Hibru 6:19 - Nobonob Baibel

¹⁹ Amu gog tak haenppa ig genab bauklel aognig, dabmak amuam ig dabmak digdig dim lamidmatanu, uub mameg nug uubnu anka eum daatte, amubia aɗaikke daattem. Ihinig ehanittak amuam keeke genab, hab attannu Kayaknu mettid lag Oo Gunnab Eleppa omaikka gotte.

Hibru 6:19 Referans Kwoze

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Lewitikas 16:15

Nug amu ha malowa, Aron nug danab ah dilagnu ib etta hipunin haknu ofa hekkunu nug meeme baag otaɗeb mauheb, tiig awa, nug Oo Gun Ele, Oo Gunnab Ele makkulaknu lamen, nug lamen amu ooppa, nug makau tiigppa heum bia anam meeme amu tiigppa hekku. Nug tiig amu Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Lewitikas 16:2

Yawe Nug Moses amegppa inam aum. “Na awan Aron amegppa, nau aomanu dabmettak nai imu appe, nug Oo Gunnab Ele, Oo amuam Oo Gun Ele, Oo Gunnab Ele makkulaknu lamen dimugppa daatte amu, nug oo amu ooppa, nug nukka dabmette haenppa oo amuppa aib noum. Aben amuam Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, am aben amu. Lombig laa, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte amu, lombig amu ameg amu attan daatte, am da, da lombig amuppa daattem amunu, Aron nug dabmak nuhigppa mauhnoak, nug appa gokkunu da ii ami dayebeb, nug appa gokku amu, nug mauhkku,” awa aum.

Hibru 9:7

amge mana mettak ikki danab, nugib am lag oo makkulak ooppanab, amuppa hipunin nuhig amu danab oh dilag ele doɗ tiilagppa mana mettak hekkunu maɗ laippu ooppa, haen laippuib noa hettom. Nug hamu iinab nottom. Iitta! Nug doɗ tiig awa ele gottom.

Hibru 9:3

Aria lag ooppa, lamen naɗi dimugppa, lag oo makkulak laa, makkulak amunu ag, “Oo Gunnab Ele,” atteb, amuppa dayom.

Matyu 27:51

Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.

Kolosi 3:1

Kayak Nug he, ag Kristus ele oh eɗun hippaidppig amunu, ag keeke attannu, aben amuppa Kristus Nug Kayak eppeg naɗiap-ppa heɗep na daatte amu, ag keeke amuib aoglagnu dabmenana oiyeg!

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Aposel 27:29

aakku ag baɗan appig. “Ig gota gota, aben men eleppa aolkkunigtai,” appig. Ag anam dabmena amu ag anka waɗele uub bitobppan akkan ewatteg noeg, ag ahan paha wagɗeb aam nekkunu tappaɗna unuqidppig.

Rom 4:16

Amu Kayak Nug nai qakka ana, ig eɗua awigkkunu aum, amge ig amu hamu mauhnoak aognignu ii aum. Iitta. Ig nuhignu oonigppa genab doota, ig aognignu aum. Ig ɗo dim lamidta aognignu ii aum. Ig ooppa genab doyaknu ib, ig ib amuppa aognignu diig am, ig Kayak Nug ehanittak okkai hamu megatte, kobol nuhig amuppaib ig aognignu babaittom. Aria, ib amuppa awaknu daatte dayeb amu, ig Abraham buɗub oh, laa ig Juda danab, laa ag Juda danab iitta, ig oh ig Abraham ooppa genab doyom, amubia ig oonigppa genab doot, nug buɗub daattem ele amu, ig oh ib amuppa Kayaknu keeke ena genabnab aognignu doognig. Aɗinu? Ib amuam danab oh tonadkkunu elele daatte. Anam daatte amunu, Abraham nug am ig oh ig mamenig daatte,

Aposel 27:40

Ag anam ana, ag ankanu muɗi otaɗeg anka aakku yuppa daappig. Ag amu heegeg, ag muɗi uub ulum mettaknu ad aɗit ɠagattag daakkunu itappig am ele uhuqna, ulah lamen heeg te, uub ihi amuppa tekkunu ukkom.

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

Epesus 2:6

Kayak Nug Kristus, ig ele oh eɗua maɗeɗikke, ig Kristus Jesusnu daaut, Kayak nug he, Kristus ig ele, ig oh hab aabppa heɗep neta daattem.

Sam 42:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkunu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Sam 39:7

O Naɗi, anam aakku daatte amunu, da wan imunu keeke laa dabmein, keeke ena bekkunu dabmak aɗe oikkulnu elele iitta. Keeke ena bekkunu dabmak aɗe oikkulnu am nahip-ppaib daatte.

Sekaraia 9:12

O Israel danab ah, ag diia ukka laih me dayak danab ah daatteb, ag ena bekkulagnu dabmak aɗan oiglagnu elele amunu, ag eɗun, ahilag aab aɗ ɠagattagnab ele, ag amuppa uɗieg! Da ag amelagppa attem. Ag uug maoppig, amge da geha heppi, ag bu laippu aoppig dayeb amu, ag keeke ena aɗit aoglag. O ag bu aɗit aoppig dayeb amu, ag keeke ena waɗele aoglag. Da heppi, ag anam anamib aoglag.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Rom 4:18

Amu Kayak Nug Abraham nugnab bekka laa menukkunu a, Abraham amu doya, nug ooppa genab doyom. Keeke amu bekkunu am ib iitta, amge Kayak Nug Abraham bekka laa medakkunu a, Abraham nug ooppa genab doyom amunu, nug wanppan wan laala kuɗum mamelag beum; amuam Kayak Nug Abraham amegppa ⌊buɗupud kuɗumnab, hoɗoppai kuɗum daatteb bia daaglagnu⌋ inam aum bia. “Na buɗunad amu, geha ag anam daaglag,” awa aum.

Rom 5:4

Amu ig anam beta hebupput ukkeb amu, ig danab diig ena ele bekkunig. Aria, ig amubia ele beta hebupput ukkeb amu, ig keeke ena bekkunu dabmak aɗa dayak danab bekkunig.

1 Korint 13:13

Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.