Hibru 12:15 - Nobonob Baibel

¹⁵ Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Hibru 12:15 Referans Kwoze

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Duteronomi 29:18

Ag anam anadppig amunu, ag oolagppan laa, am danab laate, o ah laate, o aab ikki laate, o Israel dilag huu okkai laate, amunu laa nug Yawe, ihinig Kayak, nug Nug dimetta, laihnu danab amu dilag kayak hambuppuak noolagppa dup noa binag mak kobol hemanu dabmeig! Ge, diɗi laa keeke nau aɗit he bettep, laa am uud tiig mua nau ele, laa am uud ad tiig mua ele, diɗi amu keeke amu he beya, keeke heeh nauhtteb, amubia kobol nau ahilagppa bemanu ag dabmeig!

Galesia 5:4

Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

2 Jon 1:8

Amu ag tamaniak ooppa daatteb ele, ag Kayaknu keeke aoglagnu uɗat heppig, amu laa amu ag heppeg, keeke amu iitta memanu dabmeig! Ag geha nob ena oh aoglagnu heig!

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

1 Korint 5:6

Ag akka ag binalag metteb am ena iitta. Yis nakokib uɗat he, plaua oh titiɗtte, ag amu iite dootteb? Aria, kobol nau am yis bia daatteb.

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Hibru 4:11

Amunu ig ele hik awak amu aot daagnignu Kayak Nug amunu aɗi atte amu ig hetu! Ig anukka Israel ag Kayak oɗe tappaeg neum bia padal mekkunignu ii hemata.

2 Korint 13:5

Ag akka akka ag ahilag ooppa genab doyak am genabte, ⌊amuam ag Kristusnu, nuhig Nai Enanu ele aakkuib oolagppa genab dootteb,⌋ o ahilag ooppa genab doyak am genab iittate italna epeɗieg! Ag akka, ag oolag ma anttak metteg! Ag Jesus Kristus, Nug ag oolagppa daatte iite dootteb? Yo, ag ma anttakppa elele hetteb dayeb amu, Nug ag oolagppa daatte. Iitta am iitta.

1 Korint 10:12

amunu, danab laa nug ɠagattag hibaitta daatte dabmette ele amu, nug na qemanu dabma auta awaɗ!

1 King 14:16

Jeroboam nug hipunin hatta he, Israel danab ah ag ele hipunin amu hadappig amunu, Yawe Nug uuatteb, ahilag kekeɗ ag eɗadkkulag,” awa aum.

Hibru 6:11

Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

Duteronomi 32:32

Israel dilag kekeɗ ag diɗilkad am Sodom appa daatte. Ao, ag diɗilkad amu Gomora dadppa daatte. Muɗi grep laala ag meu ninig nau ele otteb, amubia Israel dilag kekeɗ ag Israel dilagppa eheɗ hetteb. Ao, ag grep meu mua ele, nau daatte, ag amubia daan hetteb.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

Epesus 5:3

Amge gappai kobol, o iitta kobol dubuttid ele, o iitta baubau awaknu hik qak kobol, amuam ahilagppa nakoknab laa aib dayom. Aɗinu? Ag am Kayaknu danab oppiaawak ele amunu, ag kobol amu hekkulagnu am tutukku iitta.

Galesia 2:13

Pita anam he amu, Juda danab laala ele ag nug ele kobol hambuppuak amu heppig. Am ag kobol hambuppuak dim lamitteg ukke, Barnabas ele nuhig dabmak eɗue, kobol amuppa noum.

1 Korint 13:8

Am oo mauhak kobol amuam geha iitta ii mema. Iitta. Nug hanhan daakku! Propet nai mehuqak uɗat amu geha iitta mekku; nailag digdig mattiaknu uɗat am ele geha iitta mekku. Amu ⌊wanppanu⌋ doyak danab ag aoppig, amu ele iitta mekku.

Eksodas 32:21

Moses nug anam ha mala, nug Aron amegppa aum. “Am danab ah ag nahipnu attem heeg, amu diig amunu na ag kobol eheɗ naunab amu hekkulagnu ae heppig?” awa aum.

2 Pita 3:11

Keeke oh kobol anamppa padal mekkulag amunu, ag am attem daaglagnu daatteb? Ag danab oppiaawak ele, Kayaknu genab tutukku hak danab ele daaglagnu daatteb.

2 Pita 1:10

Amunu, O lailad, Kayak Nug ag onilagppa ewa, ag tituanattom, diig amunu ag Nug dim lamidkkulagnu wagai meig! Aɗinu? Ag anam hena amu ag iinab nena qemana.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Aisaia 5:4

Amu muɗi grep nug geha ba, meu ena okkunu da uɗat ena hemi, amge aɗinu muɗi grep ag meulag, meu doɗo naunau ona, lanaknu ena iitta, mua ele oppig? Am keeke laa haknu dayomtai, da keeke amu iite hemi?

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.