Hibru 5:11 - Nobonob Baibel

¹¹ Aria, Melkisedeknu nai am unuqagnab, ig nota apput, ag nai imu aotteb ele ag dooglag am ena, amge ag oolag ootot ele daatteb, ag paha oolag maidkkunu elele iitta amunu, ig apput dooglagnu am uug ele.

Hibru 5:11 Referans Kwoze

Matyu 13:15

Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

2 Pita 3:16

Pol nug uɗug laala ele yaalattom, amu amuppa nug keeke oh da yaami, nug amunu ele yom. Nuhig yaakppa keeke laala doya oo maittaknu am uug ele, amu danab laala, ag am danab doyak elele ii awak, ag ooppa genab doyaknu mehuqak oh pehettak ele ii dootteb amu, ag Polnu nai amu ebqena, mehuqak augigiak, ag Kayaknu nai laala mehuqak augigiak hetteb bia hena, ag akka ag nob nau aoglagnu aakku ib bappaidtteb.

Aposel 28:27

Aɗinu? Danab ah imu ag am oolag ɠagattag eppom. Ag daulagppa nai meu dooglagnu nakokib elele, amu ele ag heeg, ag amelag amuhak daatte. Amu iitta daalo, ag amelagppa keeke anidna, daulagppa nai doona, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.’ Aisaia nug anam yom.

Jon 16:12

Da nai kuɗum laa ele ag amelagppa madikkulnu hettem, amge geha imu ag aoglagnu elele iitta.

Jon 6:6

Nug nai amuppa Pilip ma anttak medakkunu oɗ mettom; Nug nukka Nug attem hekkunu matu doyom.

Luk 24:25

Aa anam aeh, Jesus Nug amelahppa aum. “Aa am danab dabmak tutukku iitta ele. Kayaknu propet ag nai amu mehuqppig, amge aa paha oolahppa genab dooglahnu ii hettep,” awa aum.

Mak 8:21

Ag anam aeg amu Jesus Nug aum. “Anam amu ag tuɗidna, pehettak iite dootteb?” awa aum.

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

1 King 10:1

Amu Seba wanppanu kuin nug Solomonnu, “Yawe nug Solomonnu ena he, Solomon nug onig okkai beum,” nai amu nug doyom. Nug doyom amunu, kuin nug Solomon anidkkunu, nug oɗmak ɠagattag laala, Solomon nuhig doyak dabmak ena ele, nug amunu ma anttak oɗ medakkunu uɗiom.

Hibru 5:10

Nug anam dayeye, Kayak Nug Nug mana mettak ikki danab, Melkisedek bia daakkunu tituanom.

Hibru 5:12

Ag ippunittak danab bena daaglagnu haen elelenab dayom amge iitta, ag doyak ahilag qakub amunu, laa nug ag Kayak nainu diig eɗua ippuanatteb aoglagnu daatteb. Ag am ee ɠagattag lakkulagnu elele iitta, ag huhib lanana daaglagnu elele.