Hibru 6:11 - Nobonob Baibel

¹¹ Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

Hibru 6:11 Referans Kwoze

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

2 Pita 1:10

Amunu, O lailad, Kayak Nug ag onilagppa ewa, ag tituanattom, diig amunu ag Nug dim lamidkkulagnu wagai meig! Aɗinu? Ag anam hena amu ag iinab nena qemana.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Revelesen 2:26

Aun laa nug ban eɗidkku, nug ele dahil dabmaknab tuɗitta dim lamitta, gog tak haen batak amu, da nug wanppan wan laappan dilag ikki daakkunu onig medakkul.

1 Jon 3:14

Ig lainkad dilag oonig mauhtte amunu, ig amuppa doottem, ig mauhak kobol uuta, ig bauklelppa daattem. Am laa nug layagnu oo ii mauhtte amu, nug mauhakppa daatte.

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

2 Tesalonaika 3:13

Amge O lainkad, ahilagnu amu ag uɗat ena hak kobolnu aib oolag bahi yeeb uuppig.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Aisaia 32:17

Genab tutukku hak kobol dim lamittak am maɗoɗ heeb bekku. Ao, genab tutukku hak kobol dim lamittak am maɗoɗ, baɗak iittappa dayak ele heeb beya, hanhan daaglah.

1 Tesalonaika 4:10

Ao, ag Makedonia appa lailkad oh dilagnu oolag mauhtte, amge O ig lainkad, ag kobol amu tuɗidna mamanidppeg, okkainab daakkunu ahilkad dabmak iikku maɗedattem.

1 Tesalonaika 1:5

Aɗinu? Nai Ena ig ahilagppa aot gomut ele, ig nai aakkuib aot ii gomut. Iitta. Ig Kayaknu ɠagattagppa uɗat heut, Kayak Ouɗi ele Nug he, ag oolagppa genab doona, Kayak ag eɗua diiom ele genab dooppig. Ig ele ag ehanadkkunignu ag oolagppa attem bia oiutut, ag anigna dooppig.

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

Pilipai 3:15

Amu ig oh ig danab kalunig ele daattem amu, ig da nai ami amubia dabmetu! Amu ag dabmak laa ele, dahil bia iitta daappeg amu, Kayak Nug nukka ahilag dabmak tutukku medakku.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

1 Korint 13:13

Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

Matyu 24:13

amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

1 Jon 3:19

Ig anam hekkunig amu, ig amuppa doyak diig genabibnu meuppa daattem doognig. Ele amu, Kayak Nug ihinig dabmak eɗitte, Nug keeke oh dootte amunu, ⌊ig ihinig hakppa, oiyakppa, oonigppa ele ig lainkad dilagnu oonig mauhtte dayeb, Nug amu dootte,⌋ amu haen ig anen anen ig oonigppa, “Da elelenab ii hettem bia” doottem, haen amuppa ele ig Kayak noobppa baɗak iitta daagnignu elele.

Kolosi 2:2

Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Galesia 5:5

Amge ihinignu amu Kayak Ouɗi Nug ehanikkekke, ig ooppa genab doyak ihinigppa, ig Kayak Nug ihinignu, “Genab tutukku hak danab,” awa akkunu ameg metta, keeke amu bekkunu haen tapaɗidta daattem.

Luk 1:1

O danab naɗi Tiopilus, danab kuɗum ag tatam keeke ig oonigppa beppig, amunu nai yaappig.

Josua 7:3

Ag gona, amu hewona, haen ag eɗun uɗina amu, ag Josua amegppa appig, “Aab amuam nagnag amunu, danab ebqak 2,000, o 3,000, keeke anam gota hepput nauhkkunu elele. Ig ohnab appa gokkunignu ii daatte,” aon appig.