Hibru 10:29 - Nobonob Baibel

²⁹ Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

Hibru 10:29 Referans Kwoze

Hibru 6:6

danab amu ag nena qena, Kayak dimettaglag dayeb amu, ag anam henana, ag oolag eɗueb, Kayak toppa wakkulagnu ib laa iitta. Aɗinu? Ag kobol amuppa Kayak Bekka baula ad emaitakppa atulna, ag Nug ad emaitakppa danab ag nuhignu uɗa laaittak nai akkulagnu aihtteb.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Aisaia 63:10

Nug anam heum, amge ag Nug waappa daaglagnu uun, nuhig nai tappaeg ne, ag nuhig Ouɗi Oppiaawak Ele, ag Nug uug nau medappig. Ag anam heppig amunu, Nug eɗua, ahilag kekeɗ dayom. Nugnab aakku ag ele ban heppig.

1 Korint 11:27

Amunu danab laa nug oo babaittak iitta, nug Naɗinu bret o wain anam hamu awa latte amu, nug amuppa Naɗi Jesus beɗu, tiig ele am keeke hamu bia doya, kobol nug hette, amuppa nug hipunin hette.

Luk 12:10

Am danab nug Danab Bekkalag da, dahilnu nai nau akku amu, geha Kayak Nug hipunin amu uhuqa medakku. Amge danab nug Kayak Ouɗinu dabittak nai madikku amu, nug hipunin uhuqa mettak ii aoma.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Aposel 7:51

Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 9:13

Am inam bia. Ɗo alagppa danab ag Kayak ele ouqak daaglagnu elele iitta daappig amu, mana mettak danab ag meeme tiilkad, makau dawai tiilkad, amu makau balat manaeg, uhuɗ meum ele amu, ag tiig, uhuɗ amu ele aon, danab Kayak ele ouqak daaglagnu elele iitta amu qaɗelagppa tauɗeg, Kayak amegppa danab amu ag beɗulagib oppiaawak daappig,

1 Korint 11:29

Aɗinu? Danab nug nuhig oiyak elele iittappa, Naɗi Jesus beɗu, tiig ele amu dab-ii-mata, nug hamu latte dayeb, nug nukka nuhig aab aakku latte.

Hibru 6:4

Danab ag Kayak nai ena aoppig, ag matu hab attannu ɗo ena aon oolagppa meppig, ag Kayak Ouɗi ele aoppig,

Hibru 2:11

Laa amu, Jesus Nug he, danab oppiaawak betteb. Amu danab oppiaawak betteb ele, ag Nug ele oh am Mamelag laippu waappa daatteb amunu, Jesus Nug amu dilagnu, “Da lailad,” akkunu Nug uɗa ii nette.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Aisaia 14:19

King laala oh ag matmatppa anam niitteb, amge laa nug na gaɗan matmatppa ii meum. Iitta. Na gaɗan am hamu, miag daatte; doɗ laa mauha beɗeɗe, danab anidtte, amge nug keeke laa ii hette, na gaɗan am amubia daatte. O na gaɗan am ban haenppa kekeɗ ag ban gudkkudppa o latppa danab kuɗum aqaeg mauheg, laa ag mauhak gaɗalag amu moɗ hamuppa akkaeg nona daatteb, na gaɗan amubia daatte. O na gaɗan amu danab laa banppa oiye oiye, qeeg mauha, na qa wanppa niieye, ban danab laa ag baelagppa danab mauhom amu tappanna gotteb, na gaɗan am anam bia daatte.

2 King 9:33

Jehu nug amelagppa aum. “Ag ah amu aon, buɗippeg naɗ!” awa aum. Awa a, aakku ag Jesebel aon, buɗieg no, Jehunu hos aa gaɗa amu tappaya ukkaeheh, Jesebel tiig ukka, lagnu gilil laitta, hos ele layatom.

Hibru 9:20

Nug aum. “Tiig imu am, nug tituana nai qakkak, Kayak ag dim lamidkkulagnu aum amu, am tituanak nai amu ɠagattag qedatte,” awa aum.

