Hibru 12:25 - Nobonob Baibel

²⁵ Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 12:25 Referans Kwoze

Hibru 8:5

Mana mettak uɗat, ag wan imuppa hetteb ele amu, ag hab aabppa Kayaknu mettid lag ooppa kobol niitte amubia dottog aakku hetteb. Nai laa amu ippunigtte am nai anukka Kayak Nug Moses amegppa aum. Nai amuam haen Moses nug Kayaknu mettid haknu peh lag digma hekkunu heehe, Kayak aum. “Da na qaukoppa dottog ippunidmi bianab na heppe, ag keeke amu oh anamib heig!” awa aum.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

Sekaraia 7:11

Yawe Nug anam atte, amge ag mamelkad aɗi ag nuhig nai dabmettaglagnu uuppig. Ag ahilag dabmak ɠagattag eppe, ag Yawe dimettan, ag danab nug nai doomanu nug daug eppeg doɗoppa itutte, amubia ag Yawenu nai doyaknu uuppig.

Prowerb 13:18

Danab nug tolittak awaknu uutte ele, gogtak nuhig am uɗa nak awa, daɗek ele daakkunu daatte; amge aun nug tolittak ena aotte, nug binag aotte.

Duteronomi 30:17

Amge ag nuhig ɗo tabappeg nekku dayeb, ag nuhig nai ii dooglag dayeb, ag laa dilag dabmak nau doon, ag kayak hambuppuak noolagppa dup nona binalag mekkulag dayeb amu,

Eksodas 20:22

Moses nug anam te, Yawe Nug Moses amegppa aum. “Na appe, Israel danab ah ag nai dahil imu doyeg! ‘Da hab aabppanu ag amelagppa nai mattimi amu, ag amu doon malappig.

Matyu 8:4

Ena daye, Jesus Nug danab amu amegppa inam aum. “Doye! Na danab laa amegppa, da na bappaidminu aib ame. Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu ele iitta,” awa aum. Jesus Nug anam awowa, Nug he ukkom.

Prowerb 8:33

Ag dahil ippunittak nai imu doona, ag doyak dabmak ena ele dim lamitteg; ag aib oolagppa uuak dooppig!

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Prowerb 1:24

Amge da ei, ag uun, da uuiɗppig. Ao, ag dahil nai dooglagnu da eppel bahimi amu, auntai laa ii doum.

2 Stori 7:19

Amge ag Israel, ag eɗun, ag dahil haknunab anak, amu ɗo dahil ele da ag mattami amu, ag ii dim lamidnana, aria ag kayak hambuppuak dim lamadnana, amu laa waalagppa maɗi nid daan, ahilag uɗat henana, ag ag noolagppa dup nona binalag mekkulag dayeb,

1 King 12:16

Aria, Rehoboam nug anam a, Israel danab ah oh, ⌊amuam Israel dilag huu okkai laa oh, Juda, Benyamin aakkuib iitta⌋, ag aakku dooppig, king bau amu nug nai ahilag dookkunu uuom. Ag anam dooppig amunu, ag king amegppa inam appig. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. Anam amunu, ig Israel danab, ig oh eɗut, aabppa gotu. Ao, Dawit bekkod ag akka nug gumanna dayeg!” Israel ag anam anana, ag oh qatin, appalagppa ukkadppig.

Josua 22:16

“Yawenu danab ah oh, ag ag Ruben, Gad, am Manase mahaib danab ah dilagnu, ag heppignu diig dooglagnu oolag daatte. Ag aɗi diignu ag Israel dilag Kayak ippunattomnu oo metta ii uuak kobol ii dim lamidna, Nug oɗe tappaeg neum? Ag attem hena, Yawe dimettan, nuhig nai tappaeg ne, qaɗab laa, Nug ii aum bia heppig?

Namba 32:15

Ag Nug ii dim lamidppeg amu, Nug baula danab imu ag atu taɗakppa uuatteb oippeg, hadappeg nauhkkulag. Amu ag ahilag padal mak amu, am ag beɗulagppa padal meppig daakku.” Moses nug Gad buɗub, Ruben buɗub ele, nug ag amelagppa anam aum.

