Hibru 11:35 - Nobonob Baibel

³⁵ Aria, danab ag oolagppa genab dooppig ele, ag heeg, danab laala mauhppig ele ag eɗun hippaidna, ag waalkad ele baula daappig. Amu laa ag oolagppa genab dooppig ele, ag oolagppanu laala kekeɗ ahilkad ag eheɗnab hattanna, beɗulag heeg nauha auta awom, amge ag mauhona, dimppa eɗun hippaidna, bauklel hanhannu, wan imuppan bauklel eɗittak, ag amu aoglagnu aakkuib dabmeppig; ag Kayak dimedappeg, kekeɗ uuadppeg gokkulagnu dab-ii-meppig.

Hibru 11:35 Referans Kwoze

Pilipai 3:11

Amunu diig am, da anam heinne, da mauhe, eɗue hippaidkkulnu doottem.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

1 Korint 15:54

Amunu haen ig beɗunig beɗatte imu amu geha baolia, laa awa, ena hanhan daakkunu beeb, amu haen ig beɗunig imu mauhtte amu geha baolia, bau hanhan daakkunu beeb amu, haen amuppa amu Kayak naippa, nai laa daatte amu meu genab bekku. Nai amuam inam. “Kayak Nug he, mauhak iitta meum; Kayak Nug mauhak eɗittom.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 22:29

Amu danab ag nug bu qaun eleppa eheɗ mataɗna oɗ mettaglagnu heppig ele, ag Pol anam a doon, ag pahanab eɗun uuidna goppig. Aria daup ikki anuqak nug Pol am Rom danab doyowa, nug he senppa hippalppig amunu nug oo baɗom.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

Luk 14:14

Am danab amu, ag am nahip ee amu nob mettaglagnu elele iitta, am na anam heppe amu, Kayak na itittak ena medakku. Yo, dimppa Kayak Nug amunu haen genab tutukku hak danab ag eɗun hippaidkkulag amu, Nug na nob ena medakku,” awa aum.

Mak 12:25

Eɗua hibaittak haen dimppa amu danab ag ah ii diimna, ah ele ag danab ii diimna. Iitta. Ag engel hab aabppa daatteb bia daaglag.

Matyu 22:30

Amu eɗua hibaittak haen dimppa danab ag ah ii diimna, ah ele ag danab ii diimna. Iitta. Ag engel hab aabppa daatteb bia daaglag.

Luk 20:36

Ag engel bia daaglag amunu, ag mauhkkulagnu elele iitta. Ag eɗun hippaidna daaglag amunu, ag am Kayak bekkod.