1 Korint 15:25

Amunu diig am, Kristus Nug keeke ohnu gumak danab dayebeb ukkeb, Kayak heeb, Kristus Nug nuhikkud kekeɗ oh tabatteb, ag nug baeg waappa wakkulagoitte.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Matyu 26:28

Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Gayak Nai 1:15

Naɗi Nug ig Juda, ihinig daup ɠagattagnab dimattom. Ao, Nug daup laa ag ig Juda, ihinkad nid bau maduduɗadkkulagnu onilagppa eum. Naɗi Nug danab grep meu tappa leppu awaknu abenppa grep meu baegppa tappe, meu nauhtte, amubia Nug he, Juda danab ah ag nauhadppig daatteb.

Aisaia 28:3

Israel danab ag spak mena, Samaria onig attannab human, laa oh eɗattak anambia dootteb, amge kekeɗ ag uɗin eheɗ tappan oɗoɗppeg, nug nauha niia, padal mekku.

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

1 Korint 15:27

Amu bekkunu diig am, Kayak naippa, nai laa amunu inam daatte: “Kayak Nug Nug keeke oh gumadkkunu eppegppa meum.” Kayak nai amuam Kayak Nug keeke oh Kristus waappa meum ippunigtte, amge Kayak Nug nukka keeke amu ooppa ii daatte am ele miag atiak daatte. Nug keeke laa oh Kristus waappa meum.

Esekiel 16:6

Laa oh ag nahipnu anam heppig, amge da, Yawe, da laih gokkulnu uɗien, neekki ukke, na aguppa na tiinppa daan, buɗibɗib oinna heehe anidmi. Da uɗien, na anam anitten, na tiin qaɗeppa niieye amu, da, “Na bau daye!” ami.

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Sam 91:13

Na geha laion, amu mat nau ele eɗadppe, ag aɗitai keeke laa hekkulagnu elele iittanab daaglag. Ao, na geha laion bau, mat nau ele tappaladppe noppeg, ag aɗitai laa hekkulagnu elele iittanab daaglag.

Eksodas 24:8

Ag anam aeg amu, Moses nug tiig tappiɗ laalappa dayom amu diia, danab ah qaɗelagppa tauɗe ugekke, nug aum. “Yawe Nug nai amu oh matta, amu geha Nug ag ele nai amu atte bia, Nug ag ele nug tituanna nai qagatteb. Aria, tiig imu amu, am nug tituana nai qakkak nai amu ɠagattag qedatte,” awa aum.

Daniel 8:13

Aria, da Daniel, da tuleglegppa amu antten, da laa Kayaknu oppiaawak ele daatte, nug nai mattieye, laa, nug ele Kayaknu oppiaawak ele, nug nug amegppa nai laa aum am, da ahilah nai doomi. Nug oɗ metta inam aum. “Tulegleg danab imu anidtte ele, nug tuleglegppa keeke digdig anidtte. Amu keeke amu oh ba malakku; amu haen gane laa ele ukkeb, keeke amu oh ba malakku? Tuleglegppa nug inam anidtte. Qeqeɗi amu nug heeb, deɗ oh Kayaknu mana mettak ii hemana, nug tappe nak nau heeb, nauhak okkainab daakku, nug heeb, Kayaknu mettid lag am nug eppegppa dayaya, keeke hamu bia daakku, amu nug Kayaknu daup eɗatta, heeb nauhkkulag,” awa aum.

Mak 7:2

Jesusnu ippunittak awak danab laala, ag Juda dilag ɗo amuppanab eppelag ii ihappig, ag eppelag hamu ihona, ee lanan daaegeg anadppig.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

Hibru 4:14

Anam daatte amunu, ig ooppa genab doyak ihinig, ig heut miag atitte ele amu, ig amu aɗat auta aotu! Aɗinu? Ig ihinig mana mettak ikki danab, Nug hab aabppa teum daatte. Nug am Jesus, Kayak Bekka.

Hibru 10:10

Jesus Kristus Nug Kayaknu dabmaknab awak dim lamitta, haen laippu aakkuib Nug nukka Nug beɗu mana mettak bia Kayak mettom. Amuppa Nug he, ig oppiaawak danab bemut daattem.