Hibru 10:24 - Nobonob Baibel

²⁴ Amu ig lainkad dilag, ag danab laa dilagnu oolag mauhkkunu, kobol ena ele hekkulagnu maɗattagnignu, ig amu ele dabmetu!

Hibru 10:24 Referans Kwoze

1 Tesalonaika 5:11

Anam amunu, ag gemu hetteb amu, ag tuɗidna, anamib henana, akka akka nug ehanidna, nug oo ɠagattag qettak ele heig!

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

Hibru 13:1

Ag Kayak baekkudppa daatteb ele amu, ag lailkad dilagnu nug oo mauhak aib uuppig.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

Hibru 13:3

Ag lailkad laa maniguittakppa daatteb ele, ag ag ele oh maniguittakppa daalob bia doon, ag amu dilag dabmenan dayeg! Ele amu, ag lailkad laa, danab laa ag eheɗ hadatteb amu, ag ele guittak amu aolob bia doon, ag amu dilag dabmenan dayeg!

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

2 Korint 8:8

Da ami amuppa amu, da ag ɗo ii madattem. Iitta. Amge da danab laala ag uɗat pehettak hetteb ele andette, ag Korint ag aɗi heppeg ele anttena, da ahilag oo mauhak am keeke hamutai o iitta keeke genab eletai dookkul.

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

2 Tesalonaika 3:9

Ig anam hemutnu diig am, ag ihinigppa anidna oolag maitteb, ag ele bau daaglagnu uɗat hekkulag. Ig totol danab amunu, ig ag oolagppa daatta, ag eppelagppa ee aolomnu ɗo daatte, amge ig anam ii hemut.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

2 Korint 9:2

Aɗinu? Da ag uɗat amu hekkulagnu ag oolag geɗatte doottem amunu, da haen oh Makedonia danab noolagppa ag onilag hume, inam amelagppa attem. “Akaia danab Korint daatteb amu, ag maɗ tumai ukkomppa uɗat amu hekkulagnu bappaidppig.” Amu ag ehanittak uɗat imu hekkulagnu ɠagattag heegeg, Makedonia danab ag amu doona, kuɗumnab ag ele amu hekkulagnu oolag geɗatte.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Taitus 2:4

ag ah bau ag gamulkad amu ahilkad nid naunau ele dilagnu oo mauhak dooglagnu ippuanadkkulagnu,

1 Korint 9:22

Amu da danab ɠagattag iitta oolagppa dayeye amu, da danab ɠagattag iitta bia daami. Da danab ɠagattag iitta amu diiadppig, ag Kristusnu oolagppa genab dooglagnu anam hemi. Da am danab oh ag ahilag kobol atten attenppa oitteb amu, da ag diilag amu awe, da ag oolagppan laa ehanatti padal ii memananu uɗat kuɗum heinne daattem.

Rom 11:4

Nug anam a amu Kayak Nug nai nuhig attem nob meum? Kayak aum. “Da danab dahilad 7,000, ag hambuppuak kayak onig Bal, ag nug noobppa dup ii nona binag ii meppig ele amu, da ag aɗualatti, ag dahilad daatteb,” awa aum.

Sam 41:1

Am danab nug daɗek danab ah anatta, nug ahilagnu oo bodoettak ele doyadtte amu, nug itittak ena awom daatte. Danab nug daɗek anam ehanadtte amu, uug digdig nuhigppa betteb amu beegeg, Yawe Nug danab amu ehanidtte.

Prowerb 29:7

Genab tutukku hak danab ag, ag hettoɗiakppa epeɗiak danab ag daɗek danab dilagnu nai doya mala hettoɗia epeɗia elele mettak kobol dim lamidkkulagnu dabmena autna aotteb; amge nau hak danab ag, ag anam dab-ii-metteb.

Hibru 3:13

Ag gemu haen imuppa Nug baag dooglagnu elele daatteb amunu, Nug haen imunu, “Gemu,” awa atte amunu, ag haen imuppa deɗ ohppa eheɗ hak kobol laa ag oolag bubuitteb, ag oolag ɠagattag eppamnanu amu, ag ag lailkad Nai Ena amelagppa mattinna, dabmak ahilag maɗatteg!