Hibru 11:36 - Nobonob Baibel

³⁶ Ooppa genab doyak danab laala amu, kekeɗ ahilkad ag aon aon aqanna, laala ag bu qaun eleppa mataɗadna, amu laala senppa hippaladna, maniguittakppa maatteg daappig.

Hibru 11:36 Referans Kwoze

Jeremaia 20:2

nug he, ag Jeremaia, nug propet amu, ag nug eheɗ makkuɗnana, ag aon gona, Yawenu mettid lagnu aɗnu od laa onig Benyaminnu Od Attan, ag aben amuppa ag nug eppeg, baeg ele ad mahappa qagappig.

Genesis 39:20

Oo huan nauhe, nug Josep awa, maniguittakppa meum. Paro nug ele hanhan nuhikkud danab ag eheɗ heppig ele amu diia, maniguittak amuppa meum. Potipar nug Josep maniguittakppa anam me dayom, amge

2 Stori 30:10

Nai awa ukkak danab ag nai amu aon gona, Epraim wanppa, Manase wanppa, Seblon wanppa ele aabaabppa gona, Seblon wanppa batappig. Ag nai amu aon gona, appan danab nai amu ippunadppig, amge appan danab ag doon, ahilagnu, “Keeke hamunab,” doon, aon aon aqappig.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Matyu 23:34

Amunu ag doyeg! Da propet, amu danab doyak dabmak ena ele, ag Kayak nai tutukku dootteb, amu ippunittak danab ele ana maadppi, ahilagppa uɗiglag. Uɗippeg amu ag laa aqappeg mauhppeg, laa ag ad emaitakppa atuladna, ag laa ahilkad nai doyak lag ooppa bu qaun eleppa eheɗ mataɗadkkulag. Ag mataɗadna, ag lamadppeg, ag aab okkai laappa goppeg, baula lamadppeg, aab okkai laappa gona, anamib oiglag.

Jeremaia 20:7

⌊Jeremaia nug Yawe amegppa aum.⌋ “O Yawe, da nahip uɗat hekkulnu ɠagattag ame, amu da aakku hemi, gemu ele hettem. Ao, na da nahip uɗat hekkulnu wagai meme, amu da aakku nahip uɗat hemi, gemu ele hettem. Amu gemu danab ag dahilnu hanhan ihaklel doon, imiɗtteb. Ao, danab ah oh ag da aon aon iutteb.

2 Stori 16:10

Propet danab nug anam a, Asa doya, nug nuhignu oo nauhom. Nug oo huana nauhom amunu, nug Hanani maniguittakppa me dayom. Amu haen amuppa Asa nug eheɗ laa ele ha, nug Juda danab laala, ag nug waappa gai-iitta daappig amu, nug ag eheɗ hattom.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Aposel 24:27

Amu Peliks nug anam haaha dayeye, dimppa maɗ aɗit ukke amu, Porsius Pestus nug Peliks abenab aokkunu uɗiom, amge Peliks nug Juda ag oolag ena daakkunu Pol maniguittakppanu ii uhuqom.

Aposel 21:33

Uueg, ban daup dilag ikki anuqak nug gumatta wana, Pol aɗa, daup amelagppa, “Ag nug sen aɗitppa qakkeg!” ana, nug Juda danab oɗ mattom. “Imu danab aun, nug aɗi heum?” awa oɗ mattom.

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

Aposel 5:40

Gamaliel nug anam a, ag nuhig nai dim lamidna, totol danab 12 ii aqappig, amge ag diin ag, laa ag bu qaun eleppa eheɗ mataɗattona, nai Jesus onignu amu ii mattimnanu haknunab nai ag amelagppa awona, heeg goppig.

Aposel 5:18

Anam amu ag ahan, totol danab 12 aɗualadna, danab oh dilag maniguittak, ag amuppa maadppig,

Aposel 4:3

Uɗin, tueb meum amunu ag aɗualatna, maniguittak ooppa tuqan amu daaglahnu maatppig.

Luk 23:36

Ag anam aegeg, daup danab ag ele aon aon qettan, gumidna dona, wain ena iitta mettaglagnu heppig.

Luk 23:11

Herot nug nuhikkud daup ele ag Nug hippeg qakkan, aon aon qettan, dimettan, lamen elab enanag laa aon takkidna meeg, eɗua Pailat toppa ukkom.

Luk 18:32

Ag geha da aiɗna, iitta aɗi eppelagppa meiɗppeg, ag aon aon iuna, guhuɗilna amu hunu iuglag.

Mak 10:34

Meiɗppeg, iitta aɗi ag aon aon iuna, hunu iuna, bu qaun eleppa eheɗ mataɗilna, iuppeg mauhppi, deɗ ewam uueb amu da eɗuen hippaidkkul,” awa aum.

