Hibru 11:25 - Nobonob Baibel

²⁵ Iitta. Nug amu uua, amu Kayaknu danab ah ele ag oh uug laippu maoglagnu oo dayom. Nug hipunin kobol dim lamitta oiyaya, oo gamag ahak haen tutunuib aokkunu amu, nug oo ii niiom.

Hibru 11:25 Referans Kwoze

Sam 84:10

Deɗ laippu na guguitta dayaknu am enanag. Deɗ 1,000 atu laih adekku dayaknu am enanag iitta! Da Kayaknu mettid lag, da amuppa od gumak danab aakkuib daakkul am enanag. Da nau hak danab ele daat, keeke ena ena ele aɗat oignig, amuam eheɗ, am nau.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

Job 36:21

Gemu na uug doomnanu, na kobol eheɗ hekkutnu oot daatte bia, na amunu dabme! Na kobol eheɗ hekkutnu dimette!

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

1 Pita 2:10

Anukka amu, ag Kayaknu danab ah ii daappig, amge gemu ag nuhignab danab ah daatteb. Anukka ag ⌊Jesusnu oolagppa genab ii doon,⌋ ag Kayaknu oo gai-iitta doya oo metta ehanittak kobol waappa ii daan, ⌊ag hipuninnu nob nau aoglagnu daappig,⌋ amge gemu amu, ⌊ag Jesusnu oolagppa genab doon,⌋ ag Kayaknu oo gai-iitta doya oo metta ehanittak kobol waappa daan, ⌊ag nob nau amu aoglagnu ii daatteb⌋.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Jems 1:20

Aɗinu? Danabnu oo nauhak am genab tutukku hak kobol, Kayak Nug ig amu dim lamidkkunignu oo hette amu, am kobol amu he ii bette.

Hibru 11:37

Ooppa genab doyak danab laala amu, ahilkad kekeɗ ag menppa makkuɗatteg mauhppig. Laala amu ag hahppa beɗulag otaɗatteg ne mauhppig. Laala amu qep-ppa aqaeg mauhppig. Kekeɗ ag ooppa genab doyak danab amu eheɗ hatteg, ag lamen sipsip o meeme gaɗappa hak takkan, ag keekenu ele daɗeknab daappig.

Hibru 10:32

Aria, ag haen Kristus aoppig daanna, dimppa uug okkai laala ahilagppa beebe dooppig ele, haen amu amelagppa doaɗ! Haen amu ag uug kuɗum maoeg, laa ag guittak okkai ele madappig, amge ag ɠagattag hippaidna daanna maoppig.

Hibru 4:9

amunu, Kayak Nug nuhikkud danab ag hik aon daaglagnu hik awak ⌊enanag, hanhannu ele⌋ babaittom daatte. Amuam deɗ eblaih aɗit elenu hik awaknab ahilag.

2 Timoti 1:8

Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Rom 5:3

Ig amunuib maɗoɗppan gamag ahak ii doottem. Iitta. Uug laa beɗunigppa uɗitte, amuppa ele ig maɗoɗppan gamag ahak doottem. Aɗinu? Ig doottem, ig uug doopput, uug amu ag ig oonig ɠagattag qedappeg, ig uug doyaya eɗittaknuib dabmak awak danab bekkunig.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Matyu 13:21

Nug nai doya aotte, amge nuhig ooppa genab doyak am ɠagattag iitta, haen tutunuib amunu, deɗ laa nug Kayaknu nai dim lamidtte, diig amunu uug laa bette o danab laala ag nuhigppa eheɗ hetteb amu, nug pahanab nuhig ooppa genab doyak paɗatte.

Aisaia 21:4

Da keeke Yawe tulelegppa ippuniɗe anidmi am he, da dabmak iwe, amel qittinene, beɗul baɗeɗe ottaittem. Da aam paha paha noa tuebnab ma, uudoa, ⌊maɗoɗ daakkulnu⌋ ool huan hanhan dayom, amge iitta, da Yawe ippuniɗom am he, da amel iɗuak doottem.

Sam 47:9

Wan atu ohppanu danab okkai ag danab ah Abrahamnu Kayak dim lamidtteb ele, ag Nug ⌊binag okkai mekkulagnu⌋ uɗin, Kayaknu danab ah ele laippu qagmena daatteb. Aɗinu? King laa oh ag ele Kayak waappaib daatteb, Nug ag gumadtte. Kayak Nug attannab daatte. Nug keeke laa oh eɗadtte.

Daniel 3:18

⌊Ihinig Kayak Nug amu hekkunu elele⌋ amge, O king, Nug amu ii hekku dayeb, amuam ihinig dabmak heeb, ii eɗuma. Ig na imu dookkutnu oonig daatte. Ig nahipad kayak noolagppa dup nota binalag ii memata; dottog golppa hak, na qappame amu, ig amu ele noobppa dup nota binag ii memata,” aon appig.

Aposel 7:34

Da Isip danab, ag dahilad danab Isip daatteb ele amu, ahilagppa kobol eheɗ huanak heegeg anatte, danab dahilad dilag aiqakkak ele doottem amunu, da ag ehanattena, ahilag uug amu autkkulnu nemi. Amu na ahe! Da na eɗun Isip gokkutnu meitti gottem,’ awa aum.