Hibru 11:26 - Nobonob Baibel

²⁶ Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

Hibru 11:26 Referans Kwoze

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.

Hibru 10:35

Amunu ag ooppa ɠagattag qettak ahilkad amu aib maoppeg ukkom. Aɗinu? Geha ag keeke amunu nob enanag aoglag.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

Hibru 2:2

Anukka Kayak Nug engel oɗelagppa ɗo nai aawo be, nai amu ɠagattag daattom. Ɗo nai anam ɠagattag daye, danab ag uun, tappaeg neum amu, ag nob nau, ahilag eheɗ hak eleleppa aodppig.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

Luk 14:14

Am danab amu, ag am nahip ee amu nob mettaglagnu elele iitta, am na anam heppe amu, Kayak na itittak ena medakku. Yo, dimppa Kayak Nug amunu haen genab tutukku hak danab ag eɗun hippaidkkulag amu, Nug na nob ena medakku,” awa aum.

Matyu 5:12

Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

2 Korint 12:10

Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.

Sam 37:16

Genab tutukku hak dim lamittak am enaib. Laa nug genab tutukku hak danab dayaya, keeke nakoknabib eppegppa aɗakkutai, amge nug genab tutukku hak danab daatte amunu, nug enanag daatte. Amge nau hak kobol dim lamittak am nauib. Laa nug nau hak danab dayaya, enub okkai eppegppa aɗakkutai, amge nug am nau hak danab daatte amunu, nug nauib daatte.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

Hibru 10:33

Amu haen laala danab laa ag danab ah dilag qagmakppa danab ah noolagppa ag aon aon aqan, eheɗ ele hedappig. Haen laala ag Kristen ag lailkad uug anam dooglagnu beɗulagppa beum amu, ag lailkad ehanadppig.

Pilipai 3:7

Amge da gemu Kristusnu dabmak anuqak aottem amunu, keeke amu oh, anukka da amunu, “Keeke imu binag ele,” ami amu, da gemu keeke amunu amu, da hamu bia doottem.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

Matyu 10:41

Danab nug Kayaknu propet laa antta, nug am propet, diig amunu nug oo metta humidtte amu, danab amu nug propet dilag nob ena ele aokku. Am danab nug genab tutukku hak danab laa antta, nug am genab tutukku hak danab, diig amunu nug oo metta humidtte amu, nug genab tutukku hak danab dilag nob ena ele aokku.

Matyu 6:1

Laa ele ag dabmeig! Ahilag hak ena am danab anadkkulagnu aib heppig. Ag anam hekkulag amu, ag Mamelag, hab attan daatte, ag nuhigppanu nob ena ii aomna.

Aisaia 51:7

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.

Prowerb 23:18

Aɗinu? Na anam hekkut dayeb amu, genabnab genab na butti aɗi ena daakkutnu dabmak aɗan oikkutnu elele; amu laa heeb, butti aɗi ena daakkutnu dabmak aɗa oiyak amu iitta iinab mema.

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Sam 69:20

Ag dahilnu, “Keeke hamunab,” doyegeg, da keeke laa hekkulnu elele iitta. Da oo doyak laala awaknu dabmemi, amge iittanab. Ao, da danab laa, da oo mak meɗakunu neegmi, amge laal iitta.

Sam 69:7

Da na dim lamidttem, diig amunu amu, laa ag dahilnu, “Keeke hamunab,” dootteb. Ao, diig amunu ag da uɗa nak nau meɗatteb.

Rut 2:12

Yawe, Nug na kobol ena aɗi aɗi heme amu, Nug amu dabmaama, nob ena na medakkunu ool daatte. Na matuk nakkud ag anilag haug waappa padal mak eɗidna ena daaglagnu daatteb bia, na ippa uɗin, Yawe waappa daattem amunu, Yawe, Israel dilag Kayak, Nug nob itittak ena na medakkunu ool daatte,” awa aum.

Revelesen 2:9

Da guittak uug ele nahip-ppa beum, na keeke iitta, amuppa qagaiettaknab daame amu, da doottem, amge na keeke kuɗum ele! Da danab laa ag nahipnu baeg qak nai madippig amu, da doomi. Laa ag amu appig amu ag, ‘Ig am Juda,’ aon atteb, amge ag am Juda tutukku iitta; ag am Satannu daupib.

Luk 14:33

Amge amubia ag oolagppanu danab nug nuhig keeke oh uuatta ii dimadatte dayeb, aria nug dahil ippunittak awak danab daakkunu elele iitta,” awa aum.