Matyu 27:26

Ag anam aeg amu, Pailat nug Barabas uhuqa matta, nug nuhikkud daup ag Jesus bu qaun eleppa eheɗ mataɗkkulagnu ana, ag ad emaitakppa atulkkulagnu ag eppelagppa meum.

Matyu 21:35

Ag ukkaeg amu, dad uɗat danab ag nuhikkud maɗi nid amu diin, laa makkuɗna, laa qeeg mauhe, laa amu menppa makkuɗppig.

Matyu 20:19

ag iitta aɗi eppelagppa meiɗkkulag. Meiɗppeg, ag aon aon iuna, bu qaun eleppa eheɗ mataɗilna, ad emaitakppa atuliɗkkulag. Ag anam atuliɗppeg mauhe, deɗ ewamppa, Kayak heeb, da eɗuen hippaidkkul,” awa aum.

Jeremaia 38:28

Anam aakku Jeremaia nug daup king gumappig laulag haɗap-ppa maniguittak daye ukke, deɗ Babilon ag Jerusalem eɗidna aoppig, deɗ amu batak.

Jeremaia 36:6

amunu, na da abenal aon, appa gokkutnu ool daatte. Na ee ohnu kud ma dayaknu deɗ laappa, na deɗ amuppa buk na Yawe nai ippuniɗe, da ai, na yaame imu amu, na buk itoɗiak amu aon, Yawenu mettid lag, na amuppa gona, danab ah appa daatteb ele dooglagnu na buk amuppan nai ebqekkut. Juda danab ah ag ahilkad aab anen anennu uɗitteb ele amu, na ag amelagppa ebqeppe, ag doyeg!

Jeremaia 29:26

“Yawe Nug na mana mettak danab Jehoiada abenab aona, na Yawe laug gumakkutnu tituanittom amunu, danab auntai nug kaaka danab dayaya, nug ippu haaha, propet danab bia bette amu, na danab amu aon, maniguittak naunab nau, baeg, eppeg ele adppa qakkak, duug am aenppa qakkak amu, na amuppa mekkutoitte.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

2 King 2:23

Dimppa Elisa nug Jerikonu aha, Betel gokkunu ukkom. Ugekke, nid aabppanu nakok kuɗum ag dona, aab dimittim uɗin, ag Elisa anidna, awa awa qettak nai inam appig. “Eee bikkan ele na, na tena ukke, na tena ukke, na bikkan ele, na ippa aib daame,” anam appig.

1 King 22:27

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

1 King 22:24

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

Ikki Danab 16:25

Am danab ah appa daappig amu, ag oolag huananab gamag ahe, appig. “Ag Samson omalna uɗippeg, ig nug neekkidppupput, nug heebeb, ig gamag ahak okkai dootu!” aon appig. Ag anam enan appig amunu, ag Samson maniguittakppan aon waeg, nug heehe anidna, ag heeg, nug ahilag kayak hambuppuak laug gamagppa, lagnu biidod okkai menppa hak aɗit lag koɗokko maopiɗ ele amu, nug amu gamalahppa appa hibaitta dayom.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Jeremaia 32:8

Yawe Nug da amelppa Hanamelnu aum amu, anamnab da amal nakok Hanamel nug uɗia, da daup king gumappig laulagnu haɗap-ppa daamippa ba, nug da amelppa aum. “Dahil wan maha laa Benyamin wanppa, Anatot guguittak daatte amu, na ihinig ɗoppa wan amu laa eppegppa dayaknu qagaiettakppanu eɗua uhuqak hekkutnu daattem amunu, laa ag daden memananu, wan amu nahip daakkunu na daden me!” awa aum. Nug anam aum, da amu bekkunu tatam Yawe oɗeppa doomi amunu,

Jeremaia 39:15

Amu Jeremaia nug daup ag king gumappig laulag haɗap-ppa maniguittak dayom, haen amuppa Yawe Nug nuhig nai imu Jeremaia mettom.

2 Stori 18:26

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

Daniel 11:33

Israel oolagppa laa ag doyak dabmak ena ele, ag laa kuɗum ippunittak ena mattaglag. King amu, nug laikkud ele ag amu dilagnu eheɗ doon, qep elabppa aqaglag, o ag aab ewakppa buɗiadppeg teppeg, aab ewadkku, o ag ahilkad keeke yab aoglag, o ag diin, maniguittakppa inadkkulag. Ag amu deɗ gane, o kalam gane, o maɗ gane anam hekkulag, amge danab doyak dabmak ena ele ag laa kuɗum ippunittak ena mattaglag.