Hibru 10:36 - Nobonob Baibel

³⁶ Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

Hibru 10:36 Referans Kwoze

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

Luk 21:19

Ag ɠagattag daaglagppa, ag bauklel hanhannu aoglag!

Hibru 6:15

Amunu Abraham nug oo makppaib, bahi yaak ele iittappa nai amu meu okkunu ameg ma dayaya, keeke anukka Kayak medakkunu nai qakka aum amu aakku awom.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Revelesen 14:12

Uug nau danab ah amu dilagppa bekkunu daatte, doyak amuam uug beegeg, Kayaknu danab ah oppiaawak ele ag Kayaknu haknunab anak dim lamidtteb, ag Jesusnu ooppa genab doyak ahilag ele ɠagattag aɗatteb amu, ag tuɗidna uug doyaya eɗittaknuib dabmak awak kobol dim lamidkkulagoitte ippunigtte.

1 Jon 2:17

Wan amu wanppanu keeke, danab ag aoglagnu amelag qette ele amu, keeke amu oh ag iitta mekkulag, amge aun laa nug Kayak oɗe dim lamidtte amu, nug hanhan bau daakku.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Rom 8:25

Amge ig keeke ena amu aognignu genab dabmettem dayeb amu, ig oonig maɗoɗ ele ameg meta daattem.

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

Kolosi 3:24

Aɗinu? Ag dootteb, butti aɗi Naɗi Nug nob ena, Nug danab ah nuhikkud, ahilagnu matu babaittom daatte ele amu, Nug ag madakku. Ag am Kristusnu maɗi nid, Nug am ahilag Naɗi daatte.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Epesus 6:6

Ag ahilkad okkai amelagppaib, ag oolag ittag aqakkunuib aib heppig. Iitta. Kristusnu begbeg maɗi nid, nug oo oh Kristus metta Kayak oɗe dim lamidtte amubia heig!

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

Matyu 24:13

amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte

Hibru 6:17

Anukka Kayak Nug ig Nug bekkod ehanigkkunu nai ɠagattag qetta aum, Nug nai amu iinab baolimanu ippunikka auta aokkunu, Nug nai nuhig Nug onigppa ɠagattag qettom.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

Aposel 13:22

Saul nug king dayom, amge Kayak Nug nug geɗittowa, Dawit Israel dilag king daakkunu tituanowa me, nug Dawitnu inam aum. ‘Da Jesi bekka Dawit anidmi; da aɗi dabmak aottem amu, nug ele amuib aokkunu hette, amu nug am geha dahil nai oh dim lamidkku,’ awa aum.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Matyu 12:50

Aɗinu? Danab laa nug da Mamel, hab attan daatte, nug nuhig dabmak dim lamidtte, nug am da anil, da amal, da appinal ele,” awa aum.

Matyu 7:21

Danab ah ag da amelppa, ‘O Naɗi, O Naɗi,’ atteb ele, amu oh ag dahil ɗo maɗoɗ ooppa ii nomana. Iitta. Danab nug da Mamel, hab aabppa daatte, nug nuhig dabmak dim lamidtte ele, nugib dahil ɗo maɗoɗ ooppa nokku.

Sam 40:1

Yawe Nug da ehaniɗkkunu, da ool bodoettette dayeye, ameg mein daaiyi, Nug unuqittak dahil doya, da ehaniɗom.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Mak 3:35

Danab laa nug Kayaknu dabmak dim lamidtte, nug am da anil, da amal, da appinal ele,” awa aum.

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Hibru 11:39

Ooppa genab doyak danab amu ag Kayaknu oolagppa genab doon, ag Kayak noobppa onig ena aoppig, amge ag oolagppa laa nug Kayak keeke ena madakkunu nai qakka aum amu, ag wan imuppa daappig haenppa ii aoppig.