Hibru 11:40 - Nobonob Baibel

⁴⁰ Aɗinu? Kayak Nug ag haen Nug tituanom ele amu haen amu ameg mebeppeg, ag ig ele oh, ig haen amuppa elelenab beta daagnignu dabmeum.

Hibru 11:40 Referans Kwoze

Revelesen 6:11

Ag anam aeg amu Kayak Nug ag oh anen anen lamen elab hakkab madatta, amelagppa ag nakok laa ele hik aon daappeg, danab nau ag ag lailkad uɗat laippu wanppa daatteb, ahilag ebqak elele daakkunu aqappeg mauhppeg, ahilag ebqak elele dayeb, Kayak Nug danab nau amu nuhikkud danab oh tiilagnu nob eɗukkunu aum.

Hibru 8:6

Jesus Nug mana mettak uɗat awom ele amu, uɗat amuam mana mettak uɗat alag eɗidtte, Nug tituana nai qakkak bau, Jesus Nug amunu gamag danab daatte amu, nai qakkak bau amuam nug tituana nai qakkak alag eɗidtte, amubia. Ele amu, nug tituana nai qakkak bauppa keeke Kayak heeb bekkulagnu nai qakka aum ele amu, ag alag amunu eɗadtte.

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.

Hibru 9:23

Amu wan imuppan keeke ag am hab aabppan keeke genab dottolkad amu, ag mana mettak doɗppa hak, ag amuppa heppeg oppiak daaglagnu daappig, amge hab aabppan keeke, ag digmen uɗat mettaglagnu am doɗ tiilag tauɗ aqakkunu am elele iitta. Iitta! Keeke laa doɗ tiig eɗittaknab aakkuib am elele.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Hibru 7:22

Kayak Nug Jesus mana mettak danab daakkunu, nuhig nai ɠagattag qetta aum, laa ag anukka mana mettak danab daappig, ahilagnu anam ii aum, diig amunu ig ⌊Jesusnu oonigppa genab doottem, ig dimppa nug tituana nai qakkak nai bau, ig nob ena aɗi aɗi aognignu atte amu, ig genab aognignu doottem.

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.