Eksodas 16:29

Yawe Nug anam a amu, Moses nug danab ah amelagppa aum. “Ag imu doon autna aweg! Aɗinu? Yawe Nug ag deɗ imu, am Sabat, Nug ag mattom amunu, deɗ ebqak eblaih laippuppa amu, geha Nug ag ee deɗ aɗitnu elele madatte. Aria, deɗ ebqak eblaih aɗitppa amu, danab ah oh ag daattebppaib daaglag. Danab o ah laa nug ee wanppanu awaknu dimittim ii goma,” awa aum.

2 Timoti 4:4

Amu ag doyak diig genabib dimettana, kaya hamu amunuib daulag human dooglag.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

Esekiel 5:6

Amge Jerusalem danab ah ag nau henana, ag dahil ɗo iɗu iɗunu nai tappaeg neum. Wan laappan danab ah ag ele dahil ɗo iɗu iɗu tappaeg nette, amge Jerusalem danab ah ag amu huana, laa oh eɗattak hetteb. Aɗinu? Jerusalem danab ah ag dahil ɗo iɗu iɗu uun, dim ii lamittegeg uɗie, gemu ele anamib hetteb,” awa atte.

Jeremaia 11:10

Ag mamelkad aɗi dahil nai dooglagnu uuppig, ag hipunin heppig, gemu danab ah imu ag hipunin amuib hetteb. Ag kayak hambuppuak dim lamadna, ag noolagppa dup nona, ag binalag metteb. Israel danab ah, Juda danab ah ele ag nug tituana nai qakkak nai da hei, da ag mamelkad aɗi ele bappaidta, ag nai amu waappa daan oinna, ag nai amu tippalna, ii dim lamidppig amu, laa gemu daatteb, ag ele anamib.” Yawe Nug anam awa aum.

Aisaia 64:9

O Yawe na oo nauhak okkainab, melemel elele iittappa doomnanu, na hanhan hipunin ihinig dabmenan oimnanu oɗ medattem. O Yawe, ig am nahipad danab ah daattem amunu, na dabmegakkutnu unuqidttem.

Aisaia 48:6

Da keeke digdig bekku amu, da ii bak haenppa ai dooppig. Ao, da ai doyeg beppig amu, ag amelagppa anadppig amunu, ‘Yawe Nug amu ii heum,’ akkulagnu iite uuglag? Ge, ag nai genab, ‘Yawe Nug amu bekkulagnu ana, he beppig,’ iite akkulag?” ⌊Yawe Nug anam ana mala, Nug nai tuɗitta atte.⌋ “Gemu da digmein, keeke bau, keeke laa ag ii dootteb, da amu appi dooglag. Ao, da keeke lokkumak daatte amu, da amunu appi dooglag.

Prowerb 15:32

Danab nug tolitta bu mettak aokkunu uutte, nug nukka nuhignu ena iinab dootte; amge laa nug tolitta mettak awa dim lamidtte, nug diignu doyak tutukku aotte.

Hibru 3:17

Kayak Nug maɗ 40 haen amu ohppa aun aɗi dilagnu oo nauhak doyom? Amuam danab ah ag hipunin qenana, mauhna atu taɗakppa niippig. Kayak Nug ahilagnu oo nauhak doyom.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Revelesen 22:9

amge nug da amelppa aum. “Na anam aib heme! Da am Kayaknu maɗi nid, na, na laipad propet danab, amu aun laa oh ag buk imuppanu nai dim lamidtteb ele, ag nuhig maɗi nid daatteb, amubia. Na Kayak aakkuib Nug noobppa dup nona binag me!” awa aum.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 18:19

Am inam daakku. Nai dahil danab amu oɗeppanu uɗitte amu, aun laa nug nai amu doyaknu uukku amu, da nug bu medakkul.

Hibru 1:1

Kayak Nug anukka ig mamenkad amelagppa nai haen kuɗum ib laalappa ele propet oɗelagppa aum,

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Hibru 12:19

Qauko amuppa trampet huana iwalak dayom, amu Israel ag amu oh doon anidppig. Ag qauko amuppa amu oh doon anidna, ag ele Kayak baag doon, ag baɗana Moses amegppa inam appig. “Ig baula baag amu doyak uuttem,” aon appig.

Josua 22:15

Ag gona, Gileat wanppa tena amu, ag Israel dilag huu okkai Ruben, Gad, amu Israel dilag huu okkai Manase mahaib ele, ag amu amelagppa appig.