Hibru 9:19 - Nobonob Baibel

¹⁹ Tatam amu Moses nug ɗo oh danab dooglagnu mehuqa malowa, dimppa nug makau nakkud tiilkad amu meeme tiilkad ele awa, le ele kabolia, nug sipsip uɗig kokoɗnab amu uud laa onig hisop gumuppa ita, amu amuppa nug tiig le ele nug tituana nai qakkaknu ɗo yaak buk itoɗiak qaɗeppa tauɗ qettowa amu danab oh ele tauɗ aqom.

Hibru 9:19 Referans Kwoze

Hibru 9:12

Kristus Nug meeme tiilkad, amu makau nakkud tiilkad ele awa, Oo Gunnab eleppa ii noum. Iitta! Nug nukka Nug tiig awa, haen laippu aakkuib Oo Gunnab Ele, Nug amuppa noa, Nug tiigppa Nug qagaiettakppanu eɗua uhuqak hanhannu ha mekkom.

Namba 19:18

Anam dayeb, danab laa nug da ele ouqa dayaknu elele daatte amu, nug uud onig hisop awa, le uhuɗ ele kaboliak amu, nug amuppa ma, nug peh tauɗ qedatta, amu nug keeke peh ooppa daatteb, danab appa daaegeg danab mauhom, amu ele tauɗ qadakku. Amu nug ele aun laa mauhak ebehi aɗom, o iitta qe mauhak gaɗa aɗom, o iitta hamu mauhak gaɗa aɗom, o iitta mauhaknu moɗ aɗom amu, nug nug ele tauɗ qedakku.

Namba 19:6

Ewebeb amu, mana mettak danab nug ad sida, uud laa onig hisop, amu muɗi kokoɗnab ele diia akkeb, makau balat qaɗeppa teeb, oh eoglag.

Hibru 10:4

Aɗinu? Makau dawai, meeme ele amu, ag tiilkad am hipunin uhuqkkunu elele iittanab.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Jon 19:5

Anam a, Jesus haɗ muɗi qaun eleppa hak igippa dayeye, lamen elab perpel amu ele beɗuppa dayeye, Nug dimittim doum. Do amu Pailat nug aum. “Ag danab imu antteg!” awa aum.

Jon 19:2

Anam amu daup ag haɗ muɗi qaun eleppa hewona, Jesus igippa aɗaeg no, lamen elab perpel aɗuitteg noum.

Mak 15:20

Haen ag aon aon qettan malan amu, ag lamen elab perpel uɗittona, ag lamen nuhig eɗun aɗuitteg no, ag ad emaitakppa atulkkulagnu aon goppig.

Mak 15:17

Jesus ag eppelagppa dayeye, ag lamen elab perpel aɗuitteg no, ag haɗ muɗi qaun eleppa hewona, Jesus igippa aɗaeg noum.

Matyu 27:28

Anam daanna, ag lamen nuhig uɗidna, ag lamen elab kokoɗnab laa aɗuitteg noum.

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.

Lewitikas 3:6

Am laa nug laippu dayaknu ofa hekkunu haaha, nug sipsip, o meeme awa dotte dayeb, nug sipsip o meeme dawai laa, o, sipsip o meeme anig laa awa, mana mettak ha, Yawe medakku. Amu nug Yawenu doɗ awa dotte amu, nug laa beɗuppa eheɗ laa iitta ele amu awa dokkuoitte.

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Eksodas 12:22

Ag aqadna heppeg, tiilkad tappiɗppa nob, ag ad naunau onig hisop, amu eppeg nakok laa aon, tiigppa meppeg nob aona, od ukku aɗit daug laih laih, amu od ukku emaitak attan, amuppa ele tiig amu laaidkkulag! Ag laulkad anen anen ag oh anam hekkulag; amu keeke amu hewon, dimppa amu, laa nug lag daatteppa, nug aha, dimittim aib ukkom; lag ooppaib daappeg ukkeb, wagkkaɗkku.

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Hibru 1:1

Kayak Nug anukka ig mamenkad amelagppa nai haen kuɗum ib laalappa ele propet oɗelagppa aum,

Hibru 9:13

Am inam bia. Ɗo alagppa danab ag Kayak ele ouqak daaglagnu elele iitta daappig amu, mana mettak danab ag meeme tiilkad, makau dawai tiilkad, amu makau balat manaeg, uhuɗ meum ele amu, ag tiig, uhuɗ amu ele aon, danab Kayak ele ouqak daaglagnu elele iitta amu qaɗelagppa tauɗeg, Kayak amegppa danab amu ag beɗulagib oppiaawak daappig,

Hibru 9:18

Diig amunu nug tituana nai qakkak tatamnu ele am doɗ tiig gokkaɗakppa ɠagattag qettak ba dayom.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!