Hibru 13:24 - Nobonob Baibel

²⁴ Amu ag ihinig humittak nai ahilkad ikki danab oh mattanna, Kayaknu danab ah oh ele matteg! Amu Kayak baekkudppan danab Italinu ag humittak nai ahilagppa meeg gotte.

Hibru 13:24 Referans Kwoze

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

Pilemon 1:5

Aɗinu? Na Naɗi Jesusnu oot mauhe, nuhignu ootppa genab doon, na Kayaknu danab ah oppiaawak ele dilagnu oot mauhtte, da nai amu doyeye daattem.

Aposel 18:2

Nug ukka, Korint ta, Juda danab laa onig Akwila anttom. Nug appag diig amu Pontus. Nakok matu bia, nug amu wau Prisila ele aa Itali wannu aab okkai Rom, aa appanu ahai uɗipiɗ. Aɗinu? Rom dilag king Klodias, nug Juda danab ah amelagppa, “Ag Rom ii daamna; ag Rom uun, aab laalappa gona dayeg!” awa aum amunu, Akwila, Prisila ele aa Korint appa daapiɗ. Aria Pol nug ukka, aa anate,

Kolosi 1:2

i uɗug imu ag danab ah Kolosi daatteb, i laintad, ag Kayaknu danab ah oppiaawak ele, ag Kristusnu daaglagnu oo metta ii uuak kobol dim lamidtteb, i ahilagnu yaattep. Ig Mamenig Kayak, nuhig ehanittak okkai hamu mettak, amu nuhig maɗoɗ ele ahilagppa daaglahnu oonih daatte.

Pilipai 4:22

Kayaknu danab ah oppiaawak ele oh ippanu, ag ag Pilipai daatteb ele humadtteb, amge Kristen danab ag Sisar laugppa uɗat hetteb ele, ag humattak amu hekkulagnunab hetteb.

2 Korint 13:13

Kayaknu danab ah oppiaawak ele laa oh ag ag humadtteb.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Aposel 27:1

Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

1 Korint 16:16

Ag danab anam amu dabmattanna, ag oɗelag dim lamidna, amu danab laala ag danab amu ele uɗat hetteb amu, ag ahilagnu ele anam heig!