Hibru 2:18 - Nobonob Baibel

¹⁸ Amu Nug nukka hipunin hekkunu eeɗak doyaya, uug mawa guittak doyom amunu, haen danab ag hipunin hekkulagnu eeɗak dootteb ele amu, Nug ag ehanadkkunu elele.

Hibru 2:18 Referans Kwoze

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

Hibru 5:2

Nug ele hipunin hekkunu eeɗak aotte amunu, nug danab ag ootot daatteb, ag ib apiɗidtteb ele amu, nug oo bodoettakppa atognoadkkunu elele daatte.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Jon 10:29

Da Mamel Nug ag da meɗom amu, Nug am keeke oh eɗattak. Laa nug Nug eppegppanu ii oqaiatta diima.

Luk 22:53

Deɗ oh da ag ele Kayaknu mettid lag ooppa daamut, amge ag ii aɗailppig Anam amge haen imuam ahilag haen, amu Satan nug uɗat nuhig ahilagppa hette,” awa aum.

Pilipai 3:21

Geha Kristus Nug ɠagattag nuhigppa keeke oh Nug waappaib maatteb daaglag ele, ɠagattag amuppa Nug heeb, ig beɗunig mauhtte imu, am Nug beɗu enanagnab binag ele bianab bekku.

Luk 22:28

Aria haen uug digdig dahilppa beppig amu, ag da ele daadmut, ag da ii uuiɗppig.