Hibru 7:12 - Nobonob Baibel

¹² Aria, ɗo nug Lewi buɗub ooppanu laa ag mana mettak danab daaglagnu atte amunu, buɗub laa ooppanu laa nug mana mettak ba daakkunu dayeb amu, Kayak Nug ɗo ele baolikkuoitte.

Hibru 7:12 Referans Kwoze

Aisaia 66:21

Ag diin uɗippeg, da amunu laa ag Lewi buɗubppan mana mettak danab daappeg, amu laa ag Lewi buɗubppan mana mettak danab iitta, ag anam daaglagnu otiadkkul,” Yawe Nug anam awa atte.

Esekiel 16:61

Da anam heppi, na nahip hak dabmena, na amunu uɗa nak dooppe, da heppi, na, na apan, makkep ele eɗun diiatkkut, amge aa haen amuppa, na apan, makkep ele aa ii daamya. Iitta. Aa na aɗenaɗ daaglah. Da amu hekkul, amge amu bekkunu nug tituana nai qakkak ihinihppa ii dayom. ⌊Iitta. Da dakka, da anam hekkul.⌋

Hibru 7:11

Aria, Israel ag Lewi buɗub laa ag mana mettak danab, ag ahilag uɗatppa ɗo aoppig, amge mana mettak danab amu ag maɗi ahilag amu heeb, danab ag elelenab bena daalob amu, aɗinu mana mettak danab laa, Aron bia iitta, Nug am Melkisedek bia, bekkunu dayom?

Hibru 7:13

Amu danab imu, Kayak Nug Nug amegppa, “Na am hanhan mana mettak danab Melkisedek bia daattem,” aum amu, Nug am Israel dilag huu okkai laappan; Israel dilag huu okkai amuppa amu danab laippu laa anukka qaɗabppa mana mettaknu uɗat laa ii heum.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.