.

Revelesen 17:5

Nug iɗuppa onig laa nai tonakppa yaappig. Onig amuam inam. “Aab okkai Babilon onig, ɠagattag ele, nug am ib baag ah, amu wanppanu keeke nau digdig, Kayak Nug amunu ooppa uuaknab dootte, am amu oh anilag aakku.”

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

Esekiel 6:9

Ag ii mauhppig dilagnu amu, kekeɗ ag aɗualadna diippeg, ag matatun gona, wan laalappa daanna, ag dahilnu dabmekkulag. Ag da ahilag hak nau antten, da ag dimeɗaeg doyen, ag kayak hambuppuak anidna, ag binag mekkulagnu oolag huana heum anttena, da oolppa uug naunab nau doomi dooglag. Ag anam doon, ag eheɗ heppignu, ag kobol laala, da kobol amunu oolppa uuaknab doottem ele, ag amu ele heppignu, ag akka ag ahilagnu eheɗ nau dooglag.

Hosea 5:3

O Israel danab ah, ag attem daatteb amu, da doottem! Ge, ahilag hak am dahil neekkakppanu lokkumak ii daatte. Ag am ib baag ah laa nug gamu uuitte, danab laa ele oittep, ag amubia da uuiɗppig. Ge, ag am dubuttid naunab nau ele.” Yawe nug anam atte.

Mak 1:1

Kayak Bekka Jesus Kristusnu Nai Ena am inam niitte.

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Sam 73:27

O Kayak, laa ag gukkuidna ii daatteb amu, ag padal mekkulag. Ao, laa ag na ippuanattomnu oo metta ii uuak kobol ii dim lamidtteb amu, na hadappe, ag nauhkkulag

2 Stori 21:13

Iitta. Na Israel dilag king, na ahilag hak nau dim lamidnana, na he, Juda danab ah, Jerusalem danab ah ele ag Kayak dimettan, kayak hambuppuak dim lamadtteb. Israel dilag king Ahap ele anamib heum. Na amu heme, gemu ele hettem, amge amuib iitta. Na ele amapadnab aqe mauhppig. Ag am na mamen bekkod. Ag am danab ena, na danab nau.

Jeremaia 2:20

Amu Yawe Nug atte. “Anukkanab ag dahil nai, dahil ɗo ele dimettan autna aoppig; ag makau, o danab, nug muɗi o aɗi keekeppa qakkak daatte ele, nug keeke amu he nauhtte, amubia ag heppig. Ag amu henana, ag da amelppa appig. ‘Ig na waatppa iinab daamta,’ aon appig. Ge, ag amu henana, ag qauko nakok ohppa, ad okkai eppelkad bahia ukkak ele oh waalkadppa ele, ag kobol nau heppig; ag ib baag ah danab eeɗadtte, nug ele niitteb, kobol nuhig amubia ag heppig.

Jeremaia 2:23

Ag, “Kayaknu neekkakppa ig oonigppa dubuttid ii teum daatte,” atteb, amge attem hena, ag anam atteb? Ag, “Ig kayak hambuppuak Bal iɗu iɗu dim dim ii lamidmut,” atteb, amge attem hena anam maditteb? Amu oh am nai genab iitta. Ag oolnu noak onig Hinom, ag appa kayak hambuppuak noolagppa dup nona binalag iite metteb? Ag hetteb. Ag aɗi aɗi heppig dabmena autna aweg! Ag kamel balat, dawai antteb papalkkunu qaiqaɗ laih gotte laih uɗitte, ag amubia kayak hambuppuak dilag dup nona binalag mekkulagnu hetteb.

Hosea 2:7

Geha da anam heppi, ag anilag nug danab nug ag ele niippig, nug ag ele baula niiglagnu dim dim lamadkku, amge nug ag aɗalatta diikkunu elele iitta daakku. Ao, nug danab nug ag ele niippig, nug ag ele baula niiglagnu mattialadkku, amge nug ag anadkkunu elele iitta. Da anam heppi, nug, ‘Da danab dahilnab ele amu, i gemu da daattem imu eɗittak enanag daamuɗ amunu, da eɗue, nuhigppa gokkul,’ akku.