Hibru 10:25 - Nobonob Baibel

²⁵ Amu ig laala ag hetteb amubia ig Kristen lainkad ele qagmak laippu haknu kobol ii uumta. Iitta. Ig qagmetata, lainkad oolag ɠagattag aqatu! Ig Kristusnu deɗ miag doum daatte anidttem amunu, ig uɗat amu tuɗidta huana hetu!

Hibru 10:25 Referans Kwoze

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

1 Tesalonaika 5:11

Anam amunu, ag gemu hetteb amu, ag tuɗidna, anamib henana, akka akka nug ehanidna, nug oo ɠagattag qettak ele heig!

Hibru 3:13

Ag gemu haen imuppa Nug baag dooglagnu elele daatteb amunu, Nug haen imunu, “Gemu,” awa atte amunu, ag haen imuppa deɗ ohppa eheɗ hak kobol laa ag oolag bubuitteb, ag oolag ɠagattag eppamnanu amu, ag ag lailkad Nai Ena amelagppa mattinna, dabmak ahilag maɗatteg!

Hibru 10:24

Amu ig lainkad dilag, ag danab laa dilagnu oolag mauhkkunu, kobol ena ele hekkulagnu maɗattagnignu, ig amu ele dabmetu!

1 Korint 5:4

Ag ihinig Naɗi Jesus onigppa qagmebeppeg, dahil dabmak, amu ihinig Naɗi Jesusnu ɠagattag ele ag ele oh daappeg,

1 Tesalonaika 4:18

Anam amunu, ag nai amuppa lailkad ele nug ɠagattag qeig!

Aposel 2:1

Aria, haen Juda dilag deɗ okkai onig Pentikos, deɗ amu uɗie, laa Jesusnu oolagppa genab dooppig, ag oh aben laippu appa qagmeppig.

Aposel 20:7

Amu mettidnu deɗ anuqak, deɗ amuppa ig, appan Kristen danab ele oh ee laippu aognignu qagmemut. Am Pol nug wagɗeb deɗ amuppa gokkunu dayom amunu, nug nai elab danab amu amelagppa mattieye ukka, tu meum.

1 Korint 14:3

Amge danab nug Kayak nai mehuqtte, danab amu nug nai mattieye, danab dilag ooppa genab doyak ɠagattag qedatte, kobol ena dim lamidkkulagnu ɠagattag madatte, amu ag oolagppa maɗoɗ daakkunu ɠagattag ele madatte.

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Pilipai 4:5

Naɗi uɗikkunu haen aakku malom daatte amunu, ag heppeg, danab oh ag ahilagnu, ag am oolag bodoette wagai ii mak danab daatteb doyatteg!

2 Pita 3:9

Danab laala ag, “Naɗi Nug eɗua uɗikkunu nai qakka aum amu, paha eɗua ii uɗia hette,” dabmetteb, amge anam iitta. Iitta. Nug ahilagnu oo bodoettak ele daatte. Nug danab laippu laa padal mekkunu oo ii daatte. Iitta! Nug danab oh ag oolag eɗukkunu oo okkai daatte amunu, Nug haen madatte.

Jems 5:8

Amubia ag ele ag oolag bodoettak ele daanna, ag oolag ɠagattag qettan dayeg! Aɗinu? Naɗi eɗua uɗikkunu miag daatte.

1 Korint 14:23

Anam daatte amunu, Kristen tamaniak danab ah oh ag qagmena, ag nai piɗe piɗeppa nai mattiglag dayeb, danab laala ag oolag ii maidtte o iitta ag oolagppa genab ii dootteb ele amu, ag ahilag qagmak ooppa nona anadna, ag, “Ag kaaka aqom,” aon akkulag.

Jut 1:19

Danab amu, ag tamaniak ooppa anam heegeg, tamaniak ag oppatna laih laih daatteb. Danab amu ag oolagppa Kayak Ouɗi iitta, ag wanppan danab dilag dabmak amuib dim lamidtteb.

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

2 Pita 3:11

Keeke oh kobol anamppa padal mekkulag amunu, ag am attem daaglagnu daatteb? Ag danab oppiaawak ele, Kayaknu genab tutukku hak danab ele daaglagnu daatteb.

1 Korint 11:20

Ag anam daatteb amu haen ag oh qagmetteb amuppa ag, “Ig Naɗinu ee lattem,” aon atteb, amge ag anam ii hetteb.

1 Korint 3:13

Aria, danab ag lag, keeke piɗe piɗeppa heppig ele amu, aab lag amu eweb, ahilag uɗat am miag atikku. Laala ag keeke aab eokkunu elele iittappa uɗat heppig amu, ahilag uɗat am ii iitta mema. Amge laa ag keeke aab eokkunu eleleppa uɗat heppig amu, ahilag uɗat am iitta mekku. Amubia ele danab ag dahil nai aon, uɗat tuɗidna hetteb ele, ahilag uɗat am elele o elele iitta am miag atikku. Aab nug heeb, lagnu uɗat am miag atikku, amubia Kayak Nug heeb, danabnu uɗat am miag atikku.

Aposel 16:16

Deɗ laa ig unuqittak abenppa ukkautut, begbeg maɗi nid ahin laa, nug ooppa ouɗi nau ele, nug ibppa uɗanig teum. Ouɗi nau amu nug he, nid ahin amu nug butti aɗi keeke aɗi bekkunu amu miag atiom amunu, nid ahin amu, nuhig gumak danab ag men doɗo kuɗumnab aodppig.

Matyu 10:15

Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.

Hibru 10:37

Amuam Kayak naippa nai laa daatte amubia. Nai am inam. “Haen elab iitta, nakoknab laa ele, laa uɗikkunu daatte amu Nug uɗikku. Nug am nuhig uɗiak haen am ii eɗidma.

Hibru 13:22

O lailad, uɗug imu tutuib yaami amunu, ag daulag human, ena haknu dabmak maɗettaknu nai yaami imu, ag dooglagnu oɗ madattem.