Hibru 10:28 - Nobonob Baibel

²⁸ Ig doottem, danab laa nug Mosesnu ɗo tippale, aɗi heehe anttomnu mattiak danab aɗit o danab ewam ag anidna, nug eheɗ heum amunu heeg, miag atie, ag nuhignu oo gai-iitta doya oo metta ehanittak kobol ii dim lamidppig. Iitta! Ag nug qeeg mauhom.

Hibru 10:28 Referans Kwoze

Hibru 2:2

Anukka Kayak Nug engel oɗelagppa ɗo nai aawo be, nai amu ɠagattag daattom. Ɗo nai anam ɠagattag daye, danab ag uun, tappaeg neum amu, ag nob nau, ahilag eheɗ hak eleleppa aodppig.

Duteronomi 19:15

Ag aibnab danab laippuib, laa nug aɗi eheɗ heehe anttomnu mattiak heeb doona, ag nuhig naippaib eheɗ heumtai ele, danab amu eheɗ heum ana ɠagattag qedappig! Aɗi heehe anttomnu mattiak danab aɗit o ewam ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.

2 Korint 13:1

Gemu da haen ewam batak aakku ag gumatte gokkulnu hettem amunu, Kayak naippa nai inam daatte, ag dooglagnu attem. “Danab laa beɗuppa nai yaaglagnu dayeb amu, aɗi heehe anttomnu mattiak danab aɗit o ewam, ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.” Da goppi, ag ig ele nai laala ib amuppaib bappaidkkunig.

Jon 8:17

Ahilag ɗoppa amu nai inam yaak daatte. ‘Danab aɗit aa nai diig laippu attep amu, nai ahilah am genab’. Yaak anam niitte.

Matyu 18:16

Amge nug nahip nai ii doyeb amu, na Kayak naippa nai daatte, amubia hekkutnu, na danab laippu, o aɗit ele diiatppe, na ele gona nai mattieg! Kayak naippa nai amunu daatte am inam. ‘Aɗi heehe anttomnu mattiak danab aɗit, o iitta ewam ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.’

2 Samuel 12:13

Natan nug anam Dawit amegppa a, Dawit nug aum. “Da Yawe, nuhigppa hipunin aakku hemi,” awa aum. Awa a amu, Natan nug ⌊Dawit nug oo eɗua auta autanab awe doya, nug⌋ aum. “Yawe Nug hipunin nahip aakku uhuqa mettom. Na ii mauhmana,

Duteronomi 19:13

Ag aib qe mauhak danab amu, nuhignu oolag doyom! Ag danab qe mauhaknu aab ele, nug ag oolagppa daamanu heppeg, aib dayom! Oiyak ahilag ena bekkunu amu, ag anam heig!

Namba 15:36

Yawe Nug anam aum amunu, Israel danab ah oh ag danab amu aon gona, haen tutu dayaknu aab kalak dimittim menppa makkuɗeg mauhom. Ag Yawe Nug Moses amegppa anam hekkulagnunab aum bia heppig.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Rom 9:15

Aɗinu? Nug Moses amegppa aum. “Da danab laanu oo gai-iitta doye ool metten ehanidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul,” awa aum.

Jeremaia 13:14

Danab ag le ɠagattag huan laeg, kaaka aqe oinna, nug qak henana, guittak aotteb, amubia da heppi, ag oh bu aon, guittak aoglag. Mameg guittak aokku, bekka ele anamib. Da ahilagnu ool gai-iitta doyen, ool matten, iinab ehanadpa. Da ag nauhmananu ehanadppi, guittak ii aomnanu iinab hepa.” ’ ” Yawe Nug anam awa atte.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

2 Samuel 12:9

Amunu aɗinu na da Yawe, na dahil nainu ena iinab doon, eheɗ nau amu heme? Na hee, kekeɗ ag Hit danab Uraia qep elabppa qeeg mauhom. Ao, ag nug qeeg mauhe, na nug wau, nahip ah daakkunu aome. Ge, na hee, Amon danab ag qep elabppa Uraia qeeg mauhom.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!