Hibru 6:10 - Nobonob Baibel

¹⁰ Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Hibru 6:10 Referans Kwoze

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

Mak 9:41

Da genab ag amelagppa attem. Aun nug ag anatta, ag am dahilad amunu nug da onilppa ag ehanatta, le ougib kap-ppa madatte amu, Kayak Nug danab amu nob ena medakku, Nug daug iinab atima.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Aposel 10:31

nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Jon 13:20

Da genabnab genab ag amelagppa attem. Laa nug maɗi nid, da nug mei gotte ele, nug nug oo metta humidtte amu, nug da aakku oo meɗa humiɗtte. Laa nug da oo meɗa humiɗtte, nug laa, da meiɗe uɗimi ele amu, Nug oo metta humidtte,” awa aum.

Nehemaia 5:19

O Kayak dahil, da danab ah imu ib anamppa ehanadkkulnu aakku hemi amunu, na dahilnu dabmenana, ena aniɗkkutnu oɗ medattem.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

2 Korint 9:1

Da Kayaknu danab ah oppiaawak ele ⌊Juda daatteb⌋ ehanattaknu tuɗitten yaakkulnu ii daatte.

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Nehemaia 13:31

Laa ele amu, da danab ah ag deɗ deɗppa aab aon meppeg, mana mettak danab ag aab amuppa qaɗabppa doɗ manadna, Kayak mettaglagnu ib bappaidmi. Laa amu, da danab ah ag dattanu ee tatam oɗutte ele aon uɗin, Kayaknu mettid lakka mekkulagnu ele ib bappaidmi. O Kayak dahil, na dahilnu dabmena, ehaniɗkkutnu oɗ medattem.

Nehemaia 13:22

Da amu hewoya, da Lewi buɗubppan mana mettak danab iitta, ag Kayak ele ouqa dayaknu elele daaglagnu beɗulag, oolag ele bappaidna gona, od gumak uɗat hekkulagnunab ag amelagppa ami. Ag amu heppeg, Sabat deɗ, deɗ amuam Kayaknu tituanak daatte, deɗ amu anam daakkunu anam hemi. O Kayak dahil, uɗat dahil amunu ele na dahilnu dabmekkutnu oɗ medattem. Na oo mauhaknab kobol nahip dim lamidna, dahilnu oot gai-iitta doon oot meɗan ehaniɗkkutnu oɗ medattem.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

1 Jon 1:9

Ig ihinig hipunin Kayak amegppa miagib mattignig dayeb, Nug oo metta ii uuak kobol, aria nai doya mala hettoɗia epeɗia elele mettak kobol ele dim lamittatta, Nug ihinig eheɗ hak oh uhuqa mekka heeb, ig oppiak daagnig.

Sam 20:3

Nug keeke oh na Nug medattem ele amu, Nug dabma, ⌊na ehanidkkunu⌋ oonig daatte. Yo, ig nahip manaknu ofa na hena medakkut amu, Nug ena doya aokkunu oonig daatte. Sila.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Eksodas 1:20

Ah aɗit amu aa Kayaknu ebehilti oh bodoetta le meum amunu, Kayak ena haata, ehanate, aa danab aoya, nid menuya, anam daapiɗ. Amu Israel ag kuɗum appateg, danab ah kuɗum benana, ag ɠagattag ele beppig.

Eklisiastis 11:1

Na nug ehanittak henan daye! Aɗinu? Na anam heppe, butti, haen adekku amu, na ehanittak eɗun aokkut.

Jeremaia 31:16

Rahel anam gaatte, amge Yawe Nug atte. “Da heppi, na bekkanad, aɗenad dilagnu uɗat heme am meu okku. Anam amunu, na aib gaame. Amen leb ele aib neum. Nahipad nid ag kekeɗ wanelagppanu eɗun uɗin daaglag,” awa atte.

Hibru 10:32

Aria, ag haen Kristus aoppig daanna, dimppa uug okkai laala ahilagppa beebe dooppig ele, haen amu amelagppa doaɗ! Haen amu ag uug kuɗum maoeg, laa ag guittak okkai ele madappig, amge ag ɠagattag hippaidna daanna maoppig.

Matyu 20:7

Anam a amu, ag nai nob mena appig. ‘Danab laa nug ig uɗat laa ii mekkom,’ aon appig. Ag anam aeg, nug ag amelagppa aum. ‘Ag ele grep dad dahilppa gona, uɗat heig!’ awa aum.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.