Hibru 6:17 - Nobonob Baibel

¹⁷ Anukka Kayak Nug ig Nug bekkod ehanigkkunu nai ɠagattag qetta aum, Nug nai amu iinab baolimanu ippunikka auta aokkunu, Nug nai nuhig Nug onigppa ɠagattag qettom.

Hibru 6:17 Referans Kwoze

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Hibru 11:9

Amu nug Kayaknu ooppa genab doya ukka, wan Kayak medakkunu nai qakka aum, nug atu amuppa aab diig danab iitta laa dayom. Nug peh lag, amuppaib daattom. Aria, nug bekka Aisak, nug alag Jakop ele, aa nug buɗub amu, Kayak Abraham amegppa keeke medakkunu nai qakka aum ele amu, aa nai amu ele aopiɗ. Amu aa ele wan amuppa peh lag ahilti, amuppaib wan amuppa daadttapiɗ.

Aisaia 14:24

Yawe Nukka Ɠagattag Oh Ele, Nug nuhig nai ɠagattag qetta aum. “Da keeke hekkulnu maittak aomi amu, da amuib heppi bekku. Ao, da keeke hekkulnu maitten, ɠagattag qettami amu, da geha hekkul.

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Jon 10:10

Yabhok danab nug yab awak, qe mauhak, amu keeke he nauhak, nug amunuib uɗitte, amge da uɗimi ele imu amu, da ag bau dayak enanag ambaknab madakkulnu uɗimi.

Sam 33:11

Amge Yawe Nug aɗi keekenu maittak aotte amu, keeke amuam ɠagattag hanhan daatte. Yo, Nug aɗi keekenu oo unuqagnab, amuppa maittak aotte ele amu, keeke amuam ɠagattag hanhan dayaya bette.

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Hibru 6:16

Aria, nai ɠagattag qetta anak kobol am inam. Danab nug nai nuhig danab laa onigppa ɠagattag qedatte. Danab laa am danab nai ɠagattag qedatte ele eɗittak amunu, danab laa nai nuhig ɠagattag qedatte amu, laanu nai nuhig nai eɗidmanu, nug laa nug eɗittak onig awa, attan ma nuhig nai onig amuppa ɠagattag qedatta, laanu nai okkultte.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Solomonnu Ahi 5:1

O ah dahil, na dahil ah daakkutnu awidmi. Da dahil dadppa iikku bemi; dad dahil imuppa amu, da keeke muttuɗig enanag mir, spais digdig ele aomi. Da ippa uppuh leppu ataɗa nette, uppuh leppu teɗppanu ele lainne; da wain, huh ele lami. O ig lainti, aa ee, le ele laiɗ! Ao, danab le elelenab lanana, elele dootte, amubia aa nug oo mauhak doottep ele, aa lapeɗ, eleleppa taɗ!

Eksodas 22:11

aria, aa oh mettid lakka gopeɗ, laa doɗ gumom ele amu, nug da, Yawe, da noolppa, ‘Da Yawe onigppa dahil nai ɠagattag qein attem. Da doɗ amu hei ii nauhom,’ akku, o iitta nug, ‘Da Yawe onigppa dahil nai ɠagattag qein attem. Da doɗ amu yab ii aomi,’ akku. Nug anam awa ab, amu doɗ amu mameg nug oo ena dayebeb, mudippan layag nug doɗ qettoɗppig amu nob aib eɗua mettom.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Sam 36:8

⌊O Yawe,⌋ danab laa nug laugppa ee kuɗum ele dayeye, danab ah ag hanhan wana, ag ee oh oolag heumnu latteb, na amubia danab ah atognoadttem. Danab laa nug le enanagnab ele dayeye, danab ah ag nuhigppa gona latteb, na amubia dabmattan hettem.

Genesis 26:28

Nug anam a amu, Abimelek aɗi ag appig. “Iitta. Ig Yawe na ele daattep miagib anidmut amunu, ig na ele nug tituanta nai qakkak laa ig oh dim lamidkkunignu nai ɠagattag qeta akkunig am ena dabmemut. Anam amunu ig na ele tituanak inam hekkunignu oonig daatte.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.