Hibru 11:33 - Nobonob Baibel

³³ Danab amu ag Kayaknu oolagppa genab dooppig amunu, ag wan laalappa ele ban hena eɗidna, ahilag wan aon, ag nai doya mala hettoɗia elele mettak kobol dim lamidna, epeɗiak tutukku hena, ag Kayak keeke madakkunu nai qakka aum amu aona, amu ag laion oɗelag qamutppig.

Hibru 11:33 Referans Kwoze

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

Galesia 3:16

Aria Kayak Nug dimppa keeke ena bekkunu Abraham amegppa nai ana qakka, nug, “Da na buɗun ele nai ana qakkak iikku hettem,” awa aum. Nug Abraham, buɗub amu ele, ahilahnuib nai ana qakkaknu aum. Nug buɗub oh amelagppa ii aum. Iitta. Nug buɗub laippunuib amegppa nai ana qakkom, amu nid amu Nug am Kristus.

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

Hibru 11:17

Abraham nug Kayaknu ooppa genab doyom amunu, haen Kayak Nug Abraham ma anttak mettom, haen amuppa Abraham nug bekka mana, Kayak medakkunu keeke oh babaitta, ⌊Kayak medakkunu⌋ heum. Anam ha dayeye, Kayak he, nug bekka ii qeum, amge Kayak Nug Abraham amu oh helo bia doyom. Tatam Kayak Nug Abraham amegppa Aisaknu inam aum. “Na buɗunadnab am Aisak, nuhigppa bekkulag,” awa aum. Yo, Kayak anam nai qakka a, Abraham nuhig nai amu awom, amge dimppa nug Kayak oɗe dim lamidkkunu, Aisak mana, Kayak medakkunu keeke oh babaittom. Aɗinu? Abraham nug anam hekkunu haaha, nug Kayaknu inam dabmeum. “Da bekkal mauha, eɗua hippaidkkunu amu, Kayak Nug amu hekkunu elele.” Nug anam dabma, keeke oh Aisak mana, Kayak medakkunu babaitta mala dayom amunu, ig inam akkunignu elele. “Abraham nug bekka mauhak abenppanu eɗua awom,” aot akkunig.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Sam 144:10

Da amu hekkulnu diig am, na hee, king ag ban eɗidtteb! Da am nahip maɗi nid Dawit, am naib, na da ehaniɗe, kekeɗ ag qep elabppa danab ah aqaeg mauhtteb ele, ag qep amuppa ii iweg mauhmi.

Sam 91:13

Na geha laion, amu mat nau ele eɗadppe, ag aɗitai keeke laa hekkulagnu elele iittanab daaglag. Ao, na geha laion bau, mat nau ele tappaladppe noppeg, ag aɗitai laa hekkulagnu elele iittanab daaglag.

Ikki Danab 4:1

Ehud mauhom dimppa amu, Israel danab ah ag baula Yawenu neekkakppa eheɗ heppig.

1 Samuel 12:4

Samuel nug anam a, danab ah ag appig. “Iitta! Na hambuppuak kobolppa ihinig keeke laa ii aome; na gumaknu ɠagattag nahip, na amuppa he, ig laa ii nauhmut. Na ihinig keeke yab kobol biappa laa ii aome,” aon appig.

2 Samuel 8:15

Dawit nug Israel danab ah oh gumattom. Nug gumattatta, nug nai doya mala hettoɗia epeɗia elele mettak kobol, kobol tutukkuppa ele ag gumattom.

2 Samuel 10:12

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

Matyu 5:12

Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.

Jems 2:18

Anam, amge danab laa nug, “Na amu ootppa genab doottem, da amu da kobol ena hettem,” awa akkutai. Amge anam iitta. Na ooppa genab doyakppanu uɗat ii hekkut dayeb, na attem hena, nahip ooppa genab doyak ippuniɗkkut? Da amu, da dahil ooppa genab doyakppanu uɗat, da amuppa dahil ooppa genab doyak na ippunidkkul.

1 King 13:28

Ag anam heeg, propet kaino nug donki attan ta, ib amuppa ukka, Judanu propet gaɗa ibppa niieye antta, nug donki, laion ele aa anam gaɗa amu gukkuidya hippaidya daaeheh anatom. Am laion nug mauhak gaɗa amu ii laum, nug donki ele attemtai laa ii heum.