Hibru 8:8 - Nobonob Baibel

⁸ Amge Kayak Nug nug tituana nai qakkak alag, amunab danab ehanadkkunu elele iitta, Nug amu nai laappa ippunikka, miag atia aum. Nai amuam inam. “Naɗi atte. ‘Haen laa uɗitte, haen amu uɗieb, haen amuppa da heppi, Israel danab ah, am Juda danab ah ele, da ag ele ig nug tituana nai qakkak bau hekkunig.

Hibru 8:8 Referans Kwoze

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

2 Korint 3:6

Kayak Nug he, ig elele daata, ig nug tituana nai qakkak baunu maɗi nid daattem. Tituanak bau imu amu, nuhig ɗo nai yaak laa iitta. Iitta. Nug am Kayak Ouɗinu keeke. Ɗo nai yaak, amuam danab qe mauhtte, amge Kayak Ouɗi Nug danab bauklel medatte.

1 Korint 11:25

Amu ag ee lana malona, Nug matu heum, amubianab Nug kap awa, Nug aum. “Kap imuppa da nug tituana nai qakkak bau da tiilppa hettem. Ag lanana, ag dahilnu dabmekkulagnu lanaknu kobol imu heig!” Jesus Nug anam aum.

Luk 22:20

Ag ee lana malona, Nug matu heum, amubianab Nug kap awa amelagppa aum. “Kap imuppa da nug tituana nai qakkak bau da tiilppa hettem. Da tiil ag ehanadkkunu gokkaɗttem.

Esekiel 37:26

Amu da Israel danab ah ag hanhan maɗoɗ ele daaglagnu, da heppi, da ag ele nug tituanta nai qakkagnig. Nai qakkak amuam hanhan daakku. Amu da heppi, ag ɠagattag ena daan, huan appatna, kuɗumnab daappeg, da dahil mettid lag ag oolagppa hanhan daakkun mekkul.

Jeremaia 31:38

Amu Nug atte. “Haen uɗitte amu, haen amuppa, danab ag aab okkai imu dahilnu eɗun bappaidkkulag. Ag Hananelnu lag attan ta ukkak menppa hakppa digmeppeg ukkeb, aɗnu od onig Daugppan Od, appa batak eɗun bappaidkkulag.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Mak 14:24

Ag laegeg amu Jesus Nug ag amelagppa aum. “Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Jeremaia 31:27

Amu Yawe Nug atte. “Haen laa uɗitte amu, haen amuppa da heppi, Israel danab ah, Juda danab ah ele ag wanelagppa daanna oinna, ag, amu ahilkad sipsip, makau keeke ele oh kuɗum appatna daaglag.

Jeremaia 30:3

Aɗinu? Haen laa dimppa da heppi, Israel danab ah, Juda danab ah ele ag wan laalappa gona, appa diia ukka laih me dayak danab ah daatteb, ⌊daaglag ele amu,⌋ ag appanu eɗun uɗin, wan imu, da ag mamelkad aɗi, ahilag daakkunu mattami amu, ag imuppa daaglag,” awa atte.

Jeremaia 23:7

Amu Yawe Nug atte. “Amu haen laa uɗitte, haen amuppa danab ag ahilag nai ɠagattag qa anaknu, ag baula, ‘Yawe Nug genab Israel danab ah Isip wanppanu omalatte beppig, genab amubia nai da akkulnu hettem am genab,’ ii amana.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Luk 17:22

Awowa Jesus Nug eɗua, nuhikkud ippunittak awak danab amelagppa aum. “Geha dimppa haen laa uɗiebeb, ag am Danab Bekkalag da ele deɗ laippu oignignu oolag huanak daakku, amge geha anam ii daamna.

Matyu 26:28

Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Duteronomi 29:14

Amge Yawe Nug, nug tituana nai qakkak imu anana, ɠagattag qedatte ele amu, Nug ag ele aakkuib ii hette.

Hibru 7:22

Kayak Nug Jesus mana mettak danab daakkunu, nuhig nai ɠagattag qetta aum, laa ag anukka mana mettak danab daappig, ahilagnu anam ii aum, diig amunu ig ⌊Jesusnu oonigppa genab doottem, ig dimppa nug tituana nai qakkak nai bau, ig nob ena aɗi aɗi aognignu atte amu, ig genab aognignu doottem.

Hibru 8:6

Jesus Nug mana mettak uɗat awom ele amu, uɗat amuam mana mettak uɗat alag eɗidtte, Nug tituana nai qakkak bau, Jesus Nug amunu gamag danab daatte amu, nai qakkak bau amuam nug tituana nai qakkak alag eɗidtte, amubia. Ele amu, nug tituana nai qakkak bauppa keeke Kayak heeb bekkulagnu nai qakka aum ele amu, ag alag amunu eɗadtte.

Hibru 8:13

Nug nug tituana nai qakkak baunu anam anana, nug tituana nai qakkak tatamnu amu Nug he, alag meum. Amu keeke nug alag ma, nug kaino bia nakoknab dayaya, iitta mette.

Luk 5:38

Ag anam ii hetteb. Danab nug grep leppu bau am doɗ gaɗa nippud bauppa inaglagnuib daatte. Ag anam hekkulag dayeb amu, grep leppu amu doɗ gaɗa nippud ele am ena daaglah,” awa aum.