Hibru 9:27 - Nobonob Baibel

²⁷ Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Hibru 9:27 Referans Kwoze

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Eklisiastis 9:5

Aɗinu? Danab ag bau daatteb ele, ag mauhkkulag am dootteb; amge danab mauhppig amu, ag keeke laa ii dootteb. Wanppan danab ah ag ahilagnu daulag atiom amunu, ag ⌊wanppa⌋ nob ena baula aoglagnu elele iitta.

2 Timoti 4:1

Jesus Kristus Nug eɗua uɗikku, nuhig ɗo maɗoɗ ele daakku, Nug bau dayak aɗi amu mauhak aɗi ele epeɗiadkku amu, da Nug amu Kayak ele, aa noolahppa na uɗat imu hekkutnu ɠagattag amenppa attem.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Rom 5:12

Aria, danab laippu laa hipunin heum, amuppa hipunin kobol oh wanppa daatte. Hipuninnu nob am mauhak amunu, mauhak am danab ah oh tonattom daatte. Aɗinu? Danab ah oh ag hipunin aakku heppig.

Eklisiastis 3:20

Keeke oh bau daatteb ele amu, ag moɗppa gotteb. Ag oh gappudppa beppig; ag eɗun gappudppa gokkulag.

Job 14:5

Danab nug wanppa haen gane daakku amu, na Kayak, na keeke amu matu dabmena malame. Ao, nug kalam gane wanppa daakku amu, na amu aakku ana malame. Ge, na amunu ae, nug haen amu eɗidkkunu elele iitta daatte.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Hibru 6:2

layattak digdignu nai, eppeg danab qaɗeppa maknu nai, Kayak Nug mauhak danab maɗetteb eɗua hibaittaknu nai, Kayak Nug danab ah oh ag epeɗiatteb, ag hanhan nob ena o iitta nob nau aon daaglagnu nai ele amu, ig nai amuib ii mattimta.

Sam 89:48

Auntai laa bau dayaya, ii mauhma. Ao, auntai laa nug nukka nug heeb, nug moɗppa ii noma. Sila.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Job 19:25

Aɗinu? Da inam doottem; laa Nug da qagaiettakppanu eɗua uhuqak danab dahil daatte. Ao, Nug daatte amu, gog tak haenppa Nug wanppa daakku.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Eklisiastis 3:2

Danab nug dokkunu haen daatte; nug eɗua mauhkkunu haen ele daatte. Danab nug keeke ebakkunu haen daatte; danab nug keeke hiɗakkunu haen ele daatte.

Hibru 10:27

Iitta! Ig Kayaknu hettoɗiak okkai amu aab gakkaɗaknab, Kayaknu kekeɗ oh ewadkku ele, amuib baɗidta ameg mekkunig.

1 Jon 4:17

Ib amuppa amu, ig epeɗiak haenppa Kayak noobppa baɗak iitta ele daagnignu, oo mauhak kobol ig oonigppa elelenab mette. Ig epeɗiak haenppa Kayak noobppa baɗak iitta daagnignu diig am, ig wan imuppa daatta, Kristus Nug daatte amubia, ig ele daattem.

Luk 20:32

Ag mauheg, dimppa ah amu ele nug mauhom.