Hibru 12:29 - Nobonob Baibel

²⁹ Aɗinu? Ihinig Kayak Nug am aab dittiak naɗi, keeke oh ewatte iitta metteb, Nug amubia daatte.

Hibru 12:29 Referans Kwoze

Duteronomi 4:24

Ag amu hekkulagnu diig am, Yawe, ahilag Kayak, Nug am aab dittiak naɗi, keeke oh ewatte iitta metteb, Nug amubia daatte. Nug nuhikkud dilagnu dahil doya laa aomanu doyak aɗa daatte, ⌊Nug danab ah ag dup nona, kayak laa binalag mekkulag ele hatteb nauhkkulag.⌋

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Hibru 10:27

Iitta! Ig Kayaknu hettoɗiak okkai amu aab gakkaɗaknab, Kayaknu kekeɗ oh ewadkku ele, amuib baɗidta ameg mekkunig.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Daniel 7:9

Qeqeɗi nakok, dim beum am anam heehe, da neekki ukke, da laa ag kingnu sia enanag kuɗum abenlagppa maatteg daaeg anadmi. Ag maatteg daaegeg, Kayak Hanhan Daatte Nug sia king nuhigppa heɗep na dayom. Lamen nuhig am hakkabnab, sno bia. Nug ikki uɗug am hakkab, sipsip uɗig bia. Sia king nuhig am aab ewak bia dayom. Amu sia king nuhig am ele wil ele, amu wil amu oh am danab aab ile, huana diditte, amubia ag oh huan ewegeg anidmi.

Sam 97:3

Aab ewak naɗi Nug noob awa, anuqa ugakka, nuhikkud kekeɗ talilittak daatteb amu ewadtte.

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Eksodas 15:7

Na dagom onin ɠagattag okkai naɗi ele daattem, amu na amuppa, na nahip kekeɗ tabatte noppig. Ao na hee, nahip oo nauhak huanak, aab aɗu bia, amu ag ewatte, ag gikkiɗah bunaɗak aab eotte, ag amubia daappig.

2 Samuel 22:9

Danab laa oppoɗi huana beeb, diig amunu kahug nug noobppa neebeb, oɗeppa dittiak ele neebeb, dittiak waappa ottag daalob; amubia Yawe Nug oppoɗi huananab beum.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Jeremaia 25:37

Yawe Nug ⌊nau hak huanak antta,⌋ oo huanaknab nauhom amunu, Nug heeb, wan enanag ahilag, appa ag maɗoɗ daappig ele amu, wan amuam nauhakib daakku.

Esekiel 38:19

Da keeke haknu yag-nab-bak doyeye, da oppoɗil ele aab aɗu bia beeb, da heppi, mim naɗi okkai Israel wanppa nekku.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

Hibru 10:31

Amu danab laa nug hipunin nuhignu, Kayak bauklel ele eppegppa epeɗiak aokkunu gokkunu am keeke hamu iitta. Keeke amuam keeke baɗak, uug naunab ele